ಆಚಾರ ಹೇಳಿ ಬದನೆ ತಿಂದ ರಾಕ್ ಲೈನ್

8 ಚಿತ್ರಗಳಲ್ಲಿ ಕೇವಲ ಒಂದೇ ಕನ್ನಡ ಚಿತ್ರ. ಇತ್ತೀಚಿಗೆ ಬಿಡುಗಡೆ ಆಗಿ ಭರ್ಜರಿಯಾಗಿ ಓಡಿತ್ತಿರುವ ಲೈಫು ಇಷ್ಟೇನೆ, ಸಾರಥಿ ನ ಕೂಡ ಪ್ರದರ್ಶನ ಮಾಡಬಹುದಿತ್ತಲ್ವಾ? 80% ಗಿಂತ ಹೆಚ್ಚು ಕನ್ನಡಿಗರು ವಾಸವಾಗಿರೋ ಈ ಪ್ರದೇಶದಲ್ಲಿ 80% ಗಿಂತ ಜಾಸ್ತಿ ಪರಭಾಷಾ ಚಿತ್ರಗಳು. ಕನ್ನಡ ಚಿತ್ರರಂಗದ ಪ್ರಭಾವಿ ನಾಯಕರುಗಳಿಗೆ ಕನ್ನಡ ಚಿತ್ರಗಳ ಮೇಲೆ ಅದೇನ್ ಕಾಳಜಿ ನೋಡ್ರಪ್ಪಾ.

ರಾಕ್ ಲೈನ್ ವೆಂಕಟೇಶ್ ಅವರ ರಾಕ್ ಲೈನ್ ಸಿನಿಮಾಸ್ ಆರಂಭವಾಗಿದ್ದು ಪುನೀತ್ ಅಭಿನಯದ ಪರಮಾತ್ಮ ಚಿತ್ರದ ಮೂಲಕ ಎಂಬುದು ಸಂತಸದ ಸಂಗತಿ. ಆದರೆ, ಅಲ್ಲಿನ ಮಲ್ಟಿಪ್ಲೆಕ್ಸ್ ಸ್ಕ್ರೀನ್ ಗಳಲ್ಲಿ ಓಡುತ್ತಿರುವುದು ಏಕೈಕ ಕನ್ನಡ ಚಿತ್ರವೂ ಪರಮಾತ್ಮ ಆಗಿರುವುದು ದುರದೃಷ್ಟದ ಸಂಗತಿ. ಮಿಕ್ಕಂತೆ ಪರಭಾಷಾ ಚಿತ್ರಗಳ ಹಾವಳಿಯೇ ಹೆಚ್ಚಾಗಿದೆ.

ಒಂದು ಕಡೆ ಡಬ್ಬಿಂಗ್ ಅನ್ನು ಬಿಡದೆ, ಪರಭಾಷೆ ಚಿತ್ರಗಳಿಗೆ ಕಡಿವಾಣವೂ ಹಾಕದೇ ಇರೋದು ವಿಪರ್ಯಾಸವೇ ಸರಿ.

ಅಷ್ಟಿಲ್ಲದೇ ಹೇಳುತ್ತರಾ - ಬೇಲಿನೇ ಎದ್ದು ಹೊಲ ಮೇಯೋದು ಅಂತ?