'ಭರ್ಜರಿ' ಕಲೆಕ್ಷನ್ ಸುಳ್ಳು: ಲಾಭ ಬಂದಿದ್ದು ಕೇವಲ 3 ಕೋಟಿಯಂತೆ.!

ಭರ್ಜರಿ 50 ಕೋಟಿ ಗಳಿಸಿಲ್ಲ

ಸ್ವತಃ ಚಿತ್ರತಂಡವೇ ಹೇಳಿಕೊಂಡಿದ್ದ ಪ್ರಕಾರ ಭರ್ಜರಿ ಸಿನಿಮಾ ದೊಡ್ಡ ಮಟ್ಟದ ಕಲೆಕ್ಷನ್ ಮಾಡಿದೆ. ಬಂಡವಾಳಕ್ಕಿಂತ ಎರಡು ಪಟ್ಟು ಕಲೆಕ್ಷನ್ ಮಾಡಿದೆ ಎಂದಿದ್ದರು. ಒಂದು ಮೂಲಗಳ ಪ್ರಕಾರ ಸಿನಿಮಾ ಸುಮಾರು 50 ಕೋಟಿಗಿಂತ ಹೆಚ್ಚು ಗಳಿಸಿದೆ ಎನ್ನಲಾಗಿತ್ತು. ಆದ್ರೀಗ, ನಿರ್ಮಾಪಕರು ಇದನ್ನ ಸುಳ್ಳು ಎನ್ನುತ್ತಿದ್ದಾರೆ.

ಲಾಭ ಬಂದಿದ್ದು ಕೇವಲ 3 ಕೋಟಿ

ಭರ್ಜರಿ ಸಿನಿಮಾ ಗೆದ್ದಿದ್ದು ನಿಜ. ಆದ್ರೆ, ಸಿನಿಮಾ ಲಾಭ ಮಾಡಿದ್ದು ಕೇವಲ 3 ಕೋಟಿ ಮಾತ್ರವಂತೆ. ಹೌದು, ಚಿತ್ರಕ್ಕೆ 17 ಕೋಟಿ ಬಂಡವಾಳ ಹಾಕಿದ್ದರಂತೆ. ಸಿನಿಮಾ ಗಳಿಸಿದ್ದ 21 ಕೋಟಿ. ಲೆಕ್ಕಾಚಾರದಿಂದ ನೋಡಿದ್ರೆ ಎರಡರಿಂದ ಮೂರು ಕೋಟಿ ಲಾಭ ಸಿಕ್ಕಿರಬಹುದು ಅಷ್ಟೇ ಎನ್ನುತ್ತಿದ್ದಾರೆ ಪ್ರೊಡೂಸ್ಯರ್.

ಬೇಕು ಅಂತನೇ ಸುಳ್ಳು ಹೇಳಿದ್ದಾರೆ

''ಯಾರೋ ಕೆಲವರು ಸಂಭಾವನೆ ಹೆಚ್ಚುತ್ತೆ ಎಂಬ ಕಾರಣಕ್ಕೆ ಈ ರೀತಿ ಕಲೆಕ್ಷನ್ ಜಾಸ್ತಿ ಹೇಳಿದ್ದಾರೆ. ಇದು ಸುಳ್ಳು. ಅಷ್ಟು ಕೋಟಿ ಹಣ ಗಳಿಸಿಲ್ಲ. ಸಿನಿಮಾ ಹಿಟ್ ಆಗಿದೆ. ಇದು ನಮಗೆ ಹೆಮ್ಮೆ'' ಎನ್ನುತ್ತಿದ್ದಾರೆ.

ಶತದಿನ ಆಚರಿಸಿದ್ದ 'ಭರ್ಜರಿ'

ಚೇತನ್ ಕುಮಾರ್ ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ ಧ್ರುವ ಸರ್ಜಾ, ರಚಿತಾ ರಾಮ್, ಹರಿಪ್ರಿಯಾ ಅಭಿನಯಿಸಿದ್ದರು. ಹರಿಕೃಷ್ಣ ಸಂಗೀತ ನೀಡಿದ್ದರು. 100 ದಿನಗಳನ್ನ ಪೂರೈಸಿದ್ದ ಈ ಸಿನಿಮಾ ಕಮರ್ಷಿಯಲ್ ದೊಡ್ಡ ಸಕ್ಸಸ್ ಕಂಡಿತ್ತು.