Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಊರೂರು ಸುತ್ತಿ ತವರಿಗೆ ಬಂದ್ಲು ‘ರತಿ’
ರತಿ.
ನೋಡಲಿಕ್ಕೂ
ಈಕೆ
ರತಿರೂಪಿಯೇ.
'ಬಾಯ್ಫ್ರೆಂಡ್"
ಚಿತ್ರದ
ನಾಯಕಿ
!
ಯಾರೀ ರತಿ ? ಎಲ್ಲಿಂದ ಬಂದಳು- ತೆಲುಗಿನವಳೋ, ಮಲಯಾಳಿಯೋ ಅಥವಾ ತಮಿಳು ಹುಡುಗಿಯಾ ? ಉಹುಂ, ನಾನು ಬೆಂಗಳೂರಿನವಳು, ಕನ್ನಡತಿ ಎಂದು ನಕ್ಕರು ರತಿ. ಕನ್ನಡತಿ ಹೌದಾದರೂ ಮಾತೃಭಾಷೆ ತಮಿಳು. ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವಳು ಎಂದು ರತಿ ಪರಿಚಯಿಸಿಕೊಂಡರು.
'ಬಾಯ್ಫ್ರೆಂಡ್"ನ ನಾಯಕಿ ಕನ್ನಡ ಚಿತ್ರರಂಗಕ್ಕೆ ಮಾತ್ರ ಹೊಸಬಳು. ಈಗಾಗಲೇ ತಮಿಳು, ತೆಲುಗು, ಮಲಯಾಳಿ ನೀರು ಕುಡಿದು ಬಂದಿದ್ದಾಳೆ. ತಮಿಳಿನಲ್ಲಿ 12 ಚಿತ್ರಗಳಲ್ಲಿ ಅಭಿನಯಿಸಿದ್ದಾಳಂತೆ. ಒಂದು ಇಂಗ್ಲಿಷ್ ಚಿತ್ರದಲ್ಲೂ ಅಭಿನಯಿಸಿದ ಅನುಭವವಿದೆ. ಒಂದು ಕೈ ನೋಡುವ ಎಂದು ಕನ್ನಡಕ್ಕೂ ಬಂದಿದ್ದಾರೆ. ಕೊನೆಗೂ ಕನ್ನಡದಲ್ಲಿ ಅವಕಾಶ ಸಿಕ್ಕ ಕುರಿತು ರತಿಗೆ ಖುಷಿ, ತವರಿಗೆ ಮರಳಿದ ಹೆಣ್ಣಿನ ಪುಳಕವಿರುತ್ತದಲ್ಲ , ಅಂತಾದ್ದು .
ರತಿ ಇನ್ನೂ ವಿದ್ಯಾರ್ಥಿನಿ. ಓದುತ್ತಿರುವುದು ಡೆಂಟಲ್ ಸೈನ್ಸ್ . ಎರಡನೇ ವರ್ಷದಲ್ಲಿ ಕಲಿಯುತ್ತಿದ್ದಾಳೆ, ನಟಿಸುತ್ತಲೂ ಇದ್ದಾಳೆ.
ತಮಿಳು ಚಿತ್ರಗಳ ಬಗ್ಗೆ ರತಿಗೆ ಒಂಚೂರು ಅಭಿಮಾನವಿದೆ. ಗ್ಲಾಮರಸ್ ಪಾತ್ರಗಳಷ್ಟೇ ಅಲ್ಲ , ಅಭಿನಯಕ್ಕೆ ಅವಕಾಶವಿರುವ ಪಾತ್ರಗಳಲ್ಲೂ ಆಕೆ ನಟಿಸಿದ್ದಾಳಂತೆ. ಆಕೆಯೇ ಹೇಳುವಂತೆ, 'ಸೋಲಮಾನಂದೈ ಕಥ" ಎನ್ನುವ ಚಿತ್ರದಲ್ಲಿ ಗರ್ಭಿಣಿಯಾಗಿ, ಮಗುವಿನ ಅಮ್ಮನಾಗಿ ನಟಿಸಿದ್ದಾಳೆ. ಆ ಅನುಭವವನ್ನು ಚಪ್ಪರಿಸುವ ರತಿ, ತಮಿಳು ಚಿತ್ರರಂಗದಲ್ಲಿ ಆರೋಗ್ಯಕರ ವಾತಾವರಣ ಇದೆ ಎನ್ನುತ್ತಾರೆ.
ರತಿ ಪಕ್ಕಾ ಹೋಂವರ್ಕ್ ಗಿರಾಕಿ. ಸಿದ್ಧತೆ ಇಲ್ಲದೆ ಶೂಟಿಂಗ್ಗೆ ಬರೋದೇ ಇಲ್ಲ ಎನ್ನುವ ಈ ನಟೀಮಣಿ- 'ಬಾಯ್ಫ್ರೆಂಡ್" ಚಿತ್ರದ ಬಗ್ಗೆ ಅಪಾರ ವಿಶ್ವಾಸ ಹೊಂದಿದ್ದಾರೆ. ಚಿತ್ರ ಗೆದ್ದರೆ ರತಿಗೆ ಇನ್ನಷ್ಟು ಅವಕಾಶ ಸಿಕ್ಕಾವು. ಕನ್ನಡ ಹುಡುಗಿಯನ್ನು ಚಿತ್ರೋದ್ಯಮ ಹೇಗೆ ಬಳಸಿಕೊಳ್ಳುತ್ತದೋ, ನೋಡಬೇಕು.
ಅಂದಹಾಗೆ, 'ಬಾಯ್ಫ್ರೆಂಡ್" ಚಿತ್ರದಲ್ಲಿ ರತಿಗೆ ನಾಯಕನಾಗಿ ಅಭಿನಯಿಸುತ್ತಿರುವುದು ದಿಲೀಪ್. ಹಂಸಲೇಖಾರ 'ಪ್ರೀತಿಗಾಗಿ" ಧಾರಾವಾಹಿ ನೋಡಿದ್ದೀರಾ ? ಹೌದು, ಅದೇ ದಿಲೀಪ್. ಚಿತ್ರದ ನಿರ್ದೇಶಕ ಜನ, ಅರ್ಥಾತ್ ಜನಾರ್ದನ್.