'ಲಂಡನ್'ನಲ್ಲಿ ನಟ ದರ್ಶನ್ ಗೆ ಮಹೋನ್ನತ ಪ್ರಶಸ್ತಿ.!

ದರ್ಶನ್ ಗೆ 'ಲಂಡನ್ ಪಾರ್ಲಿಮೆಂಟ್'ನಲ್ಲಿ ಗೌರವ

ಕನ್ನಡ ಚಿತ್ರರಂಗಕ್ಕೆ ನಟ ದರ್ಶನ್ ಅವರು ನೀಡಿರುವ ಕೊಡುಗೆಯನ್ನ ಪರಿಗಣಿಸಿ 'ಲಂಡನ್'ನಲ್ಲಿ ದರ್ಶನ್ ಅವರನ್ನ ಗೌರವಿಸಲು ಆಹ್ವಾನಿಸಿದೆ. ಬ್ರಿಟನ್ ನಲ್ಲಿ ನೀಡುವ 'ಗ್ಲೋಬಲ್ ಇಂಟಿಗ್ರಿಟಿ ಅವಾರ್ಡ್ (Global integrity award) ' ನೀಡಿ ಸನ್ಮಾನಿಸಲಿದೆ.

ದಕ್ಷಿಣ ಭಾರತದ ಮೊದಲ ನಟ

ಲಂಡನ್ ಪಾರ್ಲಿಮೆಂಟ್ ನಲ್ಲಿ ಈ ಗೌರವಕ್ಕೆ ಪಾತ್ರವಾಗುತ್ತಿರುವ ದಕ್ಷಿಣ ಭಾರತದ ಮೊದಲ ನಟ ಹಾಗೂ ಕನ್ನಡದ ಮೊದಲ ನಟ ಎಂಬ ಹೆಗ್ಗಳಿಕೆಗೆ ನಟ ದರ್ಶನ್ ಗೆ ಸಲ್ಲುತ್ತದೆ.

ಅಕ್ಟೋಬರ್ 19 ರಂದು ಕಾರ್ಯಕ್ರಮ

ಅಕ್ಟೋಬರ್ 19 ರಂದು ಲಂಡನ್ ಪಾರ್ಲಿಂಮೆಂಟ್ ನಲ್ಲಿ ದರ್ಶನ್ ಅವರಿಗೆ ಪ್ರಶಸ್ತಿ ಪ್ರಧಾನ ಸಮಾರಂಭ ಹಮ್ಮಿಕೊಂಡಿದ್ದು, ದರ್ಶನ್ ಅವರು ಅಕ್ಟೋಬರ್ 18 ರಂದು ಬೆಳಿಗ್ಗೆ ಲಂಡನ್ ಗೆ ತೆರಳಲಿದ್ದಾರೆ.

ಬಾಲಿವುಡ್ ನಟರಿಗೆ ಗೌರವ

ಈ ಮುಂಚೆ ಬಾಲಿವುಡ್ ನಟರಾದ ಅಮಿತಾಬ್ ಬಚ್ಚನ್, ಐಶ್ವರ್ಯ ರೈ ಬಚ್ಚನ್, ಶಾರೂಖ್ ಖಾನ್ ಮತ್ತು ಸಲ್ಮಾನ್ ಖಾನ್ 'ಲಂಡನ್ ಪಾರ್ಲಿಮೆಂಟ್'ನಲ್ಲಿ ಈ ಗೌರವಕ್ಕೆ ಪಾತ್ರರಾಗಿದ್ದರು. ಅವರಿಗೆ 'ಗ್ಲೋಬಲ್ ಡೈರ್ವಸಿಟಿ ಪ್ರಶಸ್ತಿ' (global diversity award) ನೀಡಲಾಗಿತ್ತು.

'ಕುರುಕ್ಷೇತ್ರ' ಸೆಟ್ ನಲ್ಲಿ ಸಂಭ್ರಮ

ಅಕ್ಟೋಬರ್ 18 ರಂದು ಪ್ರಶಸ್ತಿ ಸ್ವೀಕರಿಸಲು ಲಂಡನ್ ಗೆ ದರ್ಶನ್ ತೆರಳುತ್ತಿರುವ ಹಿನ್ನೆಲೆ ಕುರುಕ್ಷೇತ್ರ ಸೆಟ್ ನಲ್ಲಿ ಸಂತಸವನ್ನ ಸಂಭ್ರಮಿಸಲಾಗುತ್ತಿದೆಯಂತೆ. 'ಯು.ಕೆ' ಯಲ್ಲಿ ಪ್ರಶಸ್ತಿ ಪಡೆದ ನಂತರ ಅಕ್ಟೋಬರ್ 26 ರಂದು 'ಕುರುಕ್ಷೇತ್ರ' ಚಿತ್ರತಂಡವನ್ನ ಮತ್ತೆ ದಾಸ ಸೇರಿಕೊಳ್ಳಲಿದ್ದಾರೆ.