ಆರೋಗ್ಯ ಹದಗೆಟ್ಟಿದೆ ಚಿಕಿತ್ಸೆಗೆ ಹಣ ಸಹಾಯ ಮಾಡಿ ಎಂದು ಅಂಗಲಾಚಿದ ನಟಿ

ಸಹನಟಿಯಾಗಿ ನಟನೆ

ಮಲಯಾಳಂ ಸಿನಿಮಾದಲ್ಲಿ ಸಹನಟಿಯಾಗಿ ಹಲವು ವರ್ಷಗಳಿಂದ ಕೆಲಸ ಮಾಡಿರುವ ನಟಿ ಅಂಬಿಕಾ ರಾವ್ ಗಂಭೀರ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಅವರಿಗೆ ಶೀಘ್ರವೇ ಸೂಕ್ತ ಚಿಕಿತ್ಸೆ ದೊರೆಯಬೇಕಿದ್ದು, ಆದರೆ ಅದಕ್ಕೆ ಬೇಕಾದಷ್ಟು ಹಣ ಅವರ ಬಳಿ ಇಲ್ಲ.

ಅಪರ್ಣಾ ಗೆ ಕಿಡ್ನಿ ಸಮಸ್ಯೆ

ಇದೀಗ ನಟಿ ಅಂಬಿಕಾ, ಮಾಧ್ಯಮಗಳ ಮೂಲಕ ಮನವಿ ಮಾಡಿದ್ದು, ತಮಗೆ ಕಿಡ್ನಿ ಸಮಸ್ಯೆ ಇದ್ದು, ವಾರಕ್ಕೆ ಎರಡು ಬಾರಿ ಡಯಾಲಿಸಿಸ್‌ ಮಾಡಿಸಬೇಕಿದ್ದು, ಈ ಪ್ರಕ್ರಿಯೆಗೆ ಸಾಕಷ್ಟು ಹಣ ಖರ್ಚಾಗುತ್ತದೆ ತಮಗೆ ಆರ್ಥಿಕ ಸಹಾಯ ಮಾಡಿರೆಂದು ಮನವಿ ಮಾಡಿದ್ದಾರೆ ನಟಿ.

ಸಹೋದರನಿಗೂ ಆರೋಗ್ಯ ಸಮಸ್ಯೆ

ನಟಿ ಅಂಬಿಕಾ ಎರಡು ವರ್ಷದಿಂದಲೂ ಅನಾರೋಗ್ಯದಿಂದ ಬಳಲುತ್ತಿದ್ದಾರಂತೆ. ಅವರನ್ನು ಅವರ ಸಹೋದರ ನೋಡಿಕೊಳ್ಳುತ್ತಿದ್ದರು. ಆದರೆ ಇತ್ತೀಚೆಗೆ ಅವರಿಗೆ ಪಾರ್ಶ್ವವಾಯು ಆಗಿ ಐಸಿಯುಗೆ ದಾಖಲಾದ ಕಾರಣ ಈಗ ಅಂಬಿಕಾ ಅವರಿಗೆ ಸಮಸ್ಯೆ ಎದುರಾಗಿದೆ

ಸಂಘವು ಸಹಾಯ ಮಾಡುತ್ತಿದೆ

ಅಂಬಿಕಾ ಅವರಿಗೆ ಕೇರಳ ಸಿನಿಮಾ ನಟ-ನಟಿಯರ ಸಂಘವು ಸಹಾಯ ಮಾಡುತ್ತಿದೆಯಂತೆ ಆದರೆ ಅದು ಬಹಳ ಕಡಿಮೆಯಾಗಿದೆಯಂತೆ. ಇದೀಗ ಅಂಬಿಕಾ ಅವರ ಬ್ಯಾಂಕ್ ಖಾತೆ ಸಂಖ್ಯೆ ಸಾಮಾಜಿಕ ಜಾಲತಾಣದಲ್ಲಿ ಹಾಕಲಾಗಿದ್ದು, ಹಲವರು ಸಹಾಯ ಮಾಡುತ್ತಿದ್ದಾರೆ.

ಹಲವು ಸಿನಿಮಾದಲ್ಲಿ ನಟಿಸಿದ್ದರು ಅಂಬಿಕಾ

ವೈರಸ್, ಕುಂಬಲಂಗಿ ನೈಟ್ಸ್, ಅನುರಾಗ ಕರಿಕ್ಕಿನ್ ವೆಲ್ಲಂ, ಸಾಲ್ಟ್ ಆಂಡ್ ಪೆಪ್ಪರ್, ತಮಾಶಾ ಇನ್ನೂ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕುಂಬಲಂಗಿ ನೈಟ್ಸ್ ಸಿನಿಮಾದಲ್ಲಿ ಅವರ ನಟನೆ ಸಾಕಷ್ಟು ಮೆಚ್ಚುಗೆ ಗಳಿಸಿತ್ತು.