ಕನ್ನಡದಲ್ಲಿ ಮತ್ತೆ ಮರಳಲಿದೆಯೇ ಮಾಲಾಶ್ರೀ ಯುಗ!

ಘರ್ಷಣೆ ಜೊತೆ ವೀರ ಚಿತ್ರದಲ್ಲೂ ಮಾಲಾಶ್ರೀ ನಟನೆ

ಇತ್ತೀಚಿಗಷ್ಟೇ ತಮ್ಮ 'ಶಕ್ತಿ' ಪ್ರದರ್ಶನ ತೋರಿಸಿರುವ ಮಾಲಾಶ್ರೀ ಈಗ ಘರ್ಷಣೆ ಹಾಗೂ ವೀರ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಮದುವೆ ಬಳಿಕ ಕೇವಲ ಹೋಮ್ ಬ್ಯಾನರ್ (ಕೋಟಿ ರಾಮು) ಚಿತ್ರಗಳಲ್ಲಷ್ಟೇ ಕಾಣಿಸಿಕೊಂಡಿದ್ದ ಮಾಲಾಶ್ರೀ, ಘರ್ಷಣೆ ಮೂಲಕ (ಕೆ ಮಂಜು ನಿರ್ಮಾಣ) ಬೇರೆ ಬ್ಯಾನರ್ ಚಿತ್ರಗಳಲ್ಲೂ ಕಾಣಿಸಿಕೊಂಡಂತಾಗಿದೆ.

ವೀರ ವನಿತೆಯಾಗಿ ಹೋರಾಡಲು ಸಜ್ಜಾದ ಮಾಲಾಶ್ರೀ

ಮಾಲಾಶ್ರೀ ಇತ್ತೀಚಿಗೆ ಹೆಚ್ಚು ಚಿತ್ರಗಳಲ್ಲಿ ನಟಿಸುತ್ತಿರಲಿಲ್ಲ. ಅದರಲ್ಲೂ ಏಕಕಾಲಕ್ಕೆ ಎರಡು ಚಿತ್ರಗಳ ಜೊತೆ ಮಾಲಾಶ್ರೀ ಹೆಸರು ಕೇಳಿಬರುತ್ತಿರಲಿಲ್ಲ. ಆದರೆ ಈಗ ವೀರ ಹಾಗೂ ಘರ್ಷಣೆ ಚಿತ್ರಗಳಲ್ಲಿ ಮಾಲಾಶ್ರೀ ನಟಿಸುತ್ತಿದ್ದಾರೆ.

ಕನ್ನಡದಲ್ಲಿ ಮಾಲಾಶ್ರೀ ಆಕ್ಷನ್ ಮೀರಿಸುವ ಮತ್ತೊಬ್ಬ ನಟಿಯಿಲ್ಲ

ಕನ್ನಡ ಚಿತ್ರರಂಗದಲ್ಲಿ ಇಲ್ಲಿಯವರೆಗೆ ಮಾಲಾಶ್ರೀ ಆಕ್ಷನ್ ಮೀರಿಸುವ ಮತ್ತೊಬ್ಬ ನಟಿಯ ಆಗಮನವಾಗಿಲ್ಲ. ಆಯೆಷಾ ಹಾಗೂ ಪ್ರಿಯಾ ಹಾಸನ್ ಇತ್ತೀಚಿಗೆ ಆಕ್ಷನ್ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರೂ ಮಾಲಾಶ್ರೀಗೆ ಇರುವ ಹೆಸರು ಹಾಗೂ ತಾರಾಮೌಲ್ಯ ಈ ಇಬ್ಬರಿಗೂ ಇನ್ನೂ ದಕ್ಕಿಲ್ಲ.

ಶಕ್ತಿ ದೇವತೆಯಾಗಿ ಮಿಂಚಿರುವ ಮಾಲಾಶ್ರೀ 'ವೀರ' ವನಿತೆ

ಇತ್ತೀಚಿಗಷ್ಟೇ 'ಶಕ್ತಿ' ದೇವತೆಯಾಗಿ ಮಿಂಚಿರುವ ಮಾಲಾಶ್ರೀ 'ವೀರ' ವನಿತೆಯಾಗಿ ಬರಲಿರುವುದು ಮಾಲಾಶ್ರೀ ಅಭಿಮಾನಿಗಳಿಗೆ ಬಹಳಷ್ಟು ಖುಷಿ ತಂದಿದೆ, ಇಂದಿಗೂ ಕೂಡ ಟಿವಿಯಲ್ಲಿ ಮಾಲಾಶ್ರೀ ಚಿತ್ರ ಕಾಣಿಸಿಕೊಂಡರೆ ವೀಕ್ಷಕರು ತುಂಬಾ ಇಷ್ಟಪಟ್ಟು ನೋಡುತ್ತಾರೆ. ಭಾರಿ ಟಿಆರ್ ಪಿ ಬರುತ್ತದೆ ಎಂಬುದು ಅಚ್ಚರಿಯಾದರೂ ಸತ್ಯ!

ಸಾಮಾಜಿಕ ತಾಣಗಳಲ್ಲಿ ಮಾಲಾಶ್ರೀ ಫೋಟೋಗಳ ಓಡಾಟ

ಇತ್ತೀಚಿನ ಕನ್ನಡದ ಸೂಪರ್ ಸ್ಟಾರ್ ನಟ ಹಾಗೂ ನಟಿಯರಂತೆ ಇಂದೂ ಕೂಡ ಮಾಲಾಶ್ರೀ ಫೋಟೋ ಸಾಮಾಜಿಕ ತಾಣಗಳಲ್ಲಿ ಬಹಳಷ್ಟು ಹರಿದಾಡುತ್ತಿರುತ್ತವೆ. ಅಷ್ಟೇ ಅಲ್ಲ, ಮಾಲಾಶ್ರೀ ಫೋಟೋಗಳಿಗೆ ಭಾರಿ 'ಲೈಕ್ಸ್'ಕೂಡ ಕಂಡುಬರುತ್ತವೆ. ಇದು ಮಾಲಾಶ್ರೀ ನಿರಂತರ ಜನಪ್ರಿಯತೆಗೆ ಸಾಕ್ಷಿ.

ಮಾಲಾಶ್ರೀ 'ಘರ್ಷಣೆ' ಹಾಗೂ 'ವೀರ' ಚಿತ್ರಗಳಿಗೆ ಕಾದಿರುವ ಪ್ರೇಕ್ಷಕರು

ಬರಲಿರುವ ಮಾಲಾಶ್ರೀ ನಟನೆಯ 'ಘರ್ಷಣೆ' ಹಾಗೂ 'ವೀರ' ಚಿತ್ರಗಳಿಗೆ ಕನ್ನಡ ಪ್ರೇಕ್ಷಕರು ಹಾಗೂ ಮಾಲಾಶ್ರೀ ಅಭಿಮಾನಿಗಳು ಕಾದಿದ್ದಾರೆ. ಸಾಕಷ್ಟು ಜನರು ಸಾಮಾಜಿಕ ತಾಣಗಳಲ್ಲಿ ಈ ಚಿತ್ರಗಳು ಬಿಡುಗಡಯಾಗುವುದು ಯಾವಾಗ ಎಂಬ ಮೆಸೇಜ್ ಹರಿಯಬಿಡುತ್ತಿದ್ದಾರೆ.