ಶುರುವಾಯಿತು ಚಿತ್ರಮಂದಿರದ ಮುಂದೆ 'ಡಿ ಬಾಸ್' ತಾರಕೋತ್ಸವ !

ಸಂತೋಷ್ ಚಿತ್ರಮಂದಿರ

ಗಾಂಧಿನಗರದ ಸಂತೋಷ್ ಚಿತ್ರಮಂದಿರ 'ತಾರಕ್' ಚಿತ್ರದ ಮುಖ್ಯ ಚಿತ್ರಮಂದಿರವಾಗಿದೆ. ಈಗಾಗಲೇ ಈ ಚಿತ್ರಮಂದಿರ 'ತಾರಕ್' ಚಿತ್ರದ ಪೋಸ್ಟರ್ ಗಳಿಂದ ಸಿಂಗಾರಗೊಂಡಿದೆ.

ಮಂಡ್ಯ ಜಿಲ್ಲೆಯಲ್ಲಿ

ಮಂಡ್ಯ ಜಿಲ್ಲೆಯ ಗುರು ಚಿತ್ರಮಂದಿರದ ಮುಂದೆ ಕೂಡ ದರ್ಶನ್ ಅವರ 'ತಾರಕ್' ಕಟ್ ಔಟ್ ತಲೆ ಎತ್ತಿ ನಿಂತ್ತಿದೆ.

ಅಭಿಮಾನಿಯ ಸಂಭ್ರಮ

ದರ್ಶನ್ ಅವರ ಅಪ್ಪಟ ಅಭಿಮಾನಿಯೊಬ್ಬರು ಅಂಗೈ ಮೇಲೆ ಕರ್ಪೂರ ಹಚ್ಚಿ 'ತಾರಕ್' ಚಿತ್ರದ ಫೋಟೋಗೆ ಆರತಿ ಮಾಡುತ್ತಿದ್ದಾರೆ.

ಮೈಸೂರಿನಲ್ಲಿ

ಮೈಸೂರಿನ ಗಾಯತ್ರಿ ಚಿತ್ರಮಂದಿರದಲ್ಲಿಯೂ 'ತಾರಕ್' ಚಿತ್ರದ ಹಬ್ಬ ಶುರುವಾಗಿದೆ.

ಟಿಕೆಟ್ ಬುಕ್ಕಿಂಗ್ ಶುರು

ಬುಕ್ ಮೈ ಶೋದಲ್ಲಿ 'ತಾರಕ್' ಸಿನಿಮಾದ ಮುಂಗಡ ಟಿಕೆಟ್ ಬುಕ್ಕಿಂಗ್ ಕಳೆದ ಶನಿವಾರದಿಂದ ಅಂದರೆ ರಿಲೀಸ್ ಗೆ ಆರು ದಿನದ ಮುಂಚಿತವಾಗಿ ಪ್ರಾರಂಭವಾಗಿದೆ.

6 ಗಂಟೆಗೆ ಮೊದಲ ಶೋ

ಸದ್ಯದ ಮಾಹಿತಿಯಂತೆ ಬೆಂಗಳೂರಿನಲ್ಲಿ 'ತಾರಕ್' ಚಿತ್ರದ ಮೊದಲ ಶೋ ಬೆಳ್ಳಗೆ 6 ಗಂಟೆಗೆ ಶುರು ಆಗಲಿದೆ. ವಿದ್ಯಾಪೀಠ ಸರ್ಕಲ್ ಬಳಿಯ ಚಂದ್ರೋದಯ ಚಿತ್ರಮಂದಿರದಲ್ಲಿ 6 ಗಂಟೆಗೆ ಮತ್ತು ಉತ್ತರ ಹಳ್ಳಿಯ ವೈಭವಿ ಚಿತ್ರಮಂದಿರದಲ್ಲಿ 6.30ಕ್ಕೆ ಚಿತ್ರ ಪ್ರದರ್ಶನ ಪ್ರಾರಂಭವಾಗಲಿದೆ.

ಟ್ರೇಲರ್ ಟ್ರೆಂಡಿಂಗ್

ಕಳೆದ ಶನಿವಾರ ರಿಲೀಸ್ ಆದ 'ತಾರಕ್' ಟ್ರೇಲರ್ ಈಗಲೂ ಯೂ ಟ್ಯೂಬ್ ನಲ್ಲಿ ನಂಬರ್ 2 ಟ್ರೆಂಡಿಂಗ್ ನಲ್ಲಿದ್ದು, ಚಿತ್ರದ ಕ್ರೇಜ್ ಗೆ ಇದು ಸಾಕ್ಷಿಯಾಗಿದೆ.

ಸಿನಿಮಾದ ಬಗ್ಗೆ

'ತಾರಕ್' ದರ್ಶನ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾವಾಗಿದೆ. ಮಿಲನ ಪ್ರಕಾಶ್ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ದರ್ಶನ್ ತಾತನ ಪಾತ್ರದಲ್ಲಿ ನಟ ದೇವರಾಜ್ ಕಾಣಿಸಿಕೊಂಡಿದ್ದಾರೆ. ಶಾನ್ವಿ ಶ್ರೀವತ್ಸವ ಹಾಗೂ ಶೃತಿ ಹರಿಹರನ್ ಚಿತ್ರದ ನಾಯಕಿಯರಾಗಿದ್ದಾರೆ.