ನಟಿ ಜೆನಿಲಿಯಾ ಬ್ಯಾನ್ ಮಾಡಿದ ಕಾಲಿವುಡ್ 'ಮಾ'

ಮೋಹಕ ನಟಿ ಜೆನಿಲಿಯಾ ಡಿಸೋಜ್ ರನ್ನು ತೆಲುಗು ಚಿತ್ರರಂಗ ಬ್ಯಾನ್ ಮಾಡಿದೆ. ಸಿನಮಾ ಕಲಾವಿದರ ಸಂಘದಲ್ಲಿ ಅವರು ಹೆಸರು ನೊಂದಾಯಿಸದಿದ್ದುದೇ ಈ ನಿರ್ಧಾರಕ್ಕೆ ಕಾರಣ. ಅವರು ಹೆಸರು ನೊಂದಾಯಿಸಿಕೊಳ್ಳುವವರೆಗೂ ಈ ಬ್ಯಾನ್ ಜಾರಿಯಲ್ಲಿ ಇರುತ್ತದೆ.

ಸಿನಿಮಾ ಕಲಾವಿದರ ಸಂಘ ಮಾ, ಹೆಸರು ನೊಂದಾಯಿಸಬೇಕೆಂದು ಟಾಪ್ ಹೀರೋಯಿನ್ ಗಳಾದ ತ್ರಿಷಾ ಕೃಷ್ಣನ್, ಶ್ರೇಯಾ ಶರಣ್, ಇಲಿಯಾನಾ, ಪ್ರಿಯಾಮಣಿ ಇವರಿಗೆಲ್ಲ ನೋಟೀಸ್ ನೀಡಿತ್ತು. ಆದರೆ ಜೆನಿಲಿಯಾ ಮಾತ್ರ ಇದಕ್ಕೆ ಕ್ಯಾರೇ ಅನ್ನಲಿಲ್ಲ. ಯಾವುದೇ ಪ್ರತಿಕ್ರಿಯೆ ನೀಡದ ಜೆನಿಲಿಯಾ ಈಗ ಬ್ಯಾನ್ ಆಗಿದ್ದಾರೆ.

ಇದೀಗ ಜೆನಿಲಿಯಾ ನಟ ರಾಣಾ ಜೊತೆ 'ನಾ ಇಷ್ಟಮ್' ಸಿನಿಮಾದಲ್ಲಿ ನಟಿಸುತ್ತಿದ್ದು ಅದು ಪೂರ್ಣಗೊಂಡ ತಕ್ಷಣ ಜೆನಿಲಿಯಾ ಬ್ಯಾನ್ ಅನ್ವಯವಾಗಲಿದೆ. ಅಂದಹಾಗೆ ಈ ಜೆನಿಲಿಯಾ ಹಿಂದಿ, ಕನ್ನಡ ಸಿನಿಮಾಗಳಲ್ಲಿ ಕೂಡ ನಟಿಸಿದ್ದಾರೆ. ಅವರ ನಟನೆಯ ಕನ್ನಡ ಚಿತ್ರ ಶಿವರಾಜ್ ಕುಮಾರ್ ಜೋಡಿಯ 'ಸತ್ಯ ಇನ್ ಲವ್'. (ಒನ್ ಇಂಡಿಯಾ ಕನ್ನಡ)