ಸ್ಕೈ ಡೈವಿಂಗ್ ಮಾಡಿದ 'ವಜ್ರಕಾಯ' ನಟಿ ಶುಭ್ರ ಅಯ್ಯಪ್ಪ

| Published: Friday, June 14, 2019, 18:27 [IST]

'ನೋ ಪ್ರಾಬ್ಲಂ.. ನಿನ್ನ ಹೈಟು ಸ್ವಲ್ಪ ಜಾಸ್ತಿನೇ ನೋ ಪ್ರಾಬ್ಲಂ..' ಎಂದು ಶಿವರಾಜ್ ಕುಮಾರ್ ಹೇಳಿದ್ದು, ನಟಿ ಶುಭ್ರ ಅಯ್ಯಪ್ಪಗೆ. 'ವಜ್ರಕಾಯ' ಸಿನಿಮಾದ ಮೂಲಕ ಕನ್ನಡ ಚಿತ್ರಭಿಮಾನಿಗಳ ಮುಂದೆ ಬಂದಿದ್ದ ಈ ನಟಿ ಮತ್ತೆ ಬೇರೆ ಸಿನಿಮಾ ಮಾಡಲೇ ಇಲ್ಲ.

ಮಾಡಲಿಂಗ್, ಕ್ಯಾಲೆಂಡರ್ ಶೂಟ್ ಅಂತ ಬ್ಯುಸಿ ಇರುವ ಶುಭ್ರ ಅಯ್ಯಪ್ಪ ಈಗ ಹೊಸ ಸಾಹಸಕ್ಕೆ ಕೈ ಹಾಕಿದ್ದಾರೆ. ಸ್ಕೈ ಡೈವಿಂಗ್ ಮಾಡಿ ಎಲ್ಲರ ಹೆಬ್ಬೆರಿಸುವಂತೆ ಮಾಡಿದ್ದಾರೆ. ಜೊತೆಗೆ ಆ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

actress shubra aiyappa has done skydiving

ಸ್ಕೈ ಡೈವಿಂಗ್ ಒಂದು ಸಾಹಸ. ಅನೇಕರು ಇದನ್ನು ಮಾಡಲು ಇಷ್ಟ ಪಡುತ್ತಾರೆ. ಅದೇ ರೀತಿ ಸ್ಕೈ ಡೈವಿಂಗ್ ಮಾಡಬೇಕು ಎಂದು ಆಸೆ ಇಟ್ಟುಕೊಂಡಿದ್ದ ಶುಭ್ರ ಅದನ್ನು ಮಾಡಿ ಮುಗಿಸಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು ''ಸ್ಕೈ ಡೈವಿಂಗ್ ಮಾಡಿದಾಗ, ನಾನು ಪಕ್ಷಿಯ ರೀತಿ ಆದಂತೆ ಆಯ್ತು. ಈ ನೆನಪು ನನಗೆ ಯಾವಾಗಲೂ ಇರುತ್ತದೆ. ಇದೊಂದು ಅದ್ಭುತ ಅನುಭವ'' ಎಂದು ಸ್ಕೈ ಡೈವಿಂಗ್ ಅನುಭವವನ್ನು ಹಂಚಿಕೊಂಡಿದ್ದಾರೆ.

ಅಂದಹಾಗೆ, ಶುಭ್ರ ಅಯ್ಯಪ್ಪ 'ಕೊಡಗು' ಮೂಲದವರಾಗಿದ್ದಾರೆ. ಸಿನಿಮಾಗಳ ದೂರ ಇರುವ ಅವರು ಈ ವರ್ಷದ ಕಿಂಗ್ಫಿಶರ್ ಕ್ಯಾಲೆಂಡರ್ ನಲ್ಲಿ ಕಾಣಿಸಿಕೊಂಡಿದ್ದರು.

ವಿಡಿಯೋ ನೋಡಲು ಇಲ್ಲಿ ಕ್ಲಿಕ್ ಮಾಡಿ