For Quick Alerts
    ALLOW NOTIFICATIONS  
    For Daily Alerts

    ರಿಯಲ್ ಸ್ಟಾರ್ ಉಪೇಂದ್ರ ಜೊತೆ ನಟಿಸಲು ನಿಮಗೊಂದು ಸುವರ್ಣ ಅವಕಾಶ!

    |

    ಕನ್ನಡದ ರಿಯಲ್ ಸ್ಟಾರ್‌ ಉಪೇಂದ್ರ ಅವರ ನಿರ್ದೇಶನಕ್ಕೆ ಹೆಚ್ಚಿನ ಬೇಡಿಕೆ ಇದೆ. ಆದರೂ ಕೂಡ‌ ಉಪ್ಪಿ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳನ್ನು ನಿರ್ದೇಶನ ಮಾಡುವುದಿಲ್ಲ. ವರ್ಷಗಳ‌ ಬಳಿಕ ಈಗ ನಟ ಉಪೇಂದ್ರ ಅವರು ಮತ್ತೆ‌ ನಿರ್ದೇಶಕನ ಕ್ಯಾಪ್ ಹಾಕಿಕೊಳ್ಳುತ್ತಿದ್ದಾರೆ. ಹಾಗಾಗಿ ನಿಮಗೂ ಸಿಹಿ ಸುದ್ದಿ ಕೊಟ್ಟಿದ್ದಾರೆ.

    ಸಿನಿಮಾದ ಜೊತೆಗೆ ಪ್ರಜಾಕೀಯವನ್ನು ಆರಂಭಿಸಿರುವ ನಟ ಉಪೇಂದ್ರ ಅವರು, ಈಗ ಮತ್ತೆ ಸಿನಿಮಾ ನಿರ್ದೇಶನಕ್ಕೆ ಇಳಿಯುತ್ತಿದ್ದಾರೆ. ಉಪ್ಪಿ 2 ಚಿತ್ರದ ಬಳಿಕ ಸಿನಿಮಾ ನಿರ್ದೇಶನಕ್ಕೆ ಮುಂದಾಗಿದ್ದಾರೆ. ಈ ಚಿತ್ರದಲ್ಲಿನ ನೀವೂ ಕೂಡ ಉಪ್ಪಿ ಜೊತೆಗೆ ಸಿನಿಮಾದಲ್ಲಿ ಕಾಣಿಸಿಕೊಳ್ಳಬಹುದು.

    ಉಪೇಂದ್ರ ಅವರ ಜೊತೆಗೆ, ಅವರ ಮುಂದಿನ ಸಿನಿಮಾದಲ್ಲಿ ಅಭಿನಯಿಸುವುದು ಹೇಗೆ.‌ ಅವರ ಸಿನಿಮಾದಲ್ಲಿ ಯಾರಿಗೆಲ್ಲಾ ಚಾನ್ಸ್ ಇದೆ. ಎನ್ನುವ ಸುವರ್ಣ ಅವಕಾಶದ ಬಗ್ಗೆ ಮಾಹಿತಿ ಇಲ್ಲಿದೆ ಮುಂದೆ ಓದಿ....

    ಉಪ್ಪಿ ಹೊಸ ಚಿತ್ರಕ್ಕೆ ಕಲಾವಿದರು ಬೇಕಾಗಿದ್ದಾರೆ!

    ಉಪ್ಪಿ ಹೊಸ ಚಿತ್ರಕ್ಕೆ ಕಲಾವಿದರು ಬೇಕಾಗಿದ್ದಾರೆ!

    ಹೌದು ನಟ ಉಪೇಂದ್ರ ಅವರು ಚಿತ್ರ ನಿರ್ದೇಶನಕ್ಕೆ ಮುಂದಾಗಿದ್ದು, ಈಗಾಗಲೇ‌ ಕಳೆದ ವರ್ಷ ಅವರ ಹುಟ್ಟುಹಬ್ಬಕ್ಕೆ ಪೋಸ್ಟರ್ ಕೂಡ ರಿಲೀಸ್ ಮಾಡಿದ್ದರು. ಈ ಚಿತ್ರದಲ್ಲಿ ಅಭಿನಯಿಸಲು ಉಪೇಂದ್ರ ಅವರಿಗೆ ನವ ಕಲಾವಿದರು ಬೇಕಾಗಿದ್ದಾರೆ. ಈ ಬಗ್ಗೆ ಅಧಿಕೃತವಾಗಿ ಪೋಸ್ಟ್ ಹಂಚಿಕೊಂಡು ಪ್ರಕಟಣೆ ಹೊರಡಿಸಿದ್ದಾರೆ ಉಪ್ಪಿ.

    ನಟಿ, ನಟರಿಗೆ ಇರಬೇಕಾದ ಅರ್ಹತೆಗಳು ಹೀಗಿವೆ!

    ನಟಿ, ನಟರಿಗೆ ಇರಬೇಕಾದ ಅರ್ಹತೆಗಳು ಹೀಗಿವೆ!

