ಮತ್ತೊಮ್ಮೆ ಹನುಮಂತನ ಮೊರೆಹೋದ ಭಜರಂಗಿ ಹರ್ಷ

ಶಿವಣ್ಣನ ನಾಯಕನನ್ನಾಗಿಸಿ ಭರ್ಜರಿ ಸಕ್ಸಸ್

ಹರ್ಷ ಮೊದಲು ಹನುಮಾನ್ ಭಕ್ತರಾಗಿದ್ದು ಶಿವಣ್ಣ ಅಭಿನಯದ ಭಜರಂಗಿ ಸಿನಿಮಾದಲ್ಲಿ. ಶಿವಣ್ಣನ ನಾಯಕನನ್ನಾಗಿಸಿ ಭರ್ಜರಿ ಸಕ್ಸಸ್ ಪಡ್ಕೊಂಡ ಹರ್ಷ ಸಿನಿಮಾದ ಹೆಚ್ಚಿನ ಭಾಗವನ್ನ ಹನುಮಂತನ ಮೂರ್ತಿಯೆದುರೇ ಶೂಟ್ ಮಾಡಿದ್ದಾರೆ...

ಭಜರಂಗಿಯಲ್ಲೇ ವಜ್ರದೇಹಿ ವಜ್ರಕಾಯ

ಭಜರಂಗಿ ಸಿನಿಮಾದ ಟೈಟಲ್ಸಾಂಗ್ನಲ್ಲೇ ವಜ್ರದೇಹಿ ವಜ್ರಕಾಯ ಎಲ್ಲವನ್ನೂ ಹಾಡಿಸಿದ್ದ ಹರ್ಷ ಮತ್ತೆ ಇಟ್ಟುಕೊಂಡಿದ್ದು ವಜ್ರಕಾಯ ಟೈಟಲ್ನ. ಈಗ ವಜ್ರಕಾಯ ಭಜರಂಗಿಗಿಂತ ಭರ್ಜರಿಯಾಗಿ ಮೂಡಿ ಬಂದಿದೆಯಂತೆ.

ವಜ್ರಕಾಯ ಭಜರಂಗಿ ಬೇರೆ ಬೇರೆ

ಎರಡೂ ಹೆಸರಿನ ಅರ್ಥ ಒಂದೇ ಹನುಮಂತ. ಆದ್ರೆ ಎರಡೂ ಸಿನಿಮಾಗಳಿಗೆ ಎಲ್ಲಿಯೂ ಸಂಬಂಧವಿಲ್ಲವಂತೆ. ಅದು ಸ್ವಲ್ಪ ಕಾಡು ಮೇಡಿನ ಕಥೆಯಾದ್ರೆ ಇದು ಶ್ರೀಮಂತ ಫ್ಯಾಮಿಲಿಯೊಂದರ ಶ್ರೀಮಂತ ವ್ಯಕ್ತಿತ್ವದ ಕಥೆಯಂತೆ.

ವಜ್ರಕಾಯದಲ್ಲಿ ಇಲ್ಲಿ ಗ್ಲಾಮರ್ ಹಬ್ಬ

ಭಜರಂಗಿಯಲ್ಲಿ ಗ್ಲಾಮರ್ಗೆ ಅವಕಾಶ ಕಡಿಮೆಯಿತ್ತು. ಅಲ್ಲಿ ಐಂದ್ರಿತಾ ರೇ ಮಾತ್ರ ಇದ್ರು. ಅವರಿಗೂ ಗ್ಲಾಮರಸ್ ಪಾತ್ರ ಇರಲಿಲ್ಲ. ಆದ್ರೆ ಇಲ್ಲಿ ಮೂರು ನಾಯಕಿಯರಿದ್ದಾರೆ. ಶುಭ್ರಾ ಅಯ್ಯಪ್ಪ, ನಭಾ ನಟೇಶ್, ಕರುಣ್ಯಾ ರಾಮ್ ಮೂವರೂ ಹೊಸ ಮುಖಗಳ ಗ್ಲಾಮರ್ ಹಬ್ಬ ಪ್ರೇಕ್ಷಕರಿಗೆ ಪಕ್ಕಾ.

ಜೈ ಮಾರುತಿ 800 ಕಾಮಿಡಿ ಕಿಕ್

ಶರಣ್ ಅಭಿನಯದ ಈ ಚಿತ್ರವನ್ನ ಹರ್ಷ ಜುಲೈ ತಿಂಗಳಲ್ಲಿ ಆರಂಭಿಸಲಿದ್ದಾರೆ. ಈಗಾಗಲೇ ಸ್ಕ್ರಿಪ್ಟ್ ವರ್ಕ್ ಮುಗಿಸಿರೋ ಟೀಂ ಶರಣ್ರ ಬುಲೆಟ್ ಬಸ್ಯಾ ಸಿನಿಮಾ ಕೂಡ ಮುಗಿದಿರೋದ್ರಿಂದ ಆಷಾಢಕ್ಕೂ ಮೊದ್ಲೇ ಸಿನಿಮಾ ಆರಂಭಿಸಲಿದೆ.

ಮೂರನೇ ಚಿತ್ರವೂ ಆಂಜನೇಯನ ಹೆಸ್ರಲ್ಲಿ

ಇತ್ತೀಚೆಗೆ ಚಿತ್ರದ ಟೈಟಲ್ ಮಾರುತಿ 800 ಅಂತ ಸುದ್ದಿಯಾಗಿತ್ತು. ಆದ್ರೆ ಈಗ ಪಕ್ಕಾ ಆಗಿರೋ ಪ್ರಕಾರ ಟೈಟಲ್ ಜೈ ಮಾರುತಿ 800. ಸತತ ಮೂರನೇ ಸಿನಿಮಾವನ್ನೂ ಆಂಜನೇಯನ ಹೆಸ್ರಲ್ಲೇ ಮಾಡ್ತಿರೋದು ವಿಶೇಷ.