ಸಂಸದೆ ಸುಮಲತಾ ಅಂಬರೀಶ್ ರೀಲ್ಸ್ ವೈರಲ್: ಐಶ್ವರ್ಯ ರೈ ಇವರ ಟ್ವಿನ್ ಆಗಿದ್ದು ಹೇಗೆ?

ಸುಮಲತಾ ಅಂಬರೀಶ್ ಮೊದಲ ರೀಲ್ಸ್!

ಸುಮಲತಾ ಅಂಬರೀಶ್ ಅವ್ರು ಹಲವು ವಿಚಾರಗಳನ್ನು ಸೋಷಿಯಲ್ ಮಿಡಿಯಾದಲ್ಲಿ ಹಂಚಿಕೊಳ್ಳುತ್ತಾರೆ. ಇದರಲ್ಲಿ ಹೊಸದೊಂದು ರೀಲ್ಸ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಯಾಕೆಂದರೆ ಈ ರೀಲ್ಸ್ ಕೊಂಚ ವಿಭಿನ್ನವಾಗಿದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಸಾಕಷ್ಟು ಬಗೆ ಬಗೆಯ ರೀಲ್ಸ್ ಮಾಡಲು, ನಾನಾ ಪರಿಯ ಅಪ್ಷನ್‌ಗಳಿವೆ. ಅದರಲ್ಲಿ ಸೆಲೆಬ್ರೆಟಿ ಟ್ವಿನ್ ರೀಲ್ಸ್ ಕೂಡ ಒಂದು. ಈ ರೀಲ್ಸ್‌ನಲ್ಲಿ ನೀವೂ ಯಾವ ಸೆಲೆಬ್ರೆಟಿ ರೀತಿ ಇದ್ದೀರಿ ಎನ್ನುವುದನ್ನು ತೋರಿಲಾಗುತ್ತದೆ. ಇದನ್ನು ಈಗಾಗಲೇ ಹೆಚ್ಚಿನ ಸಂಖ್ಯೆಯಲ್ಲಿ ಜನ ಹಲವು ಜನರು ಮಾಡುತ್ತಲೇ ಇರುತ್ತಾರೆ. ಇದೇ ರೀಲ್ಸ್ ಮಾಡಿದ್ದಾರೆ ಸುಮಲತಾ ಅಂಬರೀಶ್.

ಸುಮಲತಾ ಟ್ವಿನ್ ಸೆಲೆಬ್ರೆಟಿ ಐಶ್ವರ್ಯ ರೈ!

ಸುಮಲತಾ ಅಂಬರೀಶ್, ತಾವು ಯಾವ ಸೆಲೆಬ್ರೆಟಿ ರೀತಿ ಕಾಣುತ್ತಾರೆ ಎನ್ನುವ ರೀಲ್ಸ್ ಮಾಡಿದ್ದಾರೆ. ಇದರಲ್ಲಿ ಅವರಿಗೆ ಬಂದ ರಿಸಲ್ಟ್ ಐಶ್ವರ್ಯ ರೈ. ಈ ರೀಲ್ಸ್ ಆಯ್ಕೆ ಮಾಡಿ, ನಿಮ್ಮ ಮುಖದ ವಿಡಿಯೋ ರೆಕಾರ್ಡ್ ಮಾಡಿದರೆ ಕೆಲವೇ ಸೆಕೆಂಡುಗಳಲ್ಲಿ ನೀವು ಯಾವ ಸಿನಿಮಾ ತಾರೆಯ ರೀತಿ ಕಾಣುತ್ತೀರಿ ಎನ್ನುವುದನ್ನು ಹೋಲಿಗೆ ಮಾಡಿ ತೋರಿಸಲಾಗುತ್ತದೆ. ಈ ರೀಲ್ಸ್ ಮಾಡಿದಾಗ ಸುಮಲತಾ ಅವರಿಗೆ ಸಿಕ್ಕಿದ್ದು ಐಶ್ವರ್ಯ ರೈ ಹೆಸರು. ಇದನ್ನು ಹಾಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಈ ಅಕೌಂಟ್‌ಗೆ ನೀಲಿ ಟಿಕ್ ಇದೆ. ಹಾಗಾಗಿ ಇದು ಅವರ ಅಧಿಕೃತ ಅಕೌಂಟ್ ಇರಬಹುದು, ಇಲ್ಲವಾದರೂ ವಿಡಿಯೋದಲ್ಲಿ ಇರುವುದು ಮಾತ್ರ ಸುಮಲತಾ ಅವರೆ.

