ಕರ್ನಾಟಕದಾಚೆಯೂ ಸುನಾಮಿ ಎಬ್ಬಿಸಲು 'ಚಕ್ರವರ್ತಿ' ರೆಡಿ!

ಭಾರತದ 11 ನಗರಗಳಲ್ಲಿ 'ಚಕ್ರವರ್ತಿ' ರಿಲೀಸ್!

ಇದೇ ಮೊದಲ ದರ್ಶನ್ ಸಿನಿಮಾ ದಾಖಲೆಯ ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿದ್ದು, ದೇಶದ ಪ್ರಮುಖ 11 ನಗರಗಳಲ್ಲಿ ಪ್ರದರ್ಶನವಾಗುತ್ತಿದೆ. [ದಿನಕರ್ 'ಕೇಡಿ' ಆಗಲು ಕಾರಣ 'ಆ' ಒಬ್ಬ ವ್ಯಕ್ತಿ! ಯಾರದು?]

ಮುಂಬೈ, ಪುಣೆಯಲ್ಲಿ 'ದಾಸ'ನ ಚಿತ್ರ

ವಾಣಿಜ್ಯ ನಗರಿ ಮುಂಬೈನ 4 ಚಿತ್ರಮಂದಿರದಲ್ಲಿ ದರ್ಶನ್ ಅಭಿನಯದ 'ಚಕ್ರವರ್ತಿ' ರಿಲೀಸ್ ಆಗುತ್ತಿದೆ. ಇನ್ನು ಪುಣೆಯ 3 ಚಿತ್ರಮಂದಿರಗಳಲ್ಲಿ 'ಚಕ್ರವರ್ತಿ' ಪ್ರದರ್ಶನವಾಗುತ್ತಿದೆ. [ಕನ್ನಡ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಸೃಷ್ಟಿಸಿದ 'ಚಕ್ರವರ್ತಿ']

ಗುಜರಾತ್, ಉತ್ತರ ಪ್ರದೇಶದಲ್ಲಿ ದಾಖಲೆ

ದಾಖಲೆಗಳ ಪ್ರಕಾರ ಗುಜರಾತ್ ಮತ್ತು ಉತ್ತರ ಪ್ರದೇಶದಲ್ಲಿ ಇದುವರೆಗೂ ಕನ್ನಡ ಸಿನಿಮಾ ಬಿಡುಗಡೆಯಾಗಿಲ್ಲ ಎಂದು ಹೇಳಲಾಗುತ್ತಿದೆ. ಈಗ 'ಚಕ್ರವರ್ತಿ' ಬಿಡುಗಡೆಯಾಗುವುದರ ಮೂಲಕ ಇವೆರೆಡು ರಾಜ್ಯಗಳಲ್ಲಿ ಮೊದಲ ಬಾರಿಗೆ ಕನ್ನಡ ಸಿನಿಮಾ ರಿಲೀಸ್ ಆಗುತ್ತಿದೆ.

ಉತ್ತರ ಭಾರತದಲ್ಲಿ 'ಡಿ ಬಾಸ್' ಕ್ರೇಜ್

ಮುಂಬೈ ಮತ್ತು ಪುಣೆ ನಗರಗಳನ್ನ ಬಿಟ್ಟು ಮಹಾರಾಷ್ಟದ ಇತರೆ ಪ್ರಮುಖ ನಗರಗಳಲ್ಲಿ 9 ಚಿತ್ರಮಂದಿರದಲ್ಲಿ ದರ್ಶನ್ ಸಿನಿಮಾ ರಿಲೀಸ್ ಆಗುತ್ತಿದೆ. ಹಾಗೇಯೆ ಗೋವಾದ 3 ಮತ್ತು ದೆಹಲಿಯ 2 ಥಿಯೇಟರ್ ನಲ್ಲಿ 'ಚಕ್ರವರ್ತಿ' ಬಿಡುಗಡೆಯಾಗುತ್ತಿದೆ.

ದಕ್ಷಿಣ ಭಾರತದಲ್ಲಿ 'ಚಕ್ರವರ್ತಿ' ಹವಾ

ಇನ್ನು ದಕ್ಷಿಣ ಭಾರತದಲ್ಲೂ 'ಚಕ್ರವರ್ತಿ' ಹವಾ ಜೋರಾಗಿದೆ. ಆಂಧ್ರಪ್ರದೇಶ 1, ಚೆನ್ನೈ 1 ಮತ್ತು ಕೇರಳ ರಾಜ್ಯದ 1 ಚಿತ್ರಮಂದಿರದಲ್ಲಿ ದರ್ಶನ್ ಚಿತ್ರ ತೆರೆಕಾಣುತ್ತಿದೆ.