ಫೆ. 23ರಂದು ದೇಶದಾದ್ಯಂತ 9000 ಚಿತ್ರಮಂದಿರ ಬಂದ್

ಗುರುವಾರ (ಫೆ.23) ಚಲನಚಿತ್ರೋದ್ಯಮಕ್ಕೆ ಸಂಬಂಧಪಟ್ಟ ಚಲನಚಿತ್ರ ನಿರ್ಮಾಪಕರು, ವಿತರಕರು, ಪ್ರದರ್ಶಕರು, ನಿರ್ದೇಶಕರು, ಕಲಾವಿದರು, ಕಾರ್ಮಿಕ ಕಲಾವಿದ ತಂತ್ರಜ್ಞರ ಒಕ್ಕೂಟದ ಸದಸ್ಯರು, ಛಾಯಾಗ್ರಾಹಕರು, ಸಂಕಲನಕಾರರನ್ನೊಳಗೊಂಡ ಎಲ್ಲಾ ಚಲನಚಿತ್ರೋದ್ಯಮದ ಬಂಧುಗಳು ತಮ್ಮ ಎಲ್ಲಾ ಕಾರ್ಯ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಲಿದ್ದಾರೆ.

ಈ ಸಂಬಂಧ ಬೆಳಗ್ಗೆ 10.30ಕ್ಕೆ ಕನ್ನಡ ಚಲನಚಿತ್ರೋದ್ಯಮ ರಾಜ್ಯಪಾಲರಿಗೆ ಮನವಿ ಪತ್ರ ಸಲ್ಲಿಸಲಿದೆ. ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಿಂದ ರಾಜಭವನಕ್ಕೆ ತೆರಳುವ ಮೆರವಣಿಗೆಯಲ್ಲಿ ಇಡೀ ಕನ್ನಡ ಚಿತ್ರೋದ್ಯಮ ಸಕ್ರಿಯವಾಗಿ ಭಾಗವಹಿಸಲಿದೆ.

ಭಾರತ ಚಲನಚಿತ್ರಗಳ ಒಕ್ಕೂಟದ ಸಂಘಟಕರು ಮತ್ತು ಪ್ರದರ್ಶನಕರು ಕಳೆದ ವಾರ ಹಣಕಾಸು ಸಚಿವ ಪ್ರಣವ್ ಮುಖರ್ಜಿ ಅವರನ್ನು ಭೇಟಿ ಮಾಡಿದ್ದರು. ಶೇ.10.3ರಷ್ಟು ಸೇವಾ ತೆರಿಗೆಯನ್ನು ವಾಪಸು ಪಡೆಯಬೇಕೆಂದು ಅವರಲ್ಲಿ ವಿನಂತಿಸಿಕೊಂಡಿದ್ದರು. ಆದರೆ ಅವರ ಭೇಟಿ ಫಲಪ್ರದವಾಗದ ಹಿನ್ನೆಲೆಯಲ್ಲಿ ಬಂದ್‌ಗೆ ಕರೆಕೊಡಲಾಗಿದೆ. ಈ ಪ್ರತಿಭಟನೆಯಲ್ಲಿ ಮಲ್ಟಿಫ್ಲೆಕ್ಸ್‌ಗಳು ಪಾಲ್ಗೊಳ್ಳುತ್ತಿಲ್ಲ. (ಒನ್‌ಇಂಡಿಯಾ ಕನ್ನಡ)