'ರಾಕಿ ಭಾಯ್' ಕಂಡು ಹೆಮ್ಮೆ ಪಟ್ಟ ಸುಮಲತಾ ಅಂಬರೀಶ್

'ಕೆಜಿಎಫ್' ಅಪ್ಪಟ ಚಿನ್ನ

''ಕನ್ನಡದಲ್ಲಿ ಇಂತಹ ಸಿನಿಮಾವನ್ನ ಈ ಹಿಂದೆ ನಾನು ನೋಡಿಲ್ಲ. ನಿಜಕ್ಕೂ ಅದ್ಭುತವಾದ ಚಿತ್ರ. 'ಕೆಜಿಎಫ್' ಇದು ಅಪ್ಪಟ ಚಿನ್ನ. ಯಶ್ ಆ ಗಟ್ಸ್ ಬಗ್ಗೆ ಶಬ್ಬಾಶ್ ಹೇಳಲೇಬೇಕು. ಇಂತಹ ಚಿತ್ರಗಳು ಕೇವಲ ಅವಕಾಶ ಸಿಕ್ತು ಎಂದು ಆಕಸ್ಮಿಕವಾಗಿ ಆಗುವುದಿಲ್ಲ. ಯಶ್ ಅವರ ಎರಡು ವರ್ಷದ ಹಾರ್ಡ್ ವರ್ಕ್, ಆ ಫ್ಯಾಷನ್ ಅನ್ನ ನಾನು ಪ್ರಶಂಸಿಸುತ್ತೇನೆ'' ಎಂದು ಸುಮಲತಾ ಮೆಚ್ಚಿಕೊಂಡಿದ್ದಾರೆ.

ಕನ್ನಡ ಚಿತ್ರರಂಗದ ಹೆಮ್ಮೆ

''ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ಛಾಯಾಗ್ರಾಹಕ ಭುವನ್ ಗೌಡ ಅವರ ಪರಿಶ್ರಮದಿಂದ ಕನ್ನಡ ಚಿತ್ರರಂಗ ಇನ್ನೊಂದು ಹಂತಕೆ ಹೋಗಿದೆ. ನಾವೆಲ್ಲರೂ ಹೆಮ್ಮೆ ಪಡುವಂತೆ ಮಾಡಿದ್ದೀರಾ. ನಿರ್ಮಾಪಕ ವಿಜಯ್ ಕಿರಗಂದೂರ್ ಅವರ ಧೈರ್ಯದಿಂದಲೇ ಇದು ಸಾಧ್ಯವಾಗಿದೆ. ಅವರ ಪ್ರಮಾಣಿಕತೆಗೆ ಸಿಕ್ಕ ಪ್ರತಿಫಲ ಇದು''

'ನೀನಂತೂ ಕೊಂದುಬಿಟ್ಟಿದಿಯಾ'

''ಕೆಜಿಎಫ್ ಚಿತ್ರ ಹಾಗೂ ಯಶ್ ಅವರನ್ನ ಇಡೀ ಭಾರತದ ಕೊಂಡಾಡುತ್ತಿರುವುದನ್ನ ನೋಡುತ್ತಿದ್ದರೇ ನಿಜಕ್ಕೂ ಖುಷಿ ಆಗ್ತಿದೆ. ಪ್ರತಿಯೊಂದು ಅಂಶವೂ ಇದಕ್ಕೆ ಕಾರಣವಾಗಿದೆ. ರಾಕಿ ಭಾಯ್ ನೀನಂತೂ 'ಕೊಂದುಬಿಟ್ಟಿದ್ದಿಯಾ'. ಈಗ ಹಿಂದೆ ಕೂತು ನೀನು ಪಟ್ಟ ಶ್ರಮದ ಪ್ರತಿಫಲವನ್ನ ನೋಡಿ ಖುಷಿ ಪಡು'' ಎಂದು ಸುಮಲತಾ ಹಾರೈಸಿದ್ದಾರೆ.

ಥ್ಯಾಂಕ್ಸ್ ಅಕ್ಕ ಎಂದ ಯಶ್

ಸುಮಲತಾ ಅವರು ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದಕ್ಕೆ ನಟ ಯಶ್, ಧನ್ಯವಾದ ತಿಳಿಸಿದ್ದಾರೆ. ''ಸಿನಿಮಾ ನೋಡಿದಕ್ಕೆ ಥ್ಯಾಂಕ್ಸ್, ಅಣ್ಣ ನಮ್ಮೊಂದಿಗೆ ಇದ್ದಾರೆ. ಅವರು ಎಲ್ಲೇ ಇದ್ದರೂ ನಮ್ಮ ಸಂತೋಷದಲ್ಲಿ ಭಾಗಿಯಾಗಿರ್ತಾರೆ. ನನಗೆ ನಂಬಿಕೆ ಇದೆ, ಅವರು ನಮ್ಮನ್ನ ಆಶೀರ್ವಾದ ಮಾಡ್ತಾರೆ'' ಎಂದು ಯಶ್ ಟ್ವೀಟ್ ಮಾಡಿದ್ದಾರೆ.

50 ಕೋಟಿ ಬಾಚಿದ ಕೆಜಿಎಫ್

ಕೆಜಿಎಫ್ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಬಿಸಿನೆಸ್ ಮಾಡ್ತಿದ್ದು, ಮೊದಲ ವಾರದಲ್ಲೇ 50 ಕೋಟಿ ಗಳಿಸಿದೆ. ಈ ಮಾಹಿತಿಯನ್ನ ಸ್ವತಃ ನಿರ್ಮಾಪಕ ವಿಜಯ್ ಕಿರಗಂದೂರ್ ಅವರೇ ಬಹಿರಂಗಪಡಿಸಿದ್ದಾರೆ. ಮೊದಲ ಮೂರು ದಿನದಲ್ಲೇ ದಾಖಲೆ ನಿರ್ಮಿಸಿರುವ ಕೆಜಿಎಫ್ ನೂರು ಕೋಟಿ ಕ್ಲಬ್ ಸೇರೋದು ಪಕ್ಕಾ.