Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆಲುಗು 'ಆಪ್ತರಕ್ಷಕ'ನಾಗಿ ವಿಕ್ಟರಿ ವೆಂಕಟೇಶ್
'ಆಪ್ತರಕ್ಷಕ' ತೆಲುಗು ಅವತರಣಿಕೆಯಲ್ಲಿ ನಾಯಕ ನಟ ಯಾರು? ಎಂಬ ಬಗ್ಗೆ ನಡೆಯುತ್ತಿದ್ದ ಚರ್ಚೆಗೆ ಕಡೆಗೂ ತೆರೆಬಿದ್ದಿದೆ. ತೆಲುಗು, ತಮಿಳು ರೀಮೇಕ್ ನಲ್ಲಿ ರಜನಿಕಾಂತ್ ನಟಿಸಲಿದ್ದಾರೆ ಎಂಬ ಬಗ್ಗೆ ಸುದ್ದಿ ಹಬ್ಬಿತ್ತು. ಹಾಗೆಯೇ ತೆಲುಗಿನಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಹೆಸರು ಕೇಳಿಬಂದಿತ್ತು. ಆದರೆ ಈಗ ಈ ಎಲ್ಲಾ ಊಹಾಪೋಹಗಳು ಸುಳ್ಳಾಗಿವೆ.
'ಆಪ್ತರಕ್ಷಕ' ರೀಮೇಕ್ ಹಕ್ಕುಗಳನ್ನು ಖರೀದಿಸಲು ತೆಲುಗು ಚಿತ್ರೋದ್ಯಮದಲ್ಲಿ ತೀವ್ರ ಸ್ಪರ್ಧೆ ಏರ್ಪಟ್ಟಿತ್ತು. ಕಡೆಗೆ ಆಪ್ತರಕ್ಷಕ ರೀಮೇಕ್ ಹಕ್ಕುಗಳು ತೆಲುಗು ಚಿತ್ರೋದ್ಯಮದ ನಿರ್ಮಾಪಕ ಬೆಲ್ಲಂಕೊಂಡ ಸುರೇಶ್ ಪಾಲಾಗಿವೆ. ಆಪ್ತರಕ್ಷಕ ತೆಲುಗು ರೀಮೇಕ್ ಗೆ ನಾಯಕ ನಟನಾಗಿ ವಿಕ್ಟರಿ ವೆಂಕಟೇಶ್ ಆಯ್ಕೆಯಾಗಿದ್ದಾರೆ.ತೆಲುಗು ಅವರತರಣಿಕೆಯ ನಿರ್ದೇಶನ ಜವಾಬ್ದಾರಿಯನ್ನು ಪಿ.ವಾಸು ಅವರೆ ವಹಿಸಿಕೊಳ್ಳಲಿದ್ದಾರೆ. ಮೇ ತಿಂಗಳಿಂದ ಚಿತ್ರೀಕರಣ ಆರಂಭವಾಗಲಿದೆ. ಚಿತ್ರಕ್ಕೆ ತೆಲುಗಿನಲ್ಲಿ ಚಂದ್ರಮುಖಿ ಭಾಗ2 ಎಂದು ಹೆಸರಿಡಲು ಚಿಂತನೆ ನಡೆದಿದೆ.
ಈ ಕುರಿತು ಮಾತನಾಡುತ್ತಿದ್ದ ಬೆಲ್ಲಂಕೊಂಡ ಸುರೇಶ್, 'ಆಪ್ತಮಿತ್ರ' ದಂತಹ ದಾಖಲೆ ಚಿತ್ರ ನೀಡಿದವರು ನಿರ್ದೇಶಕ ಪಿ ವಾಸು. ಅವರ 'ಆಪ್ತರಕ್ಷಕ' ಚಿತ್ರ ಸಹ ಹೊಸ ದಾಖಲೆ ಬರೆಯುತ್ತಿದೆ. ಆ ಚಿತ್ರದ ರೀಮೇಕ್ ಹಕ್ಕುಗಳು ನಮಗೆ ದಕ್ಕಿದ್ದು ತುಂಬ ಸಂತೋಷವಾಗಿದೆ. ಈ ಚಿತ್ರವನ್ನು ನೋಡಿದ ಕೂಡಲೆ ವೆಂಕಟೇಶ್ ಉತ್ಸಾಹದಿಂದ ಚಿತ್ರದಲ್ಲಿ ನಟಿಸುವುದಾಗಿ ತಿಳಿಸಿದರು ಎಂದ್ದಿದ್ದಾರೆ.
ಹೊಸ ರೀತಿಯಲ್ಲಿ ಕತೆ,ಚಿತ್ರಕತೆ ಸಾಗಲಿದೆ. ಎಲ್ಲರಿಗೂ ಮೆಚ್ಚುಗೆಯಾಗುವಂತೆ ಚಿತ್ರವನ್ನು ನಿರ್ಮಿಸಲಿದ್ದೇವೆ. ಭಾರಿ ತಾರಾಗಣ, ತಾಂತ್ರಿಕ ವರ್ಗ ಚಿತ್ರಕ್ಕಿರುತ್ತದೆ. ಈ ಚಿತ್ರ ವೆಂಕಟೇಶ್ ಗೆ ಉತ್ತಮ ಹೆಸರು ತರುವ ಮತ್ತೊಂದು ಚಿತ್ರವಾಗುವುದರಲ್ಲಿ ಯಾವುದೆ ಸಂಶವಿಲ್ಲ. ಚಿತ್ರಕ್ಕೆ ಸಂಬಂಧಿಸಿದವಿವರಗಳನ್ನು ಶೀಘ್ರದಲ್ಲೆ ತಿಳಿಸಲಿದ್ದೇವೆ ಎಂದು ಸುರೇಶ್ ಹೇಳಿದ್ದಾರೆ.