ಅವತಾರ್ 2 ಮೊದಲ ವಾರಾಂತ್ಯ ಯಾವ ದೇಶಗಳಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದೆ? ಇಲ್ಲಿದೆ ಟಾಪ್ 6 ಪಟ್ಟಿ

ಜೇಮ್ಸ್ ಕ್ಯಾಮರೂನ್ ನಿರ್ದೇಶನದ ಅವತಾರ್ ದ ವೇ ಆಫ್ ವಾಟರ್ ಕಳೆದ ಶುಕ್ರವಾರವಷ್ಟೇ ( ಡಿಸೆಂಬರ್ 16 ) ವಿಶ್ವದಾದ್ಯಂತ ಬಿಡುಗಡೆಗೊಂಡು ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿತ್ತು ಹಾಗೂ ಕೆಲವು ಸಿನಿ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಯನ್ನು ಸಹ ಪಡೆದುಕೊಂಡಿತ್ತು. ಚಿತ್ರದ ಮೇಕಿಂಗ್ ಹಾಗೂ ವಿಷುಯಲ್ಸ್‌ಗೆ ಮನಸೋತ ಸಿನಿ ರಸಿಕರು ಅವತಾರ್ ದ ವೇ ಆಫ್ ವಾಟರ್ ಒಂದು ಮಾಸ್ಟರ್‌ಪೀಸ್ ಎಂದು ಹಾಡಿ ಹೊಗಳಿದ್ದರು.

ಇನ್ನು ವಿಶ್ವದೆಲ್ಲೆಡೆ ತನ್ನ ಮಾರುಕಟ್ಟೆಯನ್ನು ಹೊಂದಿರುವ ಹಾಲಿವುಡ್ ಚಿತ್ರಗಳನ್ನು ಭಾರತದಲ್ಲಿಯೂ ದೊಡ್ಡ ಮಟ್ಟದಲ್ಲಿಯೇ ವೀಕ್ಷಿಸುತ್ತಾರೆ. ಹಾಗೆಯೇ ಅವತಾರ್ ದ ವೇ ಆಫ್ ವಾಟರ್ ಚಿತ್ರವನ್ನು ವೀಕ್ಷಿಸಲು ಭಾರತದ ಸಿನಿ ರಸಿಕರು ಹಲವು ದಿನಗಳಿಂದ ಟಿಕೆಟ್‌ಗಳನ್ನು ಖರೀದಿಸಿ ಕಾಯುತ್ತಾ ಕುಳಿತಿದ್ದರು. ಇನ್ನು ತ್ರೀಡಿ, ಐಮ್ಯಾಕ್ಸ್ 4 D ವರ್ಷನ್‌ಗಳಲ್ಲಿಯೂ ಅವತಾರ್ ದ ವೇ ಆಫ್ ವಾಟರ್ ಬಿಡುಗಡೆಯಾಗಿದ್ದರಿಂದ ಚಿತ್ರದ ಕ್ರೇಜ್ ಮತ್ತೊಂದು ಹಂತ ತಲುಪಿತ್ತು.

ಹೀಗಾಗಿ ಮೊದಲ ದಿನ ಭಾರತದಲ್ಲಿ ಅವತಾರ್ ದ ವೇ ಆಫ್ 58 ಕೋಟಿ ಗಳಿಸಿ ಭರ್ಜರಿ ಓಪನಿಂಗ್ ಕೂಡ ಪಡೆದುಕೊಂಡಿತ್ತು. ಮೊದಲ ದಿನ ಭರ್ಜರಿ ಕಲೆಕ್ಷನ್ ಮಾಡಿದ ಅವತಾರ್ ದ ವೇ ಆಫ್ ವಾಟರ್ ಮೊದಲ ಮೂರು ದಿನಗಳಿಗೆ ಅಂದರೆ ಮೊದಲ ವಾರಾಂತ್ಯಕ್ಕೆ 150.6 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಅನ್ನು ಮಾಡಿದೆ. ಈ ಮೂಲಕ ಮೊದಲ ಮೂರು ದಿನಗಳಲ್ಲಿ ಅವತಾರ್ ದ ವೇ ಆಫ್ ವಾಟರ್ ಅತಿಹೆಚ್ಚು ಕಲೆಕ್ಷನ್ ಮಾಡಿದ ದೇಶಗಳ ಪಟ್ಟಿಯಲ್ಲಿ ಭಾರತಕ್ಕೆ ಆರನೇ ಸ್ಥಾನ ಲಭಿಸಿದೆ.

ಅವತಾರ್ 2 ಮೊದಲ ಆರು ದಿನಗಳಲ್ಲಿ ಅತಿಹೆಚ್ಚು ಗಳಿಸಿರುವ ಟಾಪ್ 6 ದೇಶಗಳ ಪಟ್ಟಿ:

ಉತ್ತರ ಅಮೆರಿಕಾ : 112.7 ಕೋಟಿ ರೂಪಾಯಿಗಳು

ಚೈನಾ : 472.4 ಕೋಟಿ ರೂಪಾಯಿಗಳು

ದಕ್ಷಿಣ ಕೊರಿಯಾ: 204.3 ಕೋಟಿ ರೂಪಾಯಿಗಳು

ಜರ್ಮನಿ: 164.5 ಕೋಟಿ ರೂಪಾಯಿಗಳು

ಫ್ರಾನ್ಸ್ : 159.6 ಕೋಟಿ ರೂಪಾಯಿಗಳು

ಭಾರತ: 150. 5 ಕೋಟಿ ರೂಪಾಯಿಗಳು

ಒಟ್ಟು: 3600 ಕೋಟಿ ರೂಪಾಯಿಗಳು