ಅಂಬರೀಷ್ ಮಗನ ಹೆಸರಿನಲ್ಲೊಂದು ನಕಲಿ ಟ್ವಿಟ್ಟರ್ ಖಾತೆ.!

ನನ್ನ ಮಗ ಟ್ವಿಟ್ಟರ್ ಖಾತೆ ಹೊಂದಿಲ್ಲ

''ಅಭಿಷೇಕ್ ಅಂಬರೀಷ್ ಪ್ರೊಫೈಲ್ ಫೋಟೋ ಹಾಕಿಕೊಂಡಿರುವ ಟ್ವಿಟ್ಟರ್ ಖಾತೆಗಳನ್ನು ನಿರ್ಲಕ್ಷಿಸಿ. ಯಾಕೆಂದರೆ ಅಭಿಷೇಕ್ ಯಾವುದೇ ಟ್ವಿಟ್ಟರ್ ಖಾತೆಯನ್ನು ಹೊಂದಿಲ್ಲ'' ಎಂದು ಸುಮಲತಾ ಅಂಬರೀಷ್ ಸ್ಪಷ್ಟಪಡಿಸಿದ್ದಾರೆ.

ಅದು ನಕಲಿ ಖಾತೆ

ಹಾಗಿದ್ರೆ, ಇಷ್ಟು ದಿನ ಅಭಿಷೇಕ್ ಅಂಬರೀಷ್ ಅವರದ್ದೇ ಎಂದು ನಂಬಿಕೊಂಡಿದ್ದ ಖಾತೆ ಅಂಬರೀಷ್ ಪುತ್ರನದ್ದು ಅಲ್ಲ. ಅದು ನಕಲಿ ಟ್ವಿಟ್ಟರ್ ಖಾತೆಯಾಗಿದೆ.

ನಕಲಿ ಖಾತೆ ಬಗ್ಗೆ ಪ್ರಿಯಾಂಕಾ ಟ್ವೀಟ್ ಮಾಡಿದ್ದರು

ಉಪೇಂದ್ರ ಅವರ 'ಪ್ರಜಾಕೀಯ' ಕುರಿತಾಗಿ ಮಾಹಿತಿಗಳನ್ನ ನೀಡಲು ಅಧಿಕೃತ ಟ್ವಿಟ್ಟರ್ ಖಾತೆ ಇದೆ. ಆದ್ರೆ, ಅದೇ ಮಾದರಿಯಲ್ಲಿ, ಅದೇ ಹೆಸರು ಮತ್ತು ಅದೇ ಫ್ರೋಫೈಲ್ ನಲ್ಲಿ ಮತ್ತೊಂದು ಖಾತೆ ಇತ್ತು. ಇದನ್ನ ಗಮನಿಸಿದ ಪ್ರಿಯಾಂಕಾ ಉಪೇಂದ್ರ ಅವರು ಅದು ನಕಲಿ ಖಾತೆ ಎಂದು ಟ್ವೀಟ್ ಮಾಡಿದ್ದರು.

ಹಲವು ಸೆಲೆಬ್ರಿಟಿಗಳ ನಕಲಿ ಖಾತೆ ಇದೆ

ಇದು ಕೇವಲ ಅಂಬರೀಷ್ ಅವರ ಮಗ ಹಾಗೂ ಉಪೇಂದ್ರ ಪ್ರಜಾಕೀಯದ ನಕಲಿ ಖಾತೆ ಮಾತ್ರವಲ್ಲ, ಹಲವು ಸೆಲೆಬ್ರಿಟಿಗಳ ನಕಲಿ ಖಾತೆಗಳು ಟ್ವಿಟ್ಟರ್ ಹಾಗೂ ಫೇಸ್ ಬುಕ್ ನಲ್ಲಿದೆ. ಹೀಗಾಗಿ, ವೆರಿಫೈ ಆಗಿರುವ ಅಧಿಕೃತ ಖಾತೆಗಳನ್ನ ಮಾತ್ರ ಫಾಲೋ ಮಾಡಿ.