ಕಮೆಂಟ್ ಮಾಡಿ ಕೊಂಡಾಡಿದ ಮಂದಿ!

ಸಂಸದೆ ಸುಮಲತಾ ಈ ರೀಲ್ಸ್ ಹಂಚಿಕೊಂಡು, "ಇದು ಫನ್ ಆಗಿತ್ತು ಮತ್ತು ತುಂಬಾ ಹೊಗಳಿಕೆಯನ್ನು ಹೊಂದಿದೆ" ಎಂದು ಬರೆದುಕೊಂಡಿದ್ದಾರೆ. ಬಳಿಕ ಸಾಕಷ್ಟು ಕಮೆಂಟ್‌ಗಳು ಬಂದಿವೆ. ಹೆಚ್ಚು ಮಂದಿ ಸುಮಲತಾ ಅವ್ರನ್ನು ಹಾಡಿ ಹೊಗಳಿದ್ದಾರೆ. ಐಶ್ವರ್ಯ ರೈಗಿಂತಲೂ ನೀವೆ ಚೆನ್ನಾಗಿದ್ದೀರಿ ಎಂದು ಕೊಂಡಾಡಿದ್ದಾರೆ. ಇನ್ನು ಹಲವರು ಅವರ ಮುಂದಿನ ಸಿನಿಮಾಗಳ ಬಗ್ಗೆಯೂ ಪ್ರಶ್ನೆ ಮಾಡಿದ್ದಾರೆ. ಇದರಲ್ಲಿ ಕೆಲವರು ಮಾತ್ರ, ಸಂಸದೆ ಆದ ನಿಮಗೆ ಇದೆಲ್ಲಾ ಮಾಡಲು ಸಮಯ ಹೇಗೆ ಸಿಗುತ್ತದೆ, ಮೊದಲು ಕೆಲಸ ಮಾಡಿ ಎಂದೆಲ್ಲಾ ಕಮೆಂಟ್ ಮಾಡಿದ್ದಾರೆ.

ಅಭಿ ಜೊತೆಗೆ ನಟನೆ ಮಾಡುತ್ತಾರಾ?

ಸುಮಲತಾ ಅಂಬರೀಶ್ ಅವ್ರು ಮುಂದೆ ಯಾವ ಚಿತ್ರದ ಮೂಲಕ ಜನರ ಮುಂದೆ ಬರಲಿದ್ದಾರೆ ಎನ್ನುವ ಬಗ್ಗೆ ಕುತೂಹಲ ಇದ್ದೇ ಇದೆ. ಪೋಷಕ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇನ್ನು ತಮ್ಮ ಮಗ ಅಭಿಶೇಕ್ ಜೊತೆಗೆ ಸಿನಿಮಾ ಮಾಡುತ್ತಾರಾ ಎನ್ನುವ ಕುತೂಹಲ ಸೃಷ್ಟಿಯಾಗಿದೆ. 'ಬ್ಯಾಡ್ ಮ್ಯಾನರ್ಸ್' ಅಭಿಶೇಕ್ ಮುಂದಿನ ಸಿನಿಮಾ. ಈ ಚಿತ್ರದ ಬಳಿಕ 'ಕಾಳಿ' ಸಿನಿಮಾದಲ್ಲಿ ಅಭಿಶೇಕ್ ನಟಿಸಲಿದ್ದಾರೆ.