ಹರಿಪ್ರಿಯಾಗೆ ವಸಿಷ್ಠ ಪ್ರೀತಿ ಸಂದೇಶ ಕಳುಹಿಸಿದ್ದೇಗೆ? ಇಬ್ಬರ ಪ್ರೀತಿಗೆ ಸೇತುವೆಯಾದ ಕ್ರಿಸ್ಟಲ್ ಯಾರು?

ಇಬ್ಬರ ಪ್ರೀತಿ ಶುರುವಾಗಿದ್ದು ಯಾವಾಗ?

ನಟಿ ಹರಿಪ್ರಿಯಾ ಲಕ್ಕಿ ಮತ್ತು ಹ್ಯಾಪಿ ಎನ್ನುವ ಎರಡು ನಾಯಿಗಳನ್ನು ಸಾಕಿದ್ದರು. ಆದರೆ ಲಕ್ಕಿ ನಾಯಿ ಸತ್ತುಹೋದ ಬಳಿಕ ಹ್ಯಾಪಿ ನಾಯಿ ಒಂಟಿಯಾಗಿತ್ತು. ಅದನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದ ಹರಿಪ್ರಿಯಾ ಮತ್ತೆ ಹಿಂದಿರುಗಿ ಬರುತ್ತದೆ ಎಂದು ಅಂದುಕೊಂಡಿದ್ದರಂತೆ. ಅದೇ ಸಮಯದಲ್ಲಿ ವಸಿಷ್ಠ ಸಿಂಹ ಕ್ರಿಸ್ಟಲ್ ಹೆಸರಿನ ನಾಯಿಮರಿಯನ್ನು ಅನ್ನು ಗಿಫ್ಟ್ ಆಗಿ ನೀಡಿದ್ದಾರೆ. ಅಲ್ಲಿಂದ ಪ್ರಾರಂಭವಾಯಿತು ಇಬ್ಬರ ಪ್ರೀತಿ.

ಹ್ಯಾಪಿಗೆ ಹತ್ತಿರವಾಗಿದ್ದ ಕ್ರಿಸ್ಟಲ್

"ಹ್ಯಾಪಿ ಮತ್ತು ಕ್ರಿಸ್ಟಲ್​ ನಡುವೆ ಸ್ನೇಹ ಬೆಳೆಯಲು ಸ್ವಲ್ಪ ಸಮಯ ಬೇಕಾಯಿತು. ಅಚ್ಚರಿ ಎಂದರೆ ಲಕ್ಕಿ ಹುಟ್ಟಿದ ಅದೇ ಕ್ರಿಸ್ಟಲ್ ಹುಟ್ಟಿದ್ದು. ಲಕ್ಕಿ ಕೂಡ ಅದೇ ದಿನ ಹುಟ್ಟಿದ್ದು ಎನ್ನುವುದು ಗೊತ್ತಾಯಿತು. ಕ್ರಿಸ್ಟಲ್​ ಸದಾ ಹ್ಯಾಪಿಯ ವಸ್ತುಗಳ ಜೊತೆ ಆಟ ಆಡ್ತಿದ್ದ. ಇದು ಹ್ಯಾಪಿಗೆ ಸಿಟ್ಟು ತರಿಸುತಿತ್ತು. ನಿಧಾನವಾಗಿ ಕ್ರಿಸ್ಟಲ್​ ಮೋಡಿ ಮಾಡಿದ. ಯಾರನ್ನು ಬೇಕಾದರೂ ಅವನು ಬೇಗ ಫ್ರೆಂಡ್​ ಮಾಡಿಕೊಳ್ತಾನೆ. ಹ್ಯಾಪಿಗೂ ಲಕ್ಕಿನೇ ಮತ್ತೆ ಬಂದಿದೆ ಎನ್ನಿಸಿರಬೇಕು. ಕ್ರಿಸ್ಟಲ್​ ಹ್ಯಾಪಿ ಜೊತೆಗೂ ಫ್ರೆಂಡ್‌ಶಿಪ್ ಬೆಳೆಸಿಕೊಂಡ. ಈಗ ಇಬ್ಬರು ಒಟ್ಟಿಗೆ ಆಟ ಆಡಿಕೊಂಡು ಇರ್ತಾರೆ' ಎಂದು ಹರಿಪ್ರಿಯಾ ವಿಡಿಯೋದಲ್ಲಿ ಹೇಳಿದ್ದಾರೆ.

ಕ್ರಿಸ್ಟಲ್ ನಮ್ಮಿಬ್ಬರ ಪ್ರೀತಿಗೆ ಕನ್ನಡಿ

"ನಿಮಗೊಂದು ಸೀಕ್ರೆಟ್​ ಹೇಳ್ತೀನಿ. ವಸಿಷ್ಠ ಈ ನಾಯಿಯನ್ನು ಗಿಫ್ಟ್​ ಮಾಡಿದಾಗ ಒಂದು ಸಂದೇಶವನ್ನು ಹೊತ್ತು ತಂದಿದ್ದಾನೆ ಎನ್ನುವುದು ಗೊತ್ತಿರಲಿಲ್ಲ. ಅವನ ಎದೆಯ ಭಾಗದಲ್ಲಿ ಹಾರ್ಟ್​ ಸಿಂಬಲ್‌ನ ಒಂದು ಬರ್ತ್​ ಮಾರ್ಕ್​ ಇದೆ. ಅವನು ಬೆಳೆಯುತ್ತಾ ಬೆಳೆಯುತ್ತಾ ಬರ್ತ್‌ ಮಾರ್ಕ್ ಬೆಳೀತು. ನಮ್ಮ ಸ್ನೇಹವೂ ಬೆಳೆಯಿತು. ಅದೇ ರೀತಿ ನಮ್ಮ ಪ್ರೀತಿ ಕೂಡ ಬೆಳೆಯಿತು. ಕ್ರಿಸ್ಟಲ್​ ನಮ್ಮಿಬ್ಬರ ಪ್ರೀತಿಗೆ ಕನ್ನಡಿ ಹಿಡಿದಿದ್ದಾನೆ' ಎಂದು ಹರಿಪ್ರಿಯಾ ಹೇಳಿದ್ದಾರೆ.

ಮುಂದಿನ ವರ್ಷ ಮದುವೆ

ಹರಿಪ್ರಿಯಾ- ವಸಿಷ್ಠ ಸಿಂಹ ಇತ್ತೀಚೆಗೆ ದುಬೈನಲ್ಲಿ ಶಾಪಿಂಗ್ ಮಾಡಿ ಬಂದಿದ್ದರು. ಧನುರ್ಮಾಸ ಆರಂಭಕ್ಕೂ ಮುನ್ನ ನಿಶ್ಚಿತಾರ್ಥ ಮಾಡಿಕೊಳ್ಳಲು ಜೋಡಿ ನಿರ್ಧರಿಸಿತ್ತು. ಹಾಗಾಗಿ ಸರಳವಾಗಿ ಹರಿಪ್ರಿಯಾ ಮನೆಯಲ್ಲಿ ಕೆಲವೇ ಆಪ್ತರ ಸಮ್ಮುಖದಲ್ಲಿ ಉಂಗುರ ಬದಲಿಸಿಕೊಂಡಿದ್ದಾರೆ. ಮುಂದಿನ ವರ್ಷದ ಆರಂಭದಲ್ಲೇ ತಾರಾ ಜೋಡಿಯ ಮದುವೆ ಆಗುತ್ತದೆ ಎನ್ನುವ ಮಾತುಗಳು ಕೇಳಿಬರ್ತಿದೆ.