ತಂಗಿ ಕುರಿತು ಭಾವುಕ ಸಾಲುಗಳನ್ನು ಬರೆದ ನಟಿ ಸಾಯಿ ಪಲ್ಲವಿ

ಪೂಜಾ ಕನ್ನನ್ ಹುಟ್ಟುಹಬ್ಬ ಇಂದು

ಸಾಯಿ ಪಲ್ಲವಿ ತಂಗಿ ಪೂಜಾ ಕನ್ನನ್ ಹುಟ್ಟುಹಬ್ಬ ಇಂದು. ಸಾಯಿ ಪಲ್ಲವಿ ಮತ್ತು ಪೂಜಾ ಕನ್ನನ್ ಬಹಳ ಆತ್ಮೀಯರಾಗಿದ್ದು, ಆಗಾಗ್ಗೆ ಸಾಯಿ ಪಲ್ಲವಿ ತಂಗಿಯ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಲೇ ಇರುತ್ತಾರೆ.

ನನ್ನ ತಂಗಿ ತ್ಯಾಗಮಯಿ: ಸಾಯಿ ಪಲ್ಲವಿ

'ನೀನು ಮಾಡಿದ ತ್ಯಾಗ, ನೀನು ಮರೆಮಾಚಿದ ಸಹಾಯಗಳು, ನನ್ನ ಜೀವನಕ್ಕೆ ನೀನು ತುಂಬಿದ ಅರ್ಥ, ನೀನು ತುಂಬಿದ ನಗು, ನನ್ನ ಜೀವನದಲ್ಲಿ ನೀನು ಇರುವುದೇ ನಾನು ಮಾಡಿದ ಪುಣ್ಯ ಎಂದು ತಂಗಿಯನ್ನು ಹೊಗಳಿ ಅಟ್ಟಕ್ಕೆ ಏರಿಸಿದ್ದಾರೆ ಸಾಯಿ ಪಲ್ಲವಿ.

ನೂರು ವರ್ಷವಾದರೂ ನನಗೆ ಮಗುವೆ: ಸಾಯಿ ಪಲ್ಲವಿ

ನಿನಗೆ 100 ವರ್ಷವಾಗಿದ್ದರೂ ಸಹ ನೀನು ನನಗೆ ಮಗುವೇ, ನಾನು ನಿನ್ನನ್ನು ಎಷ್ಟು ಪ್ರೀತಿಸುತ್ತೇನೆ ಎಂದು ಅರ್ಥವಾಗಬೇಕೆಂದರೆ ನೀನು ನಾನಾಗಬೇಕು, ನಿನ್ನ ಹುಟ್ಟುಹಬ್ಬವಾದ ಇಂದು, ನಿನ್ನನ್ನು ಪಡೆದ ನಾನು ಎಷ್ಟು ಅದೃಷ್ಟಶಾಲಿ ಎಂದು ಅರ್ಥವಾಗುವ ದಿನ ಎಂದು ಸಾಯಿ ಪಲ್ಲವಿ ತಂಗಿ ಪೂಜಾಗಾಗಿ ಹೇಳಿದ್ದಾರೆ.

ಸಿನಿಮಾ ಪ್ರವೇಶಿಸಲು ಸಾಯಿ ಪಲ್ಲವಿ ತಂಗಿ ತಯಾರು

ಸಾಯಿ ಪಲ್ಲವಿ ತಂಗಿಯ ಹೆಸರು ಪೂಜಾ ಕನ್ನನ್, ಆಕೆ ಈಗಾಗಲೇ ಕೆಲವು ಶಾರ್ಟ್ ಸಿನಿಮಾಗಳಲ್ಲಿ ನಟಿಸಿದ್ದು, ಸಿನಿಮಾ ಉದ್ಯಮಕ್ಕೆ ಪ್ರವೇಶಿಸುವ ಹಾದಿಯಲ್ಲಿದ್ದಾರೆ. ಸಿನಿಮಾ ಒಂದರ ಶೂಟಿಂಗ್‌ನಲ್ಲಿ ಅವರು ತೊಡಗಿಸಿಕೊಂಡಿದ್ದಾರೆ.