ಲೈಂಗಿಕ ದೌರ್ಜನ್ಯದ ಬಗ್ಗೆ ರಾಗಿಣಿ, ಪ್ರಣೀತಾ ಮಾತು

ಗಿಮಿಕ್ ಆಗಿ ತೆಗೆದುಕೊಳ್ಳಬಾರದು

''ನಾನು ಚಿತ್ರರಂಗಕ್ಕೆ ಬಂದು 10 ವರ್ಷವಾಯ್ತು. ನನಗೆ ಇದುವರೆಗೆ ಈ ರೀತಿಯ ತೊಂದರೆ ಆಗಿಲ್ಲ. ಇದನ್ನು ‌ಪ್ರಚಾರದ ಗಿಮಿಕ್ ಆಗಿ ತೆಗೆದುಕೊಳ್ಳಬಾರದು. ಕೆಲವು ಘಟನೆಗಳನ್ನ ನೋಡಿದಾಗ ಇದನ್ನ ಪ್ರಚಾರಕ್ಕೆ ತೆಗೆದುಕೊಳ್ಳುತ್ತಿದ್ದಾರೆಂದು ತಿಳಿಯಲಾಗುತ್ತೆ. '' - ರಾಗಿಣಿ ದ್ವಿವೇದಿ, ನಟಿ

ತಮಿಳು ನಟ ಕೊಟ್ಟ ಕಾಟವನ್ನ ಬಿಚ್ಚಿಟ್ಟ ಸಂಗೀತಾ ಭಟ್

ಒಳ್ಳೆಯ ಉದ್ದೇಶಕ್ಕಾಗಿ ಅಭಿಯಾನ ಪ್ರಾರಂಭವಾಗಿದೆ

''ಒಳ್ಳೆಯ ಉದ್ದೇಶಕ್ಕಾಗಿ ಇದೊಂದು ಅಭಿಯಾನ ಪ್ರಾರಂಭವಾಗಿದೆ. ಈ ರೀತಿ ತೊಂದರೆಗೆ ಸಿಲುಕಿದವರು ಮುಂದೆ ಬಂದು‌ ಮಾತನಾಡಿ. ಇದಕ್ಕೆ ನನ್ನ ಬೆಂಬಲವಿದೆ. ಶೋಷಣೆಗೆ ಒಳಗಾದವರು ಮುಂದೆ ಬಂದು ಹೇಳಿಕೆ ನೀಡುತ್ತಿರುವುದು ಸ್ವಾಗತಾರ್ಹ. ಸಮಾಜದಲ್ಲಿ ಇದರಿಂದ ಒಂದು ಉತ್ತಮ ಬದಲಾವಣೆ ತರಲು ಸಾಧ್ಯ.'' - ರಾಗಿಣಿ ದ್ವಿವೇದಿ, ನಟಿ

ಒಂದು ವೇದಿಕೆ ಇರಲಿಲ್ಲ

''ಮೀಟೂ ಅಭಿಯಾನದ ಮೂಲಕ ಎಲ್ಲ ಹೆಣ್ಣು ಮಕ್ಕಳಿಗೆ ಒಂದು ಧ್ವನಿ ಸಿಕ್ಕಂತಾಗಿದೆ. ಇಷ್ಟು ದಿನ ಒಂದು ವೇದಿಕೆ ಇರಲಿಲ್ಲ. ಈಗ ಆ ರೀತಿಯ ಅನುಭವ ಆಗಿರುವವರು ಮುಂದೆ ಬಂದು ಹೇಳಿಕೊಳ್ಳಲು ಒಂದು ಶಕ್ತಿ ಸಿಕ್ಕಿದೆ.'' - ಪ್ರಣೀತಾ, ನಟಿ

ನನಗೆ ಲೈಂಗಿಕ ದೌರ್ಜನ್ಯದ ಅನುಭವಾಗಿಲ್ಲ

''ನನಗೆ ಎಲ್ಲಿಯೂ ಲೈಂಗಿಕ ದೌರ್ಜನ್ಯದಂತಹ ಅನುಭವಾಗಿಲ್ಲ. ಮೀಟೂ ಬಂದ ಮೇಲೆ ಎಲ್ಲರೂ ಧೈರ್ಯವಾಗಿ ತಮ್ಮ ಕರಾಳ ಅನುಭವವನ್ನು ಹೊರ ಹಾಕುತ್ತಿದ್ದಾರೆ. ಇದು ಒಳ್ಳೆಯ ಬೆಳವಣಿಗೆ.'' - ಪ್ರಣೀತಾ, ನಟಿ