8 ವರ್ಷದ ಬಳಿಕ ತವರಿಗೆ ಮರಳಿದ ಸಂಭ್ರಮದಲ್ಲಿ ಪ್ರಿಯಾಂಕಾ ಉಪೇಂದ್ರ

ಮಾಸ್ಟರ್ ಅನ್ಶುಮಾನ್ ಸಿನಿಮಾದಲ್ಲಿ ಪ್ರಿಯಾಂಕಾ

ಪ್ರಿಯಾಂಕಾ ಬೆಂಗಾಲಿ ಚಿತ್ರಕ್ಕೆ 'ಮಾಸ್ಟರ್ ಅನ್ಶುಮಾನ್' ಎಂದು ಟೈಟಲ್ ಇಡಲಾಗಿದೆ. ವಿಶೇಷ ಎಂದರೆ ಮಾಸ್ಟರ್ ಅನ್ಶುಮಾನ್ ಐಕಾನಿಕ್ ನಿರ್ದೇಶಕ ಸತ್ಯಜಿತ್ ರೇ ಅವರ ಕಾದಂಬರಿ. ಅವರ ಕಾದಂಬರಿಯನ್ನು ಅದೇ ಹೆಸರಿನಲ್ಲಿ ಸಿನಿಮಾ ಮಾಡುತ್ತಿದ್ದಾರೆ ನಿರ್ದೇಶಕ ಸಾಗ್ನಿಕ್ ಚಟರ್ಜಿ.

ಖ್ಯಾತ ನಟ ಜೀತ್ ಜೊತೆ ತೆರೆಹಂಚಿಕೊಂಡಿದ್ದ ಪ್ರಿಯಾಂಕಾ

ಪ್ರಿಯಾಂಕಾ ಕೊನೆಯದಾಗಿ ಬೆಂಗಾಲಿಯಲ್ಲಿ ಖ್ಯಾತ ನಟ ಜೀತ್ ಅವರ ಜೊತೆ ತೆರೆಹಂಚಿಕೊಂಡಿದ್ದರು. ಅನೇಕ ವರ್ಷಗಳ ನಂತರ ಮತ್ತೆ ಬೆಂಗಾಲಿಯಲ್ಲಿ ಮಿಂಚಲು ಸಜ್ಜಾಗಿದ್ದಾರೆ. ನಿರ್ದೇಶಕ ಸಾಗ್ನಿಕ್ ಸಿನಿಮಾದ ಬಗ್ಗೆ ವಿವರಣೆ ನೀಡಿದ ತಕ್ಷಣ ಗ್ರೀನ್ ಸಿಗ್ನಿಲ್ ನೀಡಿರುವುದಾಗಿ ಪ್ರಿಯಾಂಕಾ ಹೇಳಿದ್ದಾರೆ.

ಲುಕ್ ಟೆಸ್ಟ್ ಮಾಡಿಸಿರುವ ಪ್ರಿಯಾಂಕಾ

ರಾಷ್ಟ್ರಪ್ರಶಸ್ತಿ ವಿಜೇತ ಸಾಗ್ನಿಕ್ ಅವರ ಜೊತೆ ಕೆಲಸ ಮಾಡಲು ಉತ್ಸುಕಳಾಗಿರುವುದಾಗಿ ಪ್ರಿಯಾಂಕಾ ಹೇಳಿದ್ದಾರೆ. ಚಿತ್ರದಲ್ಲಿ ಪ್ರಿಯಾಂಕಾ ಬೆಂಗಾಲಿಯ ಖ್ಯಾತ ನಟಿ ಮಧಾಬಿ ಸೇನ್ ಜೊತೆ ನಟಿಸುತ್ತಿದ್ದಾರೆ. ಈಗಾಗಲೇ ಕಲ್ಕತ್ತಾ ತಲುಪಿರುವ ಪ್ರಿಯಾಂಕಾ ಪಾತ್ರದ ಲುಕ್ ಟೆಸ್ಕ್ ಮಾಡಿಸಿದ್ದಾರೆ. ಇನ್ನು ಕೊಲ್ಕತ್ತಾಗೆ ತೆರಳಿರುವ ಪ್ರಿಯಾಂಕಾ ಬಹಳ ಸಮಯದ ನಂತರ ಅವರ ತಾಯಿ ಮತ್ತು ಸಹೋದರರನ್ನು ಭೇಟಿಯಾಗುತ್ತಿದ್ದಾರೆ.

Recommended Video

ಆವತ್ತು ಇಡೀ ಗಾಂಧೀನಗರ ಅಲ್ಲಿಗೆ ಬಂದಿತ್ತು | Filmibeat Kannada

ಅನ್ಶುಮಾನ್ ಎನ್ನುವ ಹುಡುಗನ ಕಥೆ

ಚಿತ್ರದಲ್ಲಿ ಬೆಂಗಾಲಿಯ ಖ್ಯಾತ ಕಲಾವಿದರು ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರ ಅನ್ಶುಮಾನ್ ಎನ್ನುವ ಹುಡುಗನ ಬಗ್ಗೆ ಇರುವ ಕಥೆಯಾಗಿದೆ. ಆತ ಕಿರು ಚಿತ್ರ ಮಾಡುವ ಉದ್ದೇಶದಿಂದ ಮೊದಲ ಬಾರಿಗೆ ಮನೆ ಬಿಟ್ಟು ಹೋಗುತ್ತಾನೆ. ಸಿನಿಮಾದ ಚಿತ್ರೀಕರಣ ಡಾರ್ಜೀಲಿ೦ಗ್ ಮತ್ತು ಕಲ್ಕತ್ತಾದಲ್ಲಿ ನಡೆಯಲಿದ್ದು, ಸದ್ಯದಲ್ಲೇ ಚಿತ್ರೀಕರಣ ಪ್ರಾರಂಭವಾಗಿದೆ.