ಈ ವಾರ 4 ಚಿತ್ರಗಳು ರಿಲೀಸ್ : ಒಂದಕ್ಕಿಂತ ಒಂದು ವಿಭಿನ್ನ

ತಾಯಿಗೆ ತಕ್ಕ ಮಗ

ಕೃಷ್ಣ ಅಜಯ್ ರಾವ್ ನಟನೆಯ 25ನೇ ಸಿನಿಮಾವಾಗಿರುವ 'ತಾಯಿಗೆ ತಕ್ಕ ಮಗ' ಚಿತ್ರ ಈ ವಾರ ರಿಲೀಸ್ ಆಗುತ್ತಿದೆ. ನಿರ್ದೇಶಕ ಶಶಾಂಕ್ ಮತ್ತು ಅಜಯ್ ರಾವ್ ಜೋಡಿಯ ಹ್ಯಾಟ್ರಿಕ್ ಸಿನಿಮಾ ಇದಾಗಿದೆ. ಅಶಿಕಾ ರಂಗನಾಥ್ ಚಿತ್ರದ ನಾಯಕಿ ಆಗಿದ್ದಾರೆ. ಸುಮಲತಾ ಅಂಬರೀಶ್ ಮತ್ತೆ ಅಜಯ್ ರಾವ್ ಅವರ ತಾಯಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದ ಹಾಡುಗಳು ಈಗಾಗಲೇ ಹಿಟ್ ಆಗಿವೆ.

ಜೀರ್ಜಿಂಬೆ

ಈಗಾಗಲೇ ಟ್ರೇಲರ್ ಮೂಲಕ 'ಜೀರ್ಜಿಂಬೆ' ಸಿನಿಮಾ ಅನೇಕರ ಗಮನ ಸೆಳೆದಿದೆ. ಸಿನಿಮಾದಲ್ಲಿ ಒಂದು ಒಳ್ಳೆಯ ವಿಷಯ ಇದ್ದೂ ಅನೇಕ ಚಿತ್ರೋತ್ಸವದಲ್ಲಿ ಚಿತ್ರ ಭಾಗಿಯಾಗಿದೆ. ಸಿರಿ ವನಲ್ಲಿ ಹಾಗೂ ಸುಮನ್ ನಗರ್ಕರ್ ಸಿನಿಮಾದ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಮಕ್ಕಳ ದಿನಾಚರಣೆ ವಿಶೇಷವಾಗಿ ಚಿತ್ರ ರಿಲೀಸ್ ಆಗುತ್ತಿದೆ. ಕಾತೀಕ್ ಸರಗೂರ್ ನಿರ್ದೇಶನ ಮಾಡಿದ್ದಾರೆ.

8 ಎಂ ಎಂ

'8 ಎಂ ಎಂ' ಸಿನಿಮಾ ಕೂಡ ಪ್ರತಿ ಹಂತದಲ್ಲಿ ಸದ್ದು ಮಾಡಿದೆ. ಜಗ್ಗೇಶ್ ಈ ಸಿನಿಮಾದಲ್ಲಿ ನೆಗೆಟಿವ್ ಶೇಡ್ ಇರುವ ಪಾತ್ರದಲ್ಲಿ ನಟಿಸಿದ್ದಾರೆ. ಉಳಿದಂತೆ, ಮಯೂರಿ ಹಾಗೂ ವಸಿಷ್ಟ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೂಡಾ ಸ್ಯಾಂಡಿ ಮ್ಯೂಸಿಕ್ ನೀಡಿದ್ದು, ಜಗ್ಗೇಶ್ ಒಂದು ಹಾಡನ್ನು ಬರೆದಿದ್ದಾರೆ. ಹರಿಕೃಷ್ಣ ನಿರ್ದೇಶನ ಮಾಡಿದ್ದಾರೆ.

ಪುಟ 109

'ಆ ಕರಾಳ ರಾತ್ರಿ' ಚಿತ್ರದ ನಂತರ ಮತ್ತೆ ಅದೇ ತಂಡ 'ಪುಟ 109' ಸಿನಿಮಾ ಮೂಲಕ ಬಂದಿದೆ. ನವೀನ್ ಕೃಷ್ಣ ಹಾಗೂ ಜೆಕೆ ಚಿತ್ರದಲ್ಲಿ ನಟಿಸಿದ್ದಾರೆ. ವೈಷ್ಣವಿ ಚಂದ್ರನ್ ಚಿತ್ರದ ಪ್ರಮುಖ ಪಾತ್ರ ಮಾಡಿದ್ದಾರೆ. ದಯಾಳ್ ಪದ್ಮನಾಭನ್ ಚಿತ್ರದ ನಿರ್ದೇಶನ ಹಾಗೂ ನಿರ್ಮಾಣ ಮಾಡಿದ್ದಾರೆ. ಇದೊಂದು ಸಸ್ಪೆಸ್ಸ್ ಸಿನಿಮಾವಾಗಿದೆ.