ದಾಂಪತ್ಯ ಜೀವನಕ್ಕೆ ಕಾಲಿಟ್ಟ 'ಮೊದಲ ಸಲ' ನಟಿ ಭಾಮಾ

ತಾಳಿ ಕಟ್ಟುವ ಶುಭ ವೇಳೆ...

ಹಿಂದು ಸಂಪ್ರದಾಯದಂತೆ ನಟಿ ಭಾಮಾ ಮತ್ತು ಅರುಣ್ ಇಂದು ವೈವಾಹಿಕ ಬದುಕು ಆರಂಭಿಸಿದರು. ಭಾಮಾ ಕೊರಳಿಗೆ ಅರುಣ್ ತಾಳಿ ಕಟ್ಟುವ ಶುಭ ವೇಳೆಯಲ್ಲಿ ಕ್ಲಿಕ್ ಆಗಿರುವ ಫೋಟೋ ಇದು.

ಮಿರಿ ಮಿರಿ ಮಿಂಚಿದ ವಧು-ವರ

ಮುಹೂರ್ತ-ಧಾರೆ ಸಮಾರಂಭಕ್ಕೆ ಕೆಂಪು ಬಣ್ಣದ ಕಾಂಚೀಪುರಂ ಸೀರೆಯಲ್ಲಿ ವಧು ಭಾಮಾ ಮಿಂಚಿದರೆ, ಬಿಳಿ ಮತ್ತು ಗೋಲ್ಡನ್ ಬಣ್ಣದ ಪಂಚೆ ಶಲ್ಯ ತೊಟ್ಟು ವರ ಅರುಣ್ ಹೀರೋ ರೀತಿ ಸಿದ್ಧವಾಗಿದ್ದರು.

ಶುಭ ಕೋರಿದ ಚಿತ್ರರಂಗದ ಗೆಳೆಯರು

ಉಭಯ ಕುಟುಂಬಸ್ಥರು, ಸ್ನೇಹಿತರು ಭಾಮಾ-ಅರುಣ್ ಕಲ್ಯಾಣಕ್ಕೆ ಸಾಕ್ಷಿಯಾಗಿ ಆಶೀರ್ವಾದ ಮಾಡಿದರು. ಚಿತ್ರರಂಗದ ಸ್ನೇಹಿತರಾದ ಸುರೇಶ್ ಗೋಪಿ, ವಿನು ಮೋಹನ್, ಮೀರಾ ಮದುವೆಗೆ ಬಂದು ನವ ವಧು-ವರರಿಗೆ ಶುಭಾಶಯ ಕೋರಿದರು.

ಯಾರೀ ಅರುಣ್.?

ಭಾಮಾ ಪತಿ ಅರುಣ್ ಕೆನಡಾದಲ್ಲಿ ವಿಧ್ಯಾಭ್ಯಾಸ ಮುಗಿಸಿದ್ದಾರೆ. ಸದ್ಯ ದುಬೈನಲ್ಲಿ ಬ್ಯುಸಿನೆಸ್ ಮಾಡುತ್ತಿದ್ದಾರೆ. ಭಾಮಾ ಹಾಗೂ ಅರುಣ್ ಕುಟುಂಬದ ನಡುವೆ ಅನೇಕ ವರ್ಷಗಳಿಂದ ಒಡನಾಟ ಇದ್ದು, ಇಬ್ಬರ ನಡುವೆ ಪರಿಚಯ ಇತ್ತು.

ನಟಿ ಭಾಮಾ ಕುರಿತು...

ನಟಿ ಭಾಮಾ ಮಲೆಯಾಳಂನಲ್ಲಿ ಹೆಚ್ಚು ಜನಪ್ರಿಯತೆ ಹೊಂದಿದ್ದಾರೆ. ಕನ್ನಡದಲ್ಲಿಯೂ ಒಳ್ಳೆ ಒಳ್ಳೆಯ ಸಿನಿಮಾಗಳ ಮೂಲಕ ಗಮನ ಸೆಳೆದಿದ್ದಾರೆ. 'ಶೈಲೂ', 'ಮೊದಲು ಸಲ', 'ಅರ್ಜುನ' 'ಆಟೋ ರಾಜ', 'ರಾಗ' ಭಾಮಾ ನಟನೆಯ ಪ್ರಮುಖ ಸಿನಿಮಾಗಳಾಗಿವೆ.