ವಿನೋದ್ ಪ್ರಭಾಕರ್ ಹುಟ್ಟುಹಬ್ಬಕ್ಕೆ ಭರ್ಜರಿ ಗಿಫ್ಟ್ ಕೊಟ್ಟ ಡಿ-ಬಾಸ್

ಫೋನ್ ಮಾಡಿ ವಿಶ್ ಮಾಡಿದ ದರ್ಶನ್

ವಿನೋದ್ ಪ್ರಭಾಕರ್ ಅವರಿಗೆ ಕಾಲ್ ಮಾಡಿದ್ದ ದರ್ಶನ್ ''ಹ್ಯಾಪಿ ಬರ್ತಡೇ ಟೈಗರ್'' ಎಂದು ವಿಶ್ ಮಾಡಿದರಂತೆ. ಬಳಿಕ ಡಿ-ಬಾಸ್ ಮನೆಗೆ ಭೇಟಿ ನೀಡಿದ ವೇಳೆ ಕೇಕ್ ಕತ್ತರಿಸಿದರಂತೆ. ಕೇಕ್ ಮೇಲೂ ಕೂಡ ಹ್ಯಾಪಿ ಬರ್ತಡೇ ಟೈಗರ್ ಎಂದೇ ಬರೆಸಲಾಗಿತ್ತು ಎಂದು ವಿನೋದ್ ಪ್ರಭಾಕರ್ ತಿಳಿಸಿದರು.

ಭರ್ಜರಿ ಗಿಫ್ಟ್ ಕೊಟ್ಟ ಡಿ ಬಾಸ್

ವಿನೋದ್ ಪ್ರಭಾಕರ್ ಅವರ ಹುಟ್ಟುಹಬ್ಬದ ಪ್ರಯುಕ್ತ ಭರ್ಜರಿ ಗಿಫ್ಟ್ ಕೊಟ್ಟರಂತೆ. ಆದರೆ, ಆ ಗಿಫ್ಟ್ ಏನು ಎಂದು ಹೇಳದ ವಿನೋದ್ ''ಅದು ಪರ್ಸನಲ್ ಅದನ್ನು ನಾನು ಹೇಳಲ್ಲ'' ಎಂದರು. ಗಿಫ್ಟ್ ಕೊಟ್ಟಿದ್ದು ನಿಜ ಎಂದು ತಿಳಿಸಿದ ವಿನೋದ್, ಆ ಗಿಫ್ಟ್ ಏನೆಂದು ಹೇಳಲಿಲ್ಲ. ಹಾಗಾಗಿ, ಈ ಉಡುಗೊರೆಯ ಬಗ್ಗೆ ಮತ್ತಷ್ಟು ಕುತೂಹಲ ಹುಟ್ಟಿಕೊಂಡಿದೆ.

ದರ್ಶನ್ ನೀಡಿದ ಸಲಹೆ ಏನು?

ದರ್ಶನ್ ಅವರಿಗೆ ವಿನೋದ್ ಪ್ರಭಾಕರ್ ಅಂದ್ರೆ ಬಹಳ ಇಷ್ಟ ಮತ್ತು ಅಚ್ಚುಮೆಚ್ಚು. ಮರಿ ಟೈಗರ್ ಅವರಿಗೆ ಆರಂಭದಿಂದಲೂ ಜೊತೆಯಾಗಿರುವ ಡಿ ಬಾಸ್, ಅವರ ಪ್ರತಿ ಚಿತ್ರಗಳಿಗೂ ಸಾಥ್ ನೀಡುತ್ತಾ ಬಂದಿದ್ದಾರೆ. ಈಗಲೂ ಮನೆಗೆ ಹೋಗಿದ್ದಾಗ ''ಟೈಗರ್ ಜೀವನದಲ್ಲಿ ತುಂಬಾ ಬ್ಯುಸಿ ಇರಬೇಕು'' ಎಂದು ಸಲಹೆ ನೀಡಿದರಂತೆ.

ವಿನೋದ್ ಚಿತ್ರಗಳು ಯಾವುದು?

ಸದ್ಯ ವಿನೋದ್ ಪ್ರಭಾಕರ್ ನಟನೆಯ ಫೈಟರ್ ಮತ್ತು ಶ್ಯಾಡೋ ಸಿನಿಮಾಗಳು ರಿಲೀಸ್ ಗೆ ರೆಡಿಯಾಗಿದೆ. ಎರಡು ಚಿತ್ರಗಳು ಚಿತ್ರೀಕರಣ ಮುಗಿಸಿ ತೆರೆಗೆ ಬರಲು ಕಾಯುತ್ತಿದೆ. ಇನ್ನು ಹೆಸರಿಡದ ಚಿತ್ರವೊಂದು ಕೂಡ ಮುಗಿದಿದೆ. ಈ ಮಧ್ಯೆ ಹೊಸ ಸಿನಿಮಾವೊಂದು ಕೈಗೆತ್ತಿಕೊಂಡಿದ್ದಾರೆ. ಈ ಕಡೆ ದರ್ಶನ್ ಜೊತೆ ರಾಬರ್ಟ್ ಸಿನಿಮಾದಲ್ಲೂ ಮರಿ ಟೈಗರ್ ನಟಿಸುತ್ತಿದ್ದಾರೆ.