ಮಲೆಮಾದೇಶ್ವರ ಅರಣ್ಯದಲ್ಲಿ ದರ್ಶನ್, ಚಿಕ್ಕಣ್ಣ ಸುತ್ತಾಟ

ದರ್ಶನ್ ಜೊತೆ ಚಿಕ್ಕಣ್ಣ ಭೇಟಿ

ದರ್ಶನ್ ಹಾಗೂ ನಟ ಚಿಕ್ಕಣ್ಣ ಅವರು ಮಲೆಮಹದೇಶ್ವರ ಅರಣ್ಯ ಪ್ರದೇಶ ವ್ಯಾಪ್ತಿಯ ದೊಡ್ಡಮಕ್ಕಳಿ ವ್ಯಾಪ್ತಿಯಲ್ಲಿರುವ ಎಪಿಸಿ ಶಿಬಿರಕ್ಕೆ ಭೇಟಿ ನೀಡಿ ಸಸಿ ನೆಟ್ಟು ಅರಣ್ಯ ಪ್ರಸ್ತಾಹ ಯೋಜನೆಗೆ ಚಾಲನೆ ನೀಡಿದ್ದಾರೆ. ದರ್ಶನ್ ಅವರೊಟ್ಟಿಗೆ ನಟ ಚಿಕ್ಕಣ್ಣ ಸಹ ಇದ್ದು, ದರ್ಶನ್ ಜೊತೆ ಕೈಜೋಡಿಸಿದ್ದಾರೆ.

ಕೆಲ ಕಾಲ ಸುತ್ತಾಟ ಸಹ ನಡೆಸಿದ್ದಾರೆ

ದರ್ಶನ್ ಹಾಗೂ ಚಿಕ್ಕಣ್ಣ ಅವರು ಮಲೆಮಹದೇಶ್ವರ ಅರಣ್ಯ ವ್ಯಾಪ್ತಿಯಲ್ಲಿ ಕೆಲ ಕಾಲ ಸುತ್ತಾಟ ನಡೆಸಿ ಅರಣ್ಯದ ಅನುಭವ ಸವಿದಿದ್ದಾರೆ. ಇವರೊಂದಿಗೆ ಕೆಲ ಅರಣ್ಯಾಧಿಕಾರಿಗಳು ಸಹ ಸಾಥ್ ನೀಡಿದ್ದಾರೆ.

ಫಾರೆಸ್ಟ್ ವಾಚರ್‌ಗಳೊಂದಿಗೆ ಸಂವಹನ

ನಂತರ ದರ್ಶನ್ ಅವರು ಫಾರೆಸ್ಟ್ ವಾಚರ್‌ಗಳೊಟ್ಟಿಗೆ ಮಾತುಕತೆ ನಡೆಸಿ ಅವರಿಗೆ ಸ್ಪೂರ್ತಿ ತುಂಬವ ಕಾರ್ಯ ಮಾಡಿದ್ದಾರೆ. ಈ ಹಿಂದೆಯೂ ದರ್ಶನ್ ಅವರು ವಾಚರ್ಸ್‌ಗಳೊಟ್ಟಿಗೆ ಮಾತುಕತೆ ನಡೆಸಿದ್ದರು. ಅವರೊಂದಿಗೆ ಚಿತ್ರಗಳನ್ನು ತೆಗೆಸಿಕೊಂಡಿದ್ದರು.

ವನ್ಯಜೀವಿ ಚಿತ್ರಗಳನ್ನು ಹರಾಜು ಹಾಕುತ್ತಾರೆ

ದರ್ಶನ್ ಅವರು ತೆಗೆದ ವನ್ಯಜೀವಿ ಚಿತ್ರಗಳನ್ನು ಹರಾಜು ಹಾಕಿ ಅದರಿಂದ ಬಂದ ಹಣವನ್ನು ಅರಣ್ಯಾಭಿವೃದ್ಧಿ ಹಾಗೂ ಇನ್ನೂ ಹಲವು ಉತ್ತಮ ಕಾರ್ಯಗಳಿಗೆ ಬಳಸಿಕೊಳ್ಳುತ್ತಾರೆ. ಚಿಕ್ಕಣ್ಣ ಅವರು ಈ ಹಿಂದೆ ದರ್ಶನ್ ತೆಗೆದ ಚಿತ್ರವನ್ನು ದೊಡ್ಡ ಮೊತ್ತಕ್ಕೆ ಖರೀದಿಸಿದ್ದರು.