ಬಿಕಿನಿ ಹಾಕಿಕೊಳ್ಳಿ ಎಂದಿದ್ದಕ್ಕೆ ಆ ಸಿನಿಮಾನೇ ಬಿಟ್ಟ ಅಮಲಾ ಪೌಲ್

ಬಾಲಿವುಡ್ ಗೆ ಎಂಟ್ರಿ ಕೊಟ್ಟ ಅಮಲಾ

ಇಷ್ಟು ದಿನ ತಮಿಳು, ತೆಲುಗು ಚಿತ್ರಗಳಲ್ಲಿ ನಟಿಸುತ್ತಿದ್ದ ಅಮಲಾ ಪೌಲ್ ಈಗ ಬಾಲಿವುಡ್ ಗೆ ಕಾಲಿಟ್ಟಿದ್ದಾರೆ. ಬಿಟೌನ್ ಇಂಡಸ್ಟ್ರಿಯಲ್ಲಿ ತಮ್ಮ ಚೊಚ್ಚಲ ಸಿನಿಮಾ ಮಾಡ್ತಿದ್ದಾರೆ. ಈ ಬಗ್ಗೆ ಮಾತನಾಡುವಾಗ ಬಿಕಿನಿಯಿಂದ ನಾನು ಅನೇಕ ಚಿತ್ರಗಳನ್ನ ಕೈಬಿಟ್ಟಿದ್ದೇನೆ ಎಂದು ತಿಳಿಸಿದ್ದಾರೆ.

ಆಫರ್ ಇದ್ರು ಮಾಡಿಲ್ಲ ಯಾಕೆ

ಬಾಲಿವುಡ್ ನಿಂದ ಈ ಹಿಂದೆಯೇ ಅನೇಕ ಬಾರಿ ಅಮಲಾ ಪೌಲ್ ಗೆ ಆಫರ್ ಬಂದಿತ್ತು. ಆದ್ರೆ, ಕಾರಣಾಂತರಗಳಿಂದ ಮಾಡೋಕೆ ಆಗಲ್ಲವಂತೆ. ''ಬಿಕಿನಿ ಹಾಕೋಕೆ ನಾನು ರೆಡಿ. ಆದ್ರೆ ಕೆಲವು ಕೆಟ್ಟ ಸನ್ನಿವೇಶಗಳಲ್ಲಿ ಬಿಕಿನಿ ಹಾಕಿಕೊಳ್ಳಿ ಎಂದು ಹೇಳಿದಕ್ಕೆ ನಾನು ಅವರ ಮುಖಕ್ಕೆ ಹೊಡೆದ ಹಾಗೆ ಹೇಳಿ ನಾನು ಈ ಸಿನಿಮಾ ಮಾಡಲ್ಲ ಅಂತ ಬಂದಿದ್ದೆ'' ಎಂದು ನೆನಪಿಸಿಕೊಂಡಿದ್ದಾರೆ.

ಯಾವುದು ಬಾಲಿವುಡ್ ಸಿನಿಮಾ

ಅಂತಹ ಬಾಲಿವುಡ್ ನ ಮತ್ತೊಂದು ಚಿತ್ರದಲ್ಲಿ ಅಮಲಾ ನಟಿಸುತ್ತಿದ್ದಾರೆ. ಅರ್ಜುನ ರಾಂಪಾಲ್ ನಾಯಕನಾಗಿರುವ ಈ ಚಿತ್ರದಲ್ಲಿ ಅಮಲಾ ಪೌಲ್ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ನರೇಶ್ ಮಲ್ಹೋತ್ರ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಆಡಿಷನ್ ಇಲ್ಲದೇ ಆಯ್ಕೆ

ಸಾಮಾನ್ಯವಾಗಿ ಸೌತ್ ನಿಂದ ಬಾಲಿವುಡ್ ಗೆ ಹೋದ ಬಹುತೇಕ ನಟಿಯರು ಆಡಿಷನ್ ಮೂಲಕವೇ ಸಿನಿಮಾಗೆ ಆಯ್ಕೆಯಾಗ್ತಾರೆ. ಆದ್ರೆ, ಅಮಲಾ ಪೌಲ್ ಆಡಿಷನ್ ಕೊಟ್ಟಿಲ್ಲವಂತೆ. ನಿರ್ದೇಶಕ ನರೇಶ್ ಮಲ್ಹೋತ್ರ ಅವರು ಅಮಲಾ ಸಿನಿಮಾಗಳನ್ನ ನೋಡಿದ್ದಾರೆ. ಈ ಪಾತ್ರಕ್ಕೆ ಸೂಕ್ತವಾಗ್ತಾರೆ ಎಂದು ಆಡಿಷನ್ ಕೂಡ ಮಾಡಿಲ್ಲ' ಎಂದು ಹೇಳಿಕೊಂಡಿದ್ದಾರೆ. ಹಿಮಾಲಯದಲ್ಲಿ ಈ ಸಿನಿಮಾ ಚಿತ್ರೀಕರಣ ನಡೆಯಲಿದೆ.