Don't Miss!
- News Namma Metro Service Extend: ಲೋಕಸಭಾ ಚುನಾವಣೆಗಾಗಿ ಮೆಟ್ರೋ ಸೇವೆ ವಿಸ್ತರಣೆ, ಗಮನಿಸಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಿಡ್ ನೈಟ್ ಮಸಾಲಾ ಐಟಂ ಸಾಂಗಿಗೆ ಬಿತ್ತು ಕತ್ತರಿ
ಪಡ್ಡೆಹುಡುಗರಿಗೆ (ಹಾರ್ಟ್) ಬ್ರೇಕಿಂಗ್ ನ್ಯೂಸ್ ಇಲ್ಲಿದೆ. ಏನಪಾ ಅಂದರೆ ಇನ್ನು ಮುಂದೆ ಟಿವಿಯಲ್ಲಿ ಮಿಡ್ ನೈಟ್ ಮಸಾಲಾದಂತಹ ಐಟಂ ಸಾಂಗ್ ಗಳು ಬಿತ್ತರಗೊಳ್ಳುವುದಿಲ್ಲ. ಇದನ್ನು ಕೇಳಿ ಮಡಿವಂತರು ಸದ್ಯ ಪೀಡೆ ತೊಲಗಿತು, ಮನೆ ಮಂದಿಯೆಲ್ಲಾ ಒಟ್ಟಿಗೆ ಕುಳಿತು ಟಿವಿಯಲ್ಲಿ ಸಿನಿಮಾ ನೋಡಬಹುದು ಎಂದು ನಿಟ್ಟುಸಿರುಬಿಡಬಹುದು.
ವಿಷಯ ಏನಪಾ ಅಂದರೆ ಇತ್ತೀಚೆಗೆ ದೆಹಲಿ ಗ್ಯಾಂಗ್ ರೇಪ್- ಮರ್ಡರ್ ಎಂಬ ಕರಾಳ ಪ್ರಕರಣ ನಡೆದಿದ್ದೇ... ಸರಕಾರ ನಿದ್ದೆಯಿಂದ ಎಚ್ಚೆತ್ತಿರುವಂತಿದೆ. ಎಲ್ಲೆಲ್ಲಿ ಅಶ್ಲೀಲತೆಯ ಬಾಲ ಕಟ್ ಮಾಡಬೇಕೋ ಅಲ್ಲೆಲ್ಲಾ ಧಾರಾಳವಾಗಿ ಕತ್ತರಿ ಪ್ರಯೋಗಿಸುತ್ತಿದೆ.
ಹಿಂದಿನ ಕ್ಯಾಬರೆ ಡ್ಯಾನ್ಸನ್ನೂ ನಾಚಿಸುವಂತೆ ಸಿನಿಮಾಗಳಲ್ಲಿ ಈ item song ಹಾವಳಿ ವಿಪರೀತವೆನಿಸುವಷ್ಟು ಕಾಡಲಾರಂಭಿಸಿದೆ. ಇದು ಕಾಮಪ್ರಚೋದನೆ, ಅಪರಾಧಗಳಿಗೆ ಪ್ರೇರಣೆ ನೀಡುತ್ತದೆ ಎಂಬುದು ಸರಕಾರಕ್ಕೆ ತಡವಾಗಿ ತಿಳಿದುಬಂದಿದೆ. ಹಾಗಾಗಿ, ಈ item song ಗಳಿಗೆ ಇನ್ನು ಮುಂದೆ A certificate ನೀಡಲು ಸೆನ್ಸಾರ್ ಮಂಡಳಿ ನಿರ್ಧರಿಸಿದೆ. ಈಗಿರುವ ನೀತಿಯಂತೆ ಟಿವಿಗಳಲ್ಲಿ A certificate ಚಿತ್ರಾವಳಿ ತೋರಿಸುವಂತಿಲ್ಲ. ಅದಕ್ಕೆ ಕಟ್ಟುನಿಟ್ಟಿನ ಕಡಿವಾಣ ಬಿದ್ದಿದೆ.
ಆದ್ದರಿಂದ A certificate ಹೊತ್ತ ಯಾವುದೇ item song ಇನ್ಮುಂದೆ ಟಿವಿಯಲ್ಲಿ ವಿಜೃಂಭಿಸುವುದಿಲ್ಲ. item song ಇರುವ ಸಿನಿಮಾವನ್ನು ಟಿವಿಯಲ್ಲಿ ಬಿತ್ತರಿಸಿದರೆ Censor Board of Film Certification (CBFC) ಅದಕ್ಕೆ ಕತ್ತರಿ ಪ್ರಯೋಗ ಮಾಡಲಿದೆ ಎಂದು ಮಂಡಳಿಯ CEO ಪಂಕಜ್ ಠಾಕೂರ್ ಕಳೆದ ವಾರ ಸ್ಪಷ್ಟಪಡಿಸಿದ್ದಾರೆ.
ಆದರೆ ಸಿನಿಮಾ ಮಂದಿ ಐಟಂ ಸಾಂಗಾ? ಏನು ಹಾಂಗೆಂದರೆ? Cinematograph Act- 1952 ಅನುಸಾರ ಅದರ ಅರ್ಥ ವ್ಯಾಪ್ತಿ ಏನು? ಎಂದು ಪ್ರಶ್ನಿಸುವ ಮೂಲಕ item song ನಮ್ಮ ಆಜನ್ಮ ಸಿದ್ದಹಕ್ಕು ಎಂದು ಪ್ರತಿಪಾದಿಸುತ್ತಿರುವಂತಿದೆ.
ನಿಮ್ಮ ಪ್ರಮಾಣಿಕ ಅನಿಸಿಕೆ ಏನು- ಮನೆಮಂದಿಯೆಲ್ಲ ಕುಳಿತಿರುವಾಗ ಟಿವಿಗಳಲ್ಲಿ item song ಬಿತ್ತರವಾಗಬಹುದಾ ಅಥವಾ ಬೇಡವಾ?