ಹೊಸ ಬಾಳಿನ ಹೊಸಿಲಲಿ ಸೆಕ್ಸಿ ತಾರೆ ನವನೀತ್ ಕೌರ್

ದಕ್ಷಿಣದ ಹಾಟ್ ಮತ್ತು ಸೆಕ್ಸಿ ತಾರೆ ನವನೀತ್ ಕೌರ್ ಮದುವೆ ಮಹಾರಾಷ್ಟ್ರದ ಶಾಸಕ ರವಿ ರಾಣಾ ಜೊತೆ ಅಮರಾವತಿಯಲ್ಲಿ ನೆರವೇರಿದೆ. ಒಟ್ಟು 3600 ಜೋಡಿಗಳ ಸಾಮೂಹಿಕ ವಿವಾಹದಲ್ಲಿ ನವನೀತ್ ಕೌರ್ ಹಾಗೂ ರಾಣಾ ಒಂದಾದರು. ಮಹಾರಾಷ್ಟ್ರ ಮುಖ್ಯಮಂತ್ರಿ ಪೃಥ್ವಿರಾಜ್ ಚವಾಣ್ ನೂತನ ದಂಪತಿಗಳಿಗೆ ಶುಭ ಕೋರಿದರು.

ಈ ಮದುವೆಗೆ ನವನೀತ್ ಬಂಧು ಮಿತ್ರರು, ಧಾರ್ಮಿಕ ಮುಖಂಡರು ಸಾಕ್ಷಿಯಾದರು. ಯೋಗ ಗುರು ಬಾಬಾ ರಾಮ್‌ದೇವ್, ನಟ ವಿವೇಕ್ ಒಬೆರಾಯ್ ಸೇರಿದಂತೆ ಹಲವಾರು ಗಣ್ಯರು ಸಾಮೂಹಿಕ ವಿವಾಹಕ್ಕೆ ಆಗಮಿಸಿದ್ದರು. ಇತಿಹಾಸದಲ್ಲಿ ಈ ಹಿಂದೆಂದೂ ದಾಖಲಾಗದ ಸಾಮೂಹಿಕ ವಿವಾಹ ಇದಾಗಿತ್ತು. ಈ ಸಾಮೂಹಿಕ ವಿವಾಹ ಗಿನ್ನಿಸ್ ದಾಖ್ಲಲೆಗೆ ಸೇರುವ ಎಲ್ಲ ಸಾಧ್ಯತೆಗಳು ಇವೆ.

ವಿದರ್ಭ ಪ್ರದೇಶದಲ್ಲಿ ಆತ್ಮಹತ್ಯೆಗೆ ಶರಣಾದ ರೈತರ ಕುಟುಂಬಗಳಿಗೆ ನೆರವಾಗುವ ಉದ್ದೇಶದಿಂದ ಈ ಸಾಮೂಹಿಕ ವಿವಾಹವನ್ನು ಆಯೋಜಿಸಲಾಗಿತ್ತು. ಬಾಬಾ ರಾಮ್‌ದೇವ್ ವೇದ ಮಂತ್ರಗಳನ್ನು ಪಠಿಸುವ ಮೂಲಕ 3600 ಜೋಡಿಗಳು ಹಾರ ಬದಲಾಯಿಸಿಕೊಂಡರು. ಈ ಮದುವೆಯನ್ನು ಕಣ್ತುಂಬಿಕೊಳ್ಳಲು ಲಕ್ಷಾಂತರ ಜನ ನೆರೆದಿದ್ದರು.