ಸಾಹಸಸಿಂಹ ಜೊತೆ ವಾಸು ಇನ್ನೂ ಮಾತನಾಡುತ್ತಿದ್ದಾರಂತೆ

ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಕನ್ನಡ ಚಿತ್ರಪ್ರೇಮಿಗಳನ್ನು ಅಗಲಿ ಎರಡು ವರ್ಷಗಳೇ ಉರುಳಿ ಹೋಗಿವೆ. ಅವರ ನೆನಪು ಮಾತ್ರ ಇನ್ನೂ ಸದಾ ಹಸಿರಾಗಿದೆ. ಆದರೆ ವಿಷ್ಣು ಅವರ 200ನೇ ಚಿತ್ರ 'ಆಪ್ತರಕ್ಷಕ' ನಿರ್ದೇಶಿಸಿದ ಪಿ ವಾಸು ಅವರೊಂದಿಗೆ ವಿಷ್ಣೂಜಿ ಇನ್ನೂ ಮಾತನಾಡುತ್ತಲೇ ಇದ್ದಾರಂತೆ.

'ಆಪ್ತರಕ್ಷಕ' ಚಿತ್ರದಲ್ಲಿ ವಿಷ್ಣು ತ್ರಿಪಾತ್ರಾಭಿನಯ ಪೋಷಿಸಿದ್ದರು. ಇತ್ತೀಚೆಗೆ ಸಮಾರಂಭವೊಂದರಲ್ಲಿ ಮಾತನಾಡುತ್ತಿದ್ದ ಪಿ ವಾಸು, ನಿಮಗೆ ಆಶ್ಚರ್ಯವಾಗಬಹುದು. ನಾನು ವಿಷ್ಣು ಜೊತೆ ಇನ್ನೂ ಮಾತನಾಡುತ್ತಿದ್ದೇನೆ. ಅವರು ನನ್ನನ್ನು ಆಶೀರ್ವದಿಸುತ್ತಲೇ ಇದ್ದಾರೆ ಎಂದಿದ್ದಾರೆ.

ಚೆನ್ನೈನ ನನ್ನ ಕಚೇರಿಯಲ್ಲಿ ಎರಡೇ ಎರಡು ಫೋಟೋಗಳಿವೆ. ಒಬ್ಬರು ನನ್ನ ಗುರುಗಳಾದ ಶ್ರೀಧರ್ ಅವರದು. ಇನ್ನೊಂದು ಡಾ.ವಿಷ್ಣುವರ್ಧನ್ ಅವರದು. ಅವರೊಂದಿಗೆ ಮಾಡಿದ ಎರಡು ಚಿತ್ರಗಳು ನನ್ನ ಮೇಲೆ ಬಹಳಷ್ಟು ಪ್ರಭಾವ ಬೀರಿವೆ. ನಾನು ಸಾಯುವವರೆಗೂ ಅವರನ್ನು ಮರೆಯಲ್ಲ ಎಂದಿದ್ದಾರೆ ಭಾವುಕರಾಗಿ. (ದಟ್ಸ್‌ಕನ್ನಡ ಸಿನಿವಾರ್ತೆ)