'ತಾರಕ್' ರಿಯಲ್ ಹೀರೋಗಳ ಬಗ್ಗೆ ಖುಷಿಯಾದ ದರ್ಶನ್ ಹೇಳಿದ್ದೇನು?

'ತಾರಕ್' ಓಪನ್ ಬುಕ್

''ತಾರಕ್ ಸಿನಿಮಾ....ಒಬ್ಬ ತಾತ ಮತ್ತು ಮೊಮ್ಮಗನ ಪ್ರೀತಿ, ಬಾಂಧವ್ಯ, ಕೋಪ, ಬೇಜಾರು ಎಲ್ಲ ಇರುವಂತಹ ಸಿನಿಮಾ'' - ದರ್ಶನ್, ನಟ

ಈ ಸಿನಿಮಾದಲ್ಲಿ 'ದರ್ಶನ್'ನ ನೋಡಲ್ಲ

''ಯಾವುದೇ ಸಿನಿಮಾ ಆದ್ರೂ, ಅಲ್ಲಿ ದರ್ಶನ್ ತುಣುಕುಗಳು ಬಂದು ಹೋಗುತ್ತೆ. ಆದ್ರೆ, ಈ ಚಿತ್ರದಲ್ಲಿ ನೀವು ದರ್ಶನ್ ನ ನೋಡಲ್ಲ. ತುಂಬಾ ಚೆನ್ನಾಗಿ ಪ್ರಕಾಶ್ ನಿರೂಪಣೆ ಮಾಡಿದ್ದಾರೆ. ನಿರ್ದೇಶಕರು ಒಳ್ಳೆ ಸಿನಿಮಾ ಮಾಡಿದ್ದಾರೆ'' - ದರ್ಶನ್, ನಟ

ಪಕ್ಕಾ ಪ್ಲಾನ್ ಮಾಡಿ ಸಿನಿಮಾ ಆಗಿದೆ

''ತಾರಕ್ ಚಿತ್ರ ಹೇಗೆ ಬರಬೇಕು ಎಂಬುದು ಪಕ್ಕಾ ಪ್ಲಾನ್ ಮಾಡಿ ಮಾಡಲಾಗಿದೆ. ಶೂಟಿಂಗ್ ಎಲ್ಲ ಅಂದುಕೊಂಡಿದ್ದ ಸಮಯದಲ್ಲಿ ಮಾಡಿ ಮುಗಿಸಿದ್ದೀವಿ. ಯೂರೋಪ್ ನಲ್ಲಿ 25 ದಿನ ಚಿತ್ರೀಕರಣ ಮಾಡಿದ್ದು ತುಂಬ ಚೆನ್ನಾಗಿತ್ತು'' - ದರ್ಶನ್, ನಟ

ಈ ಚಿತ್ರದ ರಿಯಲ್ ಹೀರೋ ಇವರೇ

''ತಾರಕ್' ಚಿತ್ರದ ರಿಯಲ್ ಹೀರೋ ದೇವರಾಜ್ ಅವರು. ತುಂಬ ಅದ್ಭುತವಾಗಿ ಮಾಡಿದ್ದಾರೆ. ಈ ಸಿನಿಮಾ ನೋಡಿದ ಮೇಲೆ ಎಲ್ಲರಿಗೂ ಅನ್ನಿಸುತ್ತೆ ಈ ರೀತಿಯ ಒಬ್ಬ ತಾತ ಇರಬೇಕು ಅಂತ'' - ದರ್ಶನ್, ನಟ

ನಾಯಕಿಯರು ಸ್ಪೆಷಲ್

''ಸಾಮಾನ್ಯವಾಗಿ ನಮ್ಮ ಸಿನಿಮಾಗಳಲ್ಲಿ ನಾಯಕಿಯರು 'ಊಟಕ್ಕೆ ಉಪ್ಪಿನಕಾಯಿ ತರ' ಬಂದು ಹೋದ್ರು ಅಂತಾರೆ. ಆದ್ರೆ, ಈ ಚಿತ್ರದಲ್ಲಿ ಹಾಗಿಲ್ಲ. ಇಬ್ಬರದ್ದು ವಿಶೇಷ ಮತ್ತು ಪ್ರಮುಖವಾದ ಪಾತ್ರಗಳು. ಒಬ್ಬರು ಜೀವನ ಕಲಿಸುತ್ತಾರೆ, ಇನ್ನೊಬ್ಬರು ಜೀವನದಲ್ಲಿ ಪ್ರೀತಿ ಏನೂ ಅಂತ ಕಲಿಸುತ್ತಾರೆ. ಇದರಲ್ಲಿ ನನ್ನದೊಂದು ಸಣ್ಣ ಪಾತ್ರ, ಎಲ್ಲರ ಜೊತೆ ಜೊತೆಯಲ್ಲೂ ಹೋಗ್ತಿನಿ. ಆ ತರವಾದ ತಾರಕ್ ಇದು'' - ದರ್ಶನ್, ನಟ

ಅರ್ಜುನ್ ಜನ್ಯ ಸಂಗೀತ ಸೂಪರ್

''ಅರ್ಜುನ್ ಜನ್ಯ ಅವರು ಒಳ್ಳೆ ಹಾಡುಗಳನ್ನ ಕೊಟ್ಟಿದ್ದಾರೆ. ಸುಮ್ಮನೆ ಯಾವ ಹಾಡು ಮಾಡಿಲ್ಲ. ಸಂದರ್ಭಕ್ಕೆ ತಕ್ಕ ಹಾಗೆ ಹಾಡುಗಳು ಬರುತ್ತೆ'' - ದರ್ಶನ್, ನಟ

ಸೆಪ್ಟಂಬರ್ ನಲ್ಲಿ 'ತಾರಕ್' ದರ್ಶನ

'ತಾರಕ್' ಚಿತ್ರವನ್ನ ಮಿಲನ ಪ್ರಕಾಶ್ ನಿರ್ದೇಶನ ಮಾಡಿದ್ದಾರೆ. ಸ್ಟೈಲಿಶ್ ಲುಕ್ ನಲ್ಲಿ ಕಾಣಿಸಿಕೊಂಡಿರುವ ನಟ ದರ್ಶನ್ ಇಲ್ಲಿ ರಗ್ಬಿ ಪ್ಲೇಯರ್ ಆಗಿ ಮಿಂಚಿದ್ದಾರೆ. ಉಳಿದಂತೆ ಶಾನ್ವಿ ಶ್ರೀವಾಸ್ತವ ಮತ್ತು ಶೃತಿ ಹರಿಹರನ್ ದರ್ಶನ್ ಗೆ ಜೋಡಿಯಾಗಿದ್ದು, ದೇವರಾಜ್, ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಸದ್ಯ, ಆಡಿಯೋ ರಿಲೀಸ್ ಮಾಡಿರುವ ಚಿತ್ರತಂಡ ಸೆಪ್ಟಂಬರ್ ನಲ್ಲಿ ಥಿಯೇಟರ್ ಗೆ ಬರುವ ಯೋಚನೆಯಲ್ಲಿದೆ.