ಪ್ರಚಂಡ ಕುಳ್ಳ ದ್ವಾರಕೀಶ್ ಮತ್ತೊಂದು ಚಿತ್ರ ಆರಂಭ

ಸುದೀಪ್ ಜೊತೆ 'ವಿಷ್ಣುವರ್ಧನ' ಚಿತ್ರದ ಬಳಿಕ ಒಂದಷ್ಟು ಗಂಟು ಮಾಡಿಕೊಂಡಿರುವ ನಟ, ನಿರ್ಮಾಪಕ ದ್ವಾರಕೀಶ್ ಈಗ ಮತ್ತೊಂದು ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಈ ಬಾರಿ ಅವರು ಸಿನಿಮಾಗೆ ನಮಸ್ಕಾರ ಮಾಡಲಿದ್ದಾರೆ! ಅವರ ಸಿನಿಮಾದ ಹೆಸರೇ 'ಸಲಾಂ ಸಿನೆಮಾ'.

ಎರಡು ಸ್ಕ್ರಿಪ್ಟ್‌ಗಳಲ್ಲಿ ಒಂದನ್ನು ಓಕೆ ಮಾಡಿರುವ ದ್ವಾರಕೀಶ್, 2012ನೇ ಸಾಲಿನಲ್ಲೇ 'ಸಲಾಂ ಸಿನೆಮಾ' ನಿರ್ಮಿಸಲಿದ್ದಾರೆ. ಸದ್ಯಕ್ಕೆ ಈ ಚಿತ್ರದ ಶೀರ್ಷಿಕೆ ಬಿಟ್ಟರೆ ಉಳಿದ ಅಂಶಗಳ ಬಗ್ಗೆ ದ್ವಾರಕೀಶ್ ಇನ್ನೂ ಕೈಹಾಕಿಲ್ಲ. ಶೀಘ್ರದಲ್ಲೆ ತಾಂತ್ರಿಕ ಹಾಗೂ ತಾರಾ ಬಳಗದ ವಿವರಗಳು ಹೊರಬೀಳಲಿವೆ.

'ಆಪ್ತಮಿತ್ರ' ನಿರ್ಮಿಸಿದ ಏಳು ವರ್ಷಗಳ ಬಳಿಕ ವಿಷ್ಣುವರ್ಧನ ಚಿತ್ರವನ್ನು ದ್ವಾರಕೀಶ್ ನಿರ್ಮಿಸಿದ್ದರು. ಅನಗತ್ಯ ವಿವಾದಗಳನ್ನು ಸೃಷ್ಟಿಸುತ್ತಾ ತಮ್ಮ ಚಿತ್ರದ ಬಗ್ಗೆ ಬಿಟ್ಟಿ ಪ್ರಚಾರ ಪಡೆದು ಕಡೆಗೂ ಗೆದ್ದರು ಎಂಬ ಆರೋಪಗಳು ಕೇಳಿಬರುತ್ತಿವೆ. ಏತನ್ಮಧ್ಯೆ 'ವಿಷ್ಣುವರ್ಧನ' ಚಿತ್ರ ಶತಕದೆಡೆಗೆ ಮುನ್ನುಗ್ಗಿದೆ. (ಏಜೆನ್ಸೀಸ್)