Don't Miss!
- News ಅಮಿತ್ ಶಾ ಓರ್ವ ಗೂಂಡಾ, ರೌಡಿ.! ಯತೀಂದ್ರ ಸಿದ್ದರಾಮಯ್ಯ ತೀವ್ರ ವಾಗ್ದಾಳಿ
- Automobiles Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Lifestyle ವಿಶ್ವದಲ್ಲೇ ಅತೀ ಹೆಚ್ಚು ಬಾರಿ ಚುನಾವಣೆ ಸೋತ ವ್ಯಕ್ತಿ..! ಯಾರು ಈ ಸೋಲುವ ಸರದಾರ ಗೊತ್ತಾ?
- Finance ನಿಮಗೆ ಗೊತ್ತಲ್ಲದೇ ನಿಮ್ಮ ಹೆಸರಲ್ಲಿ ಖಾತೆ ತೆರೆದಿರ್ತಾರೆ, ಪಿಂಚಣಿ ಯೋಜನೆ ಬಗ್ಗೆ ಹುಷಾರಾಗಿರಿ
- Sports IPL 2024: ಐಪಿಎಲ್ನಲ್ಲಿ ವಿಶಿಷ್ಟ ದಾಖಲೆ ಬರೆದ ಜಯದೇವ್ ಉನಾದ್ಕಟ್; ಈ ಸಾಧನೆ ಮಾಡಿದ ಮೊದಲ ಭಾರತೀಯ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಗಳಿಗೆ ಭಾರತೀಯ ಹೆಸರಿಟ್ಟ ಪ್ರಿಯಾಂಕಾ-ನಿಕ್
ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಹಾಲಿವುಡ್ ಗಾಯಕ ನಿಕ್ ಜೋನಸ್ ಕೆಲವು ತಿಂಗಳ ಹಿಂದಷ್ಟೆ ಸೆರೊಗಸಿ ಮಾದರಿಯಲ್ಲಿ ಹೆಣ್ಣು ಮಗುವೊಂದಕ್ಕೆ ಪೋಷಕರಾಗಿದ್ದಾರೆ.
ಜನವರಿ 15 ರಂದು ಈ ಜೋಡಿ ತಂದೆ-ತಾಯಿಯಾಗಿದ್ದಾರೆ. ಈ ಜೋಡಿ ತಮ್ಮ ಮಗಳ ಹೆಸರನ್ನು ಅಧಿಕೃತವಾಗಿ ಘೋಷಣೆ ಮಾಡಿಲ್ಲವಾದರೂ ಹಾಲಿವುಡ್ ಮಾಧ್ಯಮವೊಂದು ಮಗುವಿನ ಬರ್ತ್ ಸರ್ಟಿಫಿಕೇಟ್ ಅನ್ನು ಪಡೆದುಕೊಂಡಿದ್ದು, ಅದರಲ್ಲಿ ಮಗುವಿನ ಹೆಸರು ನಮೂದಾಗಿರುವುದಾಗಿ ವರದಿ ಮಾಡಿದೆ.
ಜನನ ಪ್ರಮಾಣ ಪತ್ರದ ಅನುಸಾರ ಪ್ರಿಯಾಂಕಾ-ನಿಕ್ರ ಹೆಣ್ಣು ಮಗುವಿನ ಹೆಸರು ಮಾಲತಿ ಮೇರಿ ಎಂದಾಗಿದೆ. ಪ್ರಿಯಾಂಕಾ ಚೋಪ್ರಾ ತನ್ನ ಮಗುವಿಗೆ ಭಾರತೀಯ ಹೆಸರಿಟ್ಟಿರುವ ಬಗ್ಗೆ ನೆಟ್ಟಿಗರು ಹರ್ಷ ವ್ಯಕ್ತಪಡಿಸಿದ್ದಾರೆ.
ಪ್ರಿಯಾಂಕಾ ವಿದೇಶದಲ್ಲಿಯೇ ನೆಲೆಸಿದ್ದು, ವಿದೇಶಿ ಗಾಯಕ ನಿಕ್ ಜೋನಸ್ ಅನ್ನು ವಿವಾಹವಾಗಿದ್ದರೂ ಮಗಳಿಗೆ ಭಾರತೀಯ ಹೆಸರೇ ಇಟ್ಟಿರುವುದಕ್ಕೆ ಹಲವರು ಸಂತಸ ವ್ಯಕ್ತಪಡಿಸಿದ್ದಾರೆ. ದೇಶದಿಂದ ದೂರ ಇದ್ದರೂ, ಸಂಸ್ಕೃತಿ ಮರೆತಿಲ್ಲವೆಂದು ಪ್ರಿಯಾಂಕಾರನ್ನು ಹೊಗಳಿದ್ದಾರೆ.
ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೋನಸ್ 2018 ರ ಡಿಸೆಂಬರ್ 01 ರಂದು ಭಾರತದಲ್ಲಿಯೇ ವಿವಾಹವಾದರು. ಮದುವೆಗೆ ಮುಂಚಿನಿಂದಲೇ ಪ್ರಿಯಾಂಕಾ ಹಾಲಿವುಡ್ನಲ್ಲಿ ಕೆಲಸ ಮಾಡಲು ಆರಂಭಿಸಿದ್ದರು, ಮದುವೆಯ ಬಳಿಕವಂತೂ ಬಹುತೇಕ ಹಾಲಿವುಡ್ನಲ್ಲೇ ಸೆಟಲ್ ಆದರು. ಆದರೂ ಆಗಾಗ್ಗೆ ಭಾರತೀಯ ಸಿನಿಮಾಗಳಲ್ಲಿ ಸಹ ಕಾಣಿಸಿಕೊಳ್ಳುತ್ತಿರುತ್ತಾರೆ.
ನಿಕ್ ಹಾಗೂ ಪ್ರಿಯಾಂಕಾ ಸೆರೊಗೆಟರಿ ಮಾದರಿಯಲ್ಲಿ ಬಾಡಿಗೆ ತಾಯಿಯ ಮೂಲಕ ಜನವರಿ 15 ರಂದು ಹೆಣ್ಣು ಮಗುವನ್ನು ಪಡೆದರು. ಅಂದು ಸಾಮಾಜಿಕ ಜಾಲತಾಣದಲ್ಲಿ ಸಂದೇಶ ಹಂಚಿಕೊಂಡಿದ್ದ ಪ್ರಿಯಾಂಕಾ, ''ನಾವು ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದಿದ್ದೇವೆ. ಈ ವಿಶೇಷ ಸಂದರ್ಭದಲ್ಲಿ ಎಲ್ಲರೂ ನಮ್ಮ ಖಾಸಗಿತನವನ್ನು ಗೌರವಿಸಬೇಕು ಎಂದು ಮನವಿ ಮಾಡುತ್ತೇನೆ. ಈಗ ನಮ್ಮ ಗಮನ ನಮ್ಮ ಕುಟುಂಬದ ಮೇಲಿದೆ'' ಎಂದಿದ್ದರು.
ಪ್ರಿಯಾಂಕಾ ಚೋಪ್ರಾ ನಟಿಸಿದ್ದ 'ದಿ ಮೇಟ್ರಿಕ್ಸ್; ರಿಸರಕ್ಷನ್' ಸಿನಿಮಾ 2021 ರಲ್ಲಿ ಬಿಡುಗಡೆ ಆಗಿತ್ತು, ಇದೀಗ ಪ್ರಿಯಾಂಕಾರ ಮತ್ತೊಂದು ಹಾಲಿವುಡ್ ಸಿನಿಮಾ 'ಇಟ್ಸ್ ಆಲ್ ಕಮಿಂಗ್ ಬ್ಯಾಕ್ ಟು ಮಿ' ಸಿನಿಮಾ ಬಿಡಗುಡೆಗೆ ತಯಾರಾಗಿದೆ. ಇದರ ಜೊತೆಗೆ ಹಾಲಿವುಡ್ ವೆಬ್ ಸೀರೀಸ್, 'ಸಿಟಾಡೆಲ್'ನಲ್ಲಿ ಸಹ ಪ್ರಿಯಾಂಕಾ ನಟಿಸುತ್ತಿದ್ದಾರೆ. ಬಾಲಿವುಡ್ನ 'ಜೀ ಲೇ ಜರಾ', 'ಶೀಲಾ' ಹಾಗೂ ಕಲ್ಪನಾ ಚಾವ್ಲಾ ಜೀವನ ಆಧರಿಸಿದ ಸಿನಿಮಾದಲ್ಲಿ ನಟಿಸಲಿದ್ದಾರೆ.