ಕೊರೊನಾ ಸಮಯದಲ್ಲಿ ಮೆಚ್ಚುಗೆ ಪಡೆದ ಅಮೂಲ್ಯ ದಂಪತಿ ಸಮಾಜಸೇವೆ

10,000 ಮಾಸ್ಕ್ ವಿತರಣೆ ಮಾಡಿದ್ದರು

ಕೆಲವು ದಿನಗಳ ಹಿಂದಷ್ಟೆ ನಟಿ ಅಮೂಲ್ಯ ಮತ್ತು ಜಗದೀಶ್ ಅವರು ಕೊರೊನಾ ವಿರುದ್ಧ ಹೋರಾಡುತ್ತಿರುವ ಈ ಯೋಧರ ಆರೋಗ್ಯದ ದೃಷ್ಟಿಯಿಂದ 10,000 ಮಾಸ್ಕ್ ವಿತರಿಸುವ ಕಾರ್ಯ ಮಾಡಿದ್ದರು. ಆ ಮಾಸ್ಕ್‌ಗಳನ್ನು ಸ್ಥಳೀಯ ಮಹಿಳೆಯರಿಂದಲೇ ಹೊಲಿಸಿಕೊಟ್ಟು ಅವರಿಗೆ ಹಣ ಸಂದಾಯ ಮಾಡಿದ್ದರು.

ದಿನಸಿಯನ್ನು ಉಚಿತವಾಗಿ ವಿತರಿಸಿದ್ದರು

ಆ ನಂತರ ದಿನಸಿಯನ್ನು ಉಚಿತವಾಗಿ ವಿತರಿಸುವ ಕಾರ್ಯವನ್ನು ಜಗದೀಶ್ -ಅಮೂಲ್ಯ ದಂಪತಿ ತಂಡದೊಂದಿಗೆ ಸೇರಿ ಮಾಡಿದ್ದರು. ಪೌಷ್ಟಿಕಾಂಶ ಯುಕ್ತ ಆಹಾರ ಪದಾರ್ಥಗಳನ್ನು ಅವಶ್ಯಕತೆ ಇದ್ದವರ ಮನೆಗೆ ತಲುಪಸಿದ್ದರು.

ಗರ್ಭಿಣಿ ಮಹಿಳೆಯರಿಗೆ ಪೌಷ್ಟಿಕ ಆಹಾರ ಪದಾರ್ಥ

ನಂತರ ಗರ್ಭಿಣಿ ಮಹಿಳೆಯರನ್ನು ಆರೋಗ್ಯ ಇಲಾಖೆ ಸಹಾಯದಿಂದ ಗುರುತಿಸಿ ಹಾರ್ಲಿಕ್ಸ್, ಹಣ್ಣು, ಪೌಷ್ಟಿಕಾಂಶಯುಕ್ತ ತರಕಾರಿ, ಒಣ ಹಣ್ಣುಗಳು, ಹಾಲು ಇತರೆ ಪೌಷ್ಟಿಕಾಂಶ ಯುಕ್ತ ಆಹಾರವನ್ನು ಜಗದೀಶ್ ಮತ್ತು ತಂಡ ವಿತರಣೆ ಮಾಡಿದ್ದರು. ಇದು ಬಹು ಮೆಚ್ಚುಗೆಗೆ ಪಾತ್ರವಾಗಿತ್ತು.

ಮಾನವೀಯತೆ ಜಾತಿಗಿಂತಲೂ ದೊಡ್ಡದು

ಇದೀಗ ಮಾನವೀಯತೆ ಜಾತಿಗಿಂತ ದೊಡ್ಡದು ಎಂಬ ಪೋಸ್ಟರ್ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಅಮೂಲ್ಯ-ಜಗದೀಶ್, ಮಳೆಯಲ್ಲಿಯೇ ಆಹಾರ ಪಾಕೆಟ್‌ಗಳನ್ನು ವಿತರಿಸುತ್ತಿರುವ ಚಿತ್ರ ಮತ್ತು ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.