For Quick Alerts
    ALLOW NOTIFICATIONS  
    For Daily Alerts

    ಲೋಕೇಶ್ ಬಗ್ಗೆ ಮೌನ ಮುರಿದ ಗಿರಿಜಾ ಲೋಕೇಶ್!

    By * ನಾಗರಾಜ್, ಬೆಂಗಳೂರು
    |

    ಹಿರಿಯ ಜೀವ ಗಿರಿಜಾ ಲೋಕೇಶ್ ಇಡೀ ಚಿತ್ರೋದ್ಯಮ ಲೋಕೇಶ್ ಅವರ ಸಾಧನೆಯ ಬಗ್ಗೆ ತೋರುತ್ತಿರುವ ಧೋರಣೆ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಅದನ್ನು ನೋವು ಎಂದರೂ ತಪ್ಪಿಲ್ಲ. ಗಿರಿಜಮ್ಮ ಮತ್ತವರ ಮಕ್ಕಳು ಸೇರಿ ಇದೇ ಜೂನ್ 19ರಂದು ರವೀಂದ್ರ ಕಲಾಕ್ಷೇತ್ರದಲ್ಲಿ ಲೋಕೇಶ್ ಅವರ ನೆನಪಿಗೋಸ್ಕರ ರಂಗ ಸಮಾರಂಭ ಇಟ್ಟುಕೊಂಡಿದ್ದಾರೆ.

    ಲೋಕೇಶ್ ನಮ್ಮನ್ನಗಲಿ ಏಳು ವರ್ಷಗಳಾದವು. ಅಲ್ಲಿಂದ ಇಲ್ಲಿಯವರೆಗೆ ಯಾರೊಬ್ಬರೂ ಲೋಕೇಶ್ ಸಾಧನೆ, ಅವರ ಕುಟುಂಬದವರ ಬಗ್ಗೆ ಪ್ರೀತಿ-ಕಾಳಜಿ ವಹಿಸಿದವರಿಲ್ಲವಂತೆ. ಪ್ರತಿ ವರ್ಷದಂತೆ ಈ ವರ್ಷವೂ ರಂಗಭೂಮಿಗೆ ಸೇವೆ ಸಲ್ಲಿಸಿರುವ ವ್ಯಕ್ತಿಗಳನ್ನು ಕಲಾಕ್ಷೇತ್ರದಲ್ಲಿ ಸನ್ಮಾನಿಸಲಿದ್ದಾರೆ. ಜೊತೆಗೆ ಲೋಕೇಶ್ ಆಡಿದ ನಾಟಕಗಳ ಮರು ಮೆಲುಕು ಕಾರ್ಯಕ್ರಮ ನಡೆಯಲಿದೆ.

    ಗಿರಿಜಮ್ಮನಿಗೆ ಉದ್ಯಮದ ಮೇಲೆ ಬೇಸರ ಬರಲು ಮುಖ್ಯ ಕಾರಣ-ಕಳೆದ ವರ್ಷ ನಡೆದ ಲೋಕೇಶ್ ಸ್ಮರಣಾರ್ಥ ಸಮಾರಂಭ. ಅಂದು ಹೆಚ್ಚಿನ ಉದ್ಯಮದವರನ್ನು ಆಹ್ವಾನಿಸಲಾಗಿತ್ತು. ಅಂಬರೀಷ್, ರವಿಚಂದ್ರನ್ ಯಾರೊಬ್ಬರೂ ಅಲ್ಲಿಗೆ ಬರಲಿಲ್ಲ. ಕಡೇ ಪಕ್ಷ ಲೋಕೇಶ್ ಅವರು ಸಲ್ಲಿಸಿದ ಸೇವೆಯನ್ನಾದರೂ ನೆನಪಿಸಿಕೊಂಡು ಬರಬಹುದಿತ್ತು ಎನ್ನುವುದು ಗಿರಿಜಮ್ಮನ ನೋವಿನ ನುಡಿ!

    ಅವರೇ ಹೇಳುವಂತೇ-ಇದೇ ರವಿಚಂದ್ರನ್ ತಂದೆ ವೀರಾಸ್ವಾಮಿಯವರು ಲೋಕೇಶ್‌ರನ್ನು ತನ್ನ ಮಗ ಎಂದು ಆತ್ಮೀಯವಾಗಿ ಕಾಣುತ್ತಿದ್ದರು. ಆದರೆ, ಅವರ ಮಗ ಸೌಜನ್ಯಕ್ಕೂ ಸೃಜನ್ ಲೋಕೇಶ್‌ಗೆ ಸಣ್ಣ ಪಾತ್ರ ಹೋಗಲಿ, ಕಂಡಲ್ಲಿ ಸರಿಯಾಗಿ ಮಾತೂ ಆಡಿಸುವುದಿಲ್ಲವಂತೆ. ಇದನ್ನು ಹೇಳುತ್ತಾ ಗಿರಿಜಮ್ಮನ ಕಣ್ಣು ಹಸಿಯಾಗುತ್ತದೆ. ಅಂಬರೀಷ್ ಧೋರಣೆ ಬಗ್ಗೆಯೂ ಅವರು ನೋವಿನಿಂದ ಮಾತನಾಡುತ್ತಾರೆ.

    ಒಂದು ಕಾಲದಲ್ಲಿ ಇದೇ ಲೋಕೇಶ್ ಉದ್ಯಮದ ಗೆಂಡೆತಿಮ್ಮನಾಗಿ ಮೆರೆದಿದ್ದರು. ಆದರೆ, ಇಂದು ಯಾರೊಬ್ಬರಿಗೂ ಅವರ ನೆನಪಿನ ಉತ್ಸವದಲ್ಲಿ ಭಾಗವಹಿಸಬೇಕು ಎಂಬ ಕನಿಷ್ಟ ಆದರವೂ ಇಲ್ಲ. ಬಸಂತ್ ಕುಮಾರ್ ಪಾಟೀಲರಿಗಂತೂ ಇಂಥವುದರ ಬಗ್ಗೆ ತಲೆ ಕೆಡಿಸಿಕೊಳ್ಳುವಷ್ಟು ವ್ಯವಧಾನ ಇಲ್ಲ. ತಮ್ಮ ಸೀಟನ್ನು ಇನ್ನಷ್ಟು ತಿಂಗಳು ಭದ್ರವಾಗಿರಿಸಮ್ಮಾ ಎಂದು ಭದ್ರಕಾಳಿಯಲ್ಲಿ ಪ್ರಾರ್ಥನೆ ಮಾಡುವುದರಲ್ಲೇ ಅವರ ಟೈಮೆಲ್ಲಾ ತೊಳೆದುಹೋಗುತ್ತಿದೆ!

    English summary
    At last Kannada senior actress Girija Lokesh breaks her silence about her husband cum actor Lokesh. Kannada film industry totally ignores Lokesh's contribution to the industry. Even Crazy Star Ravichandran and Rebel Star Ambareesh also looking down on actors family. she deeply hurted about the industry's mistreat. Here is the exclusive thatskannada report.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X