ಒಂದೇ ವರ್ಷದಲ್ಲಿ ಬಿಡುಗಡೆಯಾಗಿತ್ತು ಮಾಲಾಶ್ರೀ ಅಭಿನಯದ 19 ಸಿನಿಮಾಗಳು! ಗೆದ್ದಿದ್ದೆಷ್ಟು..ಸೋತಿದ್ದೆಷ್ಟು?

19 ಸಿನಿಮಾಗಳಲ್ಲಿ ಯಶಸ್ಸು ಕಂಡ ಚಿತ್ರಗಳು ಕಡಿಮೆ

1990, 91, 92 ರಲ್ಲಿ ವರ್ಷಕ್ಕೆ ಮಾಲಾಶ್ರೀ ಅಭಿನಯದ 10ಕ್ಕೂ ಹೆಚ್ಚು ಸಿನಿಮಾಗಳು ರಿಲೀಸ್ ಆಗುತ್ತಿದ್ದವು. 1991ರಲ್ಲಿ 12 ಸಿನಿಮಾಗಳು ರಿಲೀಸ್ ಆದರೆ, 1992ರಲ್ಲಿ 19 ಸಿನಿಮಾಗಳು ರಿಲೀಸ್ ಆಗಿವೆ. 19 ಸಿನಿಮಾಗಳಲ್ಲಿ ಸಕ್ಸಸ್ ಕಂಡಿರುವುದು ಎರಡೇ ಎರಡು ಸಿನಿಮಾಗಳು. ಬೆಳ್ಳಿ ಕಾಲುಂಗುರ ಮತ್ತು ಮಾಲಾಶ್ರೀ ಮಾಮಾಶ್ರೀ ಸಿನಿಮಾಗಳು ಮಾತ್ರ. ಉಳೆದಲ್ಲ ಸಿನಿಮಾಗಳು ಸೋಲು ಕಂಡರೂ ಮಾಲಾಶ್ರೀಗೆ ಇದ್ದ ಬೇಡಿಕೆ ಕಮ್ಮಿ ಆಗಿರಲಿಲ್ಲ. 1993ರಲ್ಲೂ 09 ಸಿನಿಮಾಗಳು ಬಿಡುಗಡೆಯಾಗಿವೆ.

ಅಪರೂಪದ ಫೋಟೊಗಳ ನೆನಪನ್ನು ಹಂಚಿಕೊಂಡ ಮಾಲಾಶ್ರೀ

ಮಾಲಾಶ್ರೀ ಸಿನಿಮಾದಲ್ಲಿ ಮಾಜಿ ಮುಖ್ಯಮಂತ್ರಿ ರಾಮಕೃಷ್ಣ ಹೆಗಡೆ

ವಿಶೇಷ ಎಂದರೆ ಮಾಲಾಶ್ರೀ ಅಭಿನಯದ ಒಂದು ಸಿನಿಮಾದಲ್ಲಿ ಮಾಜಿ ಮುಖ್ಯಮಂತ್ರಿ ರಾಮಕೃಷ್ಣ ಹೆಗಡೆಯವರು ಅಭಿನಯಿಸಿದ್ದಾರೆ. ಮಾಲಾಶ್ರೀ ಅಭಿನಯದ ಮರಣ ಮೃದಂಗ ಸಿನಿಮಾದಲ್ಲಿ ರಾಮಕೃಷ್ಣ ಹೆಗಡೆ ಪ್ರಮುಖ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ರಾಜಕೀಯದ ಜೊತೆಗೆ ಸಾಹಿತ್ಯ, ನಾಟಕ, ಸಂಗೀತ, ಕ್ರೀಡೆ, ಚಲನಚಿತ್ರಗಳಲ್ಲಿ ರಾಮಕೃಷ್ಣ ಹೆಗಡೆಯವರು ತನ್ನನ್ನು ತಾನು ತೊಡಗಿಕೊಂಡಿದ್ದರು.

ಸಿನಿಮಾ ಉತ್ಸಾಹ ಮತ್ತು ಸಾಮರ್ಥ್ಯ ಕುಂದಿಲ್ಲ

ಇನ್ನು ನಟಿ ಮಾಲಾಶ್ರೀಗೆ ಈ ವಯಸ್ಸಿನಲ್ಲಿಯೂ ಸಿನಿಮಾ ಉತ್ಸಾಹ ಮತ್ತು ಸಾಮರ್ಥ್ಯ ಕುಂದಿಲ್ಲ. ಹಾಗೆಯೇ ಅಭಿಮಾನಿಗಳ ಬೇಡಿಕೆಯೂ ಕಡಿಮೆಯಾಗಿಲ್ಲ. ಮುಂದಿನ ಸಿನಿಮಾ ಯಾವಾಗ ಎಂದು ಕೇಳುತ್ತಿರುತ್ತಾರೆ. ಮಾಲಾಶ್ರೀ ಕೊನೆಯದಾಗಿ ಉಪ್ಪು ಹುಳಿ ಖಾರ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದರು. ಮುಂದಿನ ಸಿನಿಮಾ ಯಾವುದು ಎನ್ನುವ ಕುತೂಹಲ ಅಭಿಮಾನಿಗಲ್ಲಿ ಇದೆ.