ಚಾಲೆಂಜಿಂಗ್ ಸ್ಟಾರ್ 'ಐರಾವತ' ಚಿತ್ರದ ಟೈಟಲ್ ಚೇಂಜ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಭಾರಿ ಬಜೆಟ್ ನ ಬಹುನಿರೀಕ್ಷಿತ ಚಿತ್ರ 'ಐರಾವತ'. ಈ ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದ್ದು ಇದೀಗ ಟೈಟಲ್ ನಲ್ಲಿ ಸಣ್ಣ ಬದಲಾವಣೆ ಮಾಡಲಾಗಿದೆ. ಅದೇನೆಂದರೆ ಐರಾವತ ಚಿತ್ರದ ಜೊತೆಗೆ 'ಮಿಸ್ಟರ್' ಸೇರಿಸಲಾಗಿದೆ.

'ಐರಾವತ' ಎಂದರೆ ಪ್ರೇಕ್ಷಕರಿಗೆ ಒಂದು ಸಣ್ಣ ಅನುಮಾನ ಮೂಡುತ್ತದೆ. ಇದು ನಾಮಪದವೋ ಅಥವಾ ಗುಣವಾಚಕವೋ ಎಂಬ ಸಂದೇಹ ಕಾಡುತ್ತಿತ್ತು. ಈ ಸಂದೇಹಕ್ಕೆ ಪೂರ್ಣವಿರಾಮ ಇಟ್ಟಿದ್ದಾರೆ. ಇದು ಗುಣವಾಚಕವಲ್ಲ ಇದೊಂದು ನಾಮಪದ ಎಂಬ ಅರ್ಥ ಬರಲು 'ಮಿಸ್ಟರ್ ಐರಾವತ' ಎಂದಿಡಲಾಗಿದೆ. [ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿಕ್ಸ್ ಪ್ಯಾಕ್ ಕಸರತ್ತು?]

ಇನ್ನೇನು 20 ದಿನಗಳ ಶೂಟಿಂಗ್ ಮಾತ್ರ ಬಾಕಿ ಉಳಿದಿದ್ದು ಒಂದೆರಡು ಹಾಡುಗಳ ಚಿತ್ರೀಕರಣ ಉಳಿದಿದೆ. ಅದ್ದೂರಿ ಹಾಗೂ ರಾಟೆ ಚಿತ್ರಗಳ ಬಳಿಕ ಎಪಿ ಅರ್ಜುನ್ ಈ ಬಾರಿ ಯಾವ ಸಬ್ಜೆಕ್ಟ್ ಮೂಲಕ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ ಎಂಬ ಕುತೂಹಲ ಸ್ಯಾಂಡಲ್ ವುಡ್ ನಲ್ಲಿ ಮನೆಮಾಡಿದೆ.

ಈ ಚಿತ್ರದಲ್ಲಿ ದರ್ಶನ್ ಪುತ್ರ ವಿನೀಶ್ ಇದೇ ಮೊದಲ ಬಾರಿಗೆ ಬಣ್ಣಹಚ್ಚಿದ್ದು, ಅಭಿಮಾನಿಗಳಿಗೆ ಅದೊಂದು ಪ್ರಮುಖ ಆಕರ್ಷಣೆಯಾಗಲಿದೆ. ಒಟ್ಟಾರೆ ಐರಾವತ ಚಿತ್ರ ನಾನಾ ಕಾರಣಗಳಿಂದಾಗಿ ಈ ವರ್ಷ ಸದ್ದು ಮಾಡಿದ ಚಿತ್ರ. (ಏಜೆನ್ಸೀಸ್)