ವಿಶ್ವದ ಟಾಪ್ 10 ಸುಂದರ ಮಹಿಳೆಯರ ಪಟ್ಟಿಯಲ್ಲಿ ಭಾರತದ ಒಬ್ಬ ನಟಿಗೆ ಸ್ಥಾನ!

ದೀಪಿಕಾ ಪಡುಕೋಣೆಗೆ ಯಾವ ಸ್ಥಾನ

ಟಾಪ್ ಹತ್ತು ಸೌಂದರ್ಯವತಿಯರ ಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನದಲ್ಲಿದ್ದಾರೆ ನಟಿ ದೀಪಿಕಾ ಪಡುಕೋಣೆ. ಅವರ ಸೌಂದರ್ಯದ ಸರಾಸರಿ 91.22% ಇದೆಯೆಂದು ಸಂಶೋಧನೆ ಹೇಳಿದೆ. ಸೌಂದರ್ಯವನ್ನು ಅಳೆಯುವ ಸೂತ್ರವೊಂದಿದ್ದು, ಅದರನುಸಾರ ವ್ಯಕ್ತಿಗಳ ಮುಖ, ದೇಹದ ಅಳತೆಗಳನ್ನು ಲೆಕ್ಕ ಹಾಕಿದಾಗ ಒಟ್ಟು 1.618 ಸಂಖ್ಯೆ ಬರಬೇಕಿರುತ್ತದೆ. ಈ ಸಂಖ್ಯೆಗೆ ಹೆಚ್ಚು ಹತ್ತಿರ ಬಂದವರನ್ನು ಹೆಚ್ಚು ಸುಂದರಿಯೆಂದು ನಿರ್ಣಯಿಸಲಾಗುತ್ತದೆ.

ಮೊದಲ ಸ್ಥಾನದಲ್ಲಿರುವ ನಟಿ ಯಾರು?

ಟಾಪ್ ಹತ್ತು ನಟಿಯರಲ್ಲಿ ಮೊದಲ ಸ್ಥಾನದಲ್ಲಿರುವುದು ಬ್ರಿಟೀಷ್ ನಟಿ ಜೂಡಿ ಕೋಮರ್ ಅವರ ಸೌಂದರ್ಯ ಸರಾಸರಿ 98.7% ಇದೆ. ಎರಡನೇ ಸ್ಥಾನದಲ್ಲಿ 26 ವರ್ಷದ ಜನಪ್ರಿಯ ಹಾಲಿವುಡ್ ನಟಿ ಜೆಂಡಿಯಾ ಇದ್ದಾರೆ. ಈಕೆಯ ಸೌಂದರ್ಯದ ಸರಾಸರಿ 94.37% ಆಗಿದೆ. ಸ್ಪೈಡರ್‌ಮ್ಯಾನ್, ಡ್ಯೂನ್ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಈ ನಟಿ ನಟಿಸಿದ್ದಾರೆ. ಮೂರನೇ ಸ್ಥಾನದಲ್ಲಿ ಖ್ಯಾತ ಮಾಡೆಲ್ ಬೆಲ್ಲಾ ಹದೀದ್ ಇದ್ದಾರೆ. ಇವರ ಸೌಂದರ್ಯ ಸರಾಸರಿ 94.35% ಆಗಿದೆ.

ಯಾವ ಸೆಲೆಬ್ರಿಟಿಗಳಿಗೆ ಎಷ್ಟನೇ ಸ್ಥಾನ?

ನಾಲ್ಕನೇ ಸ್ಥಾನದಲ್ಲಿ ಖ್ಯಾತ ನಟಿ, ಗಾಯಕಿ ಬಿಯಾನ್ಸೆ ಇದ್ದಾರೆ. ಇವರ ಸೌಂದರ್ಯ ಸರಾಸರಿ 92.44 ಆಗಿದೆ. ಐದನೇ ಸ್ಥಾನದಲ್ಲಿ ನಟಿ ಅರಿಯಾನಾ ಗ್ರಾಂಡೆ ಇದ್ದಾರೆ ಇವರ ಸೌಂದರ್ಯ ಸರಾಸರಿ 91.81 ಆಗಿದೆ. ಆರನೇ ಸ್ಥಾನದಲ್ಲಿ ಸೆಲೆಬ್ರಿಟಿ ಗಾಯಕಿ ಟೇಲರ್ ಸ್ವಿಫ್ಟ್‌ ಇದ್ದಾರೆ. ಇವರ ಸೌಂದರ್ಯ ಸರಾಸರಿ 91.64 ಆಗಿದೆ. ಏಳನೇ ಸ್ಥಾನದಲ್ಲಿ ಜೋರ್ಡನ್ ಡೋನ್ ಇದ್ದಾರೆ ಇವರ ಸರಾಸರಿ 91.39 % ಇದೆ.

ಕಿಮ್ ಕಾರ್ದಾಶಿಯನ್‌ಗೆ ಎಷ್ಟನೇ ಸ್ಥಾನ?

ಎಂಟನೇ ಸ್ಥಾನದಲ್ಲಿ ವಿಶ್ವದ ಅತಿ ಶ್ರೀಮಂತ ಮಹಿಳಾ ಸೆಲೆಬ್ರಿಟಿ ಕಿಮ್ ಕರ್ದಾಶಿಯನ್ ಇದ್ದಾರೆ. ಇವರ ಸೌಂದರ್ಯ ಸರಾಸರಿ 91.28 ಇದೆ. ಭಾರತದ ನಟಿ ದೀಪಿಕಾ ಪಡುಕೋಣೆಯ ಸೌಂದರ್ಯ ಸರಾಸರಿ 91.22 ಇದೆ. ದೀಪಿಕಾ ನಂತರದ ಸ್ಥಾನದಲ್ಲಿ ಕೊರಿಯನ್ ನಟಿ ಹೋಯೆನ್ ಜುಂಗ್ ಅವರದ್ದಾಗಿದ್ದು ಅವರ ಸೌಂದರ್ಯದ ಸರಾಸರಿ 89.63 % ಆಗಿದೆ.