For Quick Alerts
    ALLOW NOTIFICATIONS  
    For Daily Alerts

    ಶಿವಣ್ಣನಿಗೆ ಈಗ ಇನ್ನೂ ಇಬ್ಬರು ತಮ್ಮಂದಿರು

    |

    ಶಿವರಾಜ್ ಕುಮಾರ್ ಅವರಿಗೆ ಮತ್ತೆ ಇಬ್ಬರು ತಮ್ಮಂದಿರು ದೊರೆತಿದ್ದಾರೆ. ಶಿವಣ್ಣನಿಗೆ ರಾಘವೇಂದ್ರ ರಾಜ್ ಹಾಗೂ ಪುನೀತ್ ರಾಜ್ ತಮ್ಮಂದಿರೆಂಬುದು ಎಲ್ಲರಿಗೂ ಗೊತ್ತು. ಆದರೆ ಈಗ ಇನ್ನೂ ಇಬ್ಬರು ತಮ್ಮಂದಿರು ಆಗಿದ್ದಾರೆ. ಈ ಇಬ್ಬರು ಲೂಸ್ ಮಾದ ಅಲಿಯಾಸ್ ಯೋಗೇಶ್ ಮತ್ತು ಶ್ರೀನಗರ ಕಿಟ್ಟಿ. ಆದರೆ ಇದು ರಿಯಲ್ ಲೈಫ್ ನಲ್ಲಲ್ಲ, ತೆರೆಯ ಮೇಲೆ ಅಷ್ಟೇ.

    ಪವರ್ ಸ್ಟಾರ್ ಪುನೀತ್, ಶ್ರೀನಗರ ಕಿಟ್ಟಿ ಮತ್ತು ಲೂಸ್ ಮಾದ ಯೋಗೇಶ್ ಒಟ್ಟಾಗಿ ಅಭಿನಯಿಸಿದ್ದ ಹುಡುಗರು ಸೂಪರ್ ಹಿಟ್ ಆಯ್ತು. ಆ ಚಿತ್ರದ ನಿರ್ದೆಶಕ, ರೀಮೇಕ್ ಚಿತ್ರಗಳ ಸರದಾರ ಎಂಬ ಪ್ರಸಿದ್ಧಿಯ ಕೆ. ಮಾದೇಶ್ ಇದೀಗ ಹೊಸ ಚಿತ್ರವೊಂದನ್ನು ನಿರ್ದೆಶಿಸುತ್ತಿದ್ದಾರೆ. ಹೆಸರು ಅಣ್ಣ-ತಮ್ಮಂದಿರು. ಆದರೆ ಇದು ರೀಮೇಕ್ ಅಲ್ಲ, ಪಕ್ಕಾ ಸ್ವಮೇಕ್.

    ಎಂ.ಎಸ್. ಅಭಿಷೇಕ್ ಕಥೆಗೆ ಕೆ.ವಿ. ರಾಜು ಸಂಭಾಷಣೆ ಬರೆದಿದ್ದಾರೆ. ಮಾದೇಶ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ರೀಮೇಕ್ ನಿರ್ದೆಶಕ ಪಟ್ಟದಿಂದ ಕೆಳಗಿಳಿಯಲು ಕೆ ಮಾದೇಶ್ ಪ್ರಯತ್ನಿಸುತ್ತಿದ್ದಾರಾ? ಇರಬಹುದು. ಯಾಕೆಂದರೆ ಅವರು ಈ ನಡುವೆ ಸ್ವಮೇಕ್ ಗೆ ಮೊರೆಹೋಗಿರುವುದೇ ಹೆಚ್ಚು. ಯೋಗಿ 'ಪ್ರೀತ್ಸೆ ಪ್ರೀತ್ಸೆ', ದುನಿಯಾ ವಿಜಯ್ 'ಕರಿ ಚಿರತೆ' ಮಾಡಿದ್ದಾರೆ. ಇದೀಗ ಡೆಡ್ಲಿ ಆದಿತ್ಯನ 'ರಾಸ್ಕಲ್' ಮುಗಿಸಿದ್ದಾರೆ. ಇವೆಲ್ಲವೂ ಸ್ವಮೇಕ್.

    ಶಿವಣ್ಣ ಹಾಗೂ ರಾಧಿಕಾ ಜೋಡಿಯ 'ಅಣ್ಣ-ತಂಗಿ' ನಿರ್ಮಾಪಕ ಪ್ರಭಾಕರ್ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇದು ಅಣ್ಣ ತಮ್ಮಂದಿರ ಮಧ್ಯೆ ಹಳ್ಳಿಯೊಂದರಲ್ಲಿ ನಡೆಯುವ ಕಥೆ ಹೊಂದಿದೆ. ಇಲ್ಲಿ ಅಣ್ಣ ತಮ್ಮಂದಿರ ನಡುವಿನ ಪ್ರೀತಿ-ಮಮತೆಯೇ ಪ್ರಮುಖ ಪಾತ್ರ ವಹಿಸುತ್ತಿದ್ದು, ಆಕ್ಷನ್, ಸೆಂಟಿಮೆಂಟ್ ಮಿಶ್ರಣವಿದೆ. ವಿ. ಹರಿಕೃಷ್ಣ ಸಂಗೀತವಿದೆ. ಏಪ್ರಿಲ್ ನಲ್ಲಿ ಚಿತ್ರ ಸೆಟ್ಟೇರಲಿದೆ.

    English summary
    Shivarakumar, Srinagara Kitty and Yogesh starer movie 'Anna Thammandiru' to launch in April, 2012. K Madesh Directs this and Anna Thangi producer Prabhakar produces this movie. 
 

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X