ಸ್ವಿಮ್ಮಿಂಗ್‌ ಪೂಲ್‌ನಲ್ಲಿ ಹಲ್‌ಚಲ್ ಎಬ್ಬಿಸಿದ ಕೀರ್ತಿ ಸುರೇಶ್: ಮಹಾನಟಿ ಬಿಸಿಯೇರಿಸುವ ಫೋಟೊಗಳು

ಸ್ವಿಮ್ಮಿಂಗ್‌ ಪೂಲ್‌ನಲ್ಲಿ ಮಹಾನಟಿ

ಥೈಲ್ಯಾಂಡ್‌ನ ಕೊ ಸಮುಯ್ ದ್ವೀಪದಲ್ಲಿ ಬೀಡುಬಿಟ್ಟಿರುವ ನಟಿ ಕೀರ್ತಿಸುರೇಶ್ ಕಡಲ ತೀರದಲ್ಲಿ ಕಾಲ ಕಳೆಯುತ್ತಿದ್ದಾರೆ. ಸ್ವಿಮ್ಮಿಂಗ್ ಸೂಟ್‌ ತೊಟ್ಟು ಪೂಲ್‌ನಲ್ಲಿ ಮಿಂದೆಂದು ಸ್ಟೈಲಿಶ್ ಲುಕ್‌ನಲ್ಲಿ ದರ್ಶನ ಕೊಟ್ಟಿದ್ದಾರೆ. ಮೊದಲ ಬಾರಿಗೆ ನೆಚ್ಚಿನ ನಟಿಯನ್ನು ಈ ಅವತಾರದಲ್ಲಿ ನೋಡಿದ ಅಭಿಮಾನಿಗಳು ಫಿದಾ ಆಗೋಗಿದ್ದಾರೆ. ಒದ್ದೆ ಮುದ್ದೆಯಾದ ನಟಿ ಫ್ಲೋಟಿಂಗ್ ಬ್ರೇಕ್‌ಫಾಸ್ಟ್ ಸವಿದು ಎಂಜಾಯ್ ಮಾಡಿದ್ದಾರೆ. ಗಾಗಲ್ ತೊಟ್ಟು ಕ್ಯಾಮರಾಗೆ ಪೋಸ್ಟ್ ನೀಡಿದ್ದಾರೆ. ಈ ಫೋಟೊಗೆ ಭಾರೀ ಲೈಕ್ಸ್ ಸಿಕ್ತಿದೆ.

ಕೀರ್ತಿ ಪೋಸ್ಟ್ ವೈರಲ್

ಇನ್ನು ಶರ್ಟ್, ಶಾರ್ಟ್ಸ್ ತೊಟ್ಟು ಕಡಲ ತೀರದಲ್ಲಿ ಸುತ್ತಾಡಿದ್ದಾರೆ. ರಮಣೀಯ ತಾಣದಲ್ಲಿ ನಯನ ಮನೋಹರ ಸೂರ್ಯಾಸ್ತ ಸನ್ನಿವೇಶವನ್ನು ನೋಡಿ ಸವಿದಿದ್ದಾರೆ. ಅದಕ್ಕೆ ಸಂಬಂಧಿಸಿದ ಫೋಟೊಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ತೇಲಿ ಬಿಟ್ಟಿದ್ದಾರೆ. ಅದಕ್ಕೆ ಲಕ್ಷ ಲಕ್ಷ ಲೈಕ್ಸ್, ಕಾಮೆಂಟ್ಸ್ ಸಿಗುತ್ತಿದೆ. ಕಳೆದೊಂದು ವಾರದಿಂದ ಥೈಲ್ಯಾಂಡ್‌ನಲ್ಲೇ ಕೀರ್ತಿ ಸುರೇಶ್ ಉಳಿದುಕೊಂಡಿದ್ದಾರೆ. ಹೊಸ ವರ್ಷವನ್ನೂ ಅಲ್ಲೇ ಸ್ವಾಗತಿಸಿದ್ದಾರೆ. ಸಾಹಸಮಯ ಕ್ರೀಡೆಗಳಲ್ಲೂ ಭಾಗಿ ಆಗಿದ್ದಾರೆ.

'ಮಹಾನಟಿ'ಯಾಗಿ ಮೆರೆದ ಕೀರ್ತಿ

ಚೆನ್ನೈನಲ್ಲಿ ಹುಟ್ಟಿದ ಕೀರ್ತೀ ಅಲ್ಲೇ ಶಾಲೆ ಮುಗಿಸಿದ್ದರು. ನಂತರ ತಿರುವಂತನಪುರಂಗೆ ಶಿಫ್ಟ್ ಆಗಿದ್ದರು. ಅಲ್ಲೇ ಕಾಲೇಜು ಮುಗಿಸಿದ್ದರು. ಫ್ಯಾಷನ್ ಡಿಸೈನಿಂಗ್‌ನಲ್ಲಿ ಡಿಗ್ರಿ ಮುಗಿಸಿದ ಚೆಲುವೆ 9 ವರ್ಷಗಳ ಹಿಂದೆ 'ಗೀತಾಜಂಲಿ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಬಂದಿದ್ದರು. ಅದಕ್ಕೂ ಮುನ್ನ ಬಾಲನಟಿಯಾಗಿಯೂ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರು. ಎಲ್ಲಾ ಮಲಯಾಳಂ ನಟಿಯರಂತೆ ಅಂದ, ಅಭಿನಯ ಎರಡರಲ್ಲೂ ಸೈ ಎನಿಸಿಕೊಂಡಿದ್ದರು. 2018ರಲ್ಲಿ ಬಂದ ತೆಲುಗಿನ 'ಮಹಾನಟಿ' ಸಿನಿಮಾ ದೊಡ್ಡ ಹೆಸರು ತಂದುಕೊಟ್ಟಿತ್ತು. ಚಿತ್ರದಲ್ಲಿ ಖ್ಯಾತ ನಟಿ ಸಾವಿತ್ರಿ ಪಾತ್ರದಲ್ಲಿ ಕೀರ್ತಿ ಮೋಡಿ ಮಾಡಿದ್ದರು.

4 ಸಿನಿಮಾಗಳಲ್ಲಿ ಕೀರ್ತಿ ನಟನೆ

ತೆಲುಗಿನ 'ದಸರಾ', 'ಭೋಳಾ ಶಂಕರ್' ಹಾಗೂ ತಮಿಳಿನ 'ಮಾಮಾನನ್', 'ಸಿರೆನ್' ಸಿನಿಮಾಗಳಲ್ಲಿ ಕೀರ್ತಿ ಸುರೇಶ್ ನಟಿಸುತ್ತಿದ್ದಾರೆ. ಹೊಸಬರ ಹಾವಳಿ ನಡುವೆ ಮಹಾನಟಿಯ ಆರ್ಭಟವೂ ಕಮ್ಮಿ ಆಗುತ್ತಿದೆ. ಹಾಗಾಗಿನೇ ಈ ರೀತಿ ಫೋಟೊಗಳನ್ನು ಶೇರ್‌ ಮಾಡಿ ಪದೇ ಪದೇ ನೆನಪು ಮಾಡುತ್ತಿದ್ದಾರೆ. ಸದ್ಯ ಕೀರ್ತಿ ಥೈಲ್ಯಾಂಡ್ ವಕೇಷನ್ ಫೋಟೊಗಳು ಸಖತ್ ವೈರಲ್ ಆಗಿದೆ.