    ಉಪೇಂದ್ರ ಅವರು ನಿರ್ದೇಶನ ಮಾಡುತ್ತಿರುವ ಚಿತ್ರದಲ್ಲಿ ಅಭಿನಯಿಸಲು ನಟ ನಟಿಯರಿಗೆ ವಯಸ್ಸಿನ ಮಿತಿಯನ್ನು ನೀಡಲಾಗಿದೆ. ಉಪೇಂದ್ರ ಅವರು ರಿಲೀಸ್ ಪೋಸ್ಟರ್‌ನಲ್ಲಿ ಹಿಗೆ ನಮೂದಿಸಲಾಗಿದೆ. "ಉಪೇಂದ್ರ ಅವರು ನಿರ್ದೇಶನ ಮಾಡುತ್ತಿರುವ ಚಿತ್ರದಲ್ಲಿ ಅಭಿನಯಿಸಲು ನಟ, ನಟಿಯರು ಬೇಕಾಗಿದ್ದಾರೆ. 14 ರಿಂದ 60 ವರ್ಷ ವಯಸ್ಸಿನವರೆಗೂ ಇರಬೇಕು. ತಾವು ನಟಿಸಿರುವ 2 ನಿಮಿಷದ ವೀಡಿಯೋ ತುಣುಕನ್ನು upendraproductionsgmail.com ಮೈಲ್ ಐಡಿಗೆ ಕಳಿಸಿಕೊಡಿ. ಕೊನೆಯ ದಿನಾಂಕ 10-03-2022 ಮಾರ್ಚ್-10ನೇ ತಾರೀಖಿನ ಒಳಗೆ." ಎಂದು ಬರೆಯಲಾಗಿದೆ.

    ಕುತೂಹಲ ಮೂಡಿಸಿದ್ದ ನಾಮದ ಪೋಸ್ಟರ್!

    ಕುತೂಹಲ ಮೂಡಿಸಿದ್ದ ನಾಮದ ಪೋಸ್ಟರ್!

    ಉಪೇಂದ್ರ ಅವರ ಮುಂದಿನ ಚಿತ್ರದ ಬಗ್ಗೆ ಮೊದಲ ಪೋಸ್ಟರ್ ಸಾಕಷ್ಟು ಕುತೂಹಲ ಮೂಡಿಸಿದೆ. ಟೈಟಲ್ ಮೂರು ನಾಮದ ಸಿಂಬಲ್ ಹೊಂದಿದೆ. ಈ ಹಿಂದೆ ಸೂಪರ್ ಸಿನಿಮಾಗೂ ಅವರು ಚಿಹ್ನೆಯನ್ನೇ ಬಳಸಿದ್ದರು. ಈ ನಾಮವನ್ನು ಟೈಟಲ್‌ಗೆ ಬೇರೊಂದು ಅರ್ಥವೂ ಬರುತ್ತದೆ. I ಎಂದರೆ ನಾನು ಮತ್ತು U ಎಂದರೆ ನೀನು ಎಂಬರ್ಥವೂ ಸಿಗಲಿದೆ. ಟೈಟಲ್‌ನಲ್ಲೇ ಕುತೂಹಲ ಇಟ್ಟು ಉಪ್ಪಿ ಈಸ್ ಬ್ಯಾಕ್ ಎನ್ನುವ ಕ್ರೇಜ್ ಹುಟ್ಟು ಹಾಕಿದ್ದರು. ಇನ್ನು ಉಪ್ಪಿ2 ಚಿತ್ರದ ಬಳಿಕ ಆರು ವರ್ಷಗಳ ನಂತರ ಉಪೇಂದ್ರ ಅವರು ಮತ್ತೇ ನಿರ್ದೇಶನಕ್ಕೆ ಇಳಿದ್ದಾರೆ.

    ಕಬ್ಜ ಚಿತ್ರದಲ್ಲಿ ಉಪೇಂದ್ರ ಬ್ಯುಸಿ!

    ಕಬ್ಜ ಚಿತ್ರದಲ್ಲಿ ಉಪೇಂದ್ರ ಬ್ಯುಸಿ!

    ನಟ ಉಪೇಂದ್ರ ಅವರು ಸದ್ಯ ಕಬ್ಜ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಇದು ಪ್ಯಾನ್ ಇಂಡಿಯಾ ಸಿನಿಮಾ ಆಗಿದ್ದು, ನಿರ್ದೇಶಕ ಆರ್ ಚಂದ್ರು, ನಿರ್ದೇಶನ ಮತ್ತು ನಿರ್ಮಾಣದಲ್ಲಿ ಸಿನಿಮಾ ತಯಾರಾಗುತ್ತಿದೆ. ಈಗಾಗಲೇ ಕಬ್ಜ ಚಿತ್ರದಲ್ಲಿ ಉಪ್ಪಿ ಅವರ ಲುಕ್ ಬದಲಾಗಿದೆ. ಉಪೇಂದ್ರ ಅವರು ರೆಟ್ರೋ ಸ್ಟೈಲ್‌ನಲ್ಲಿ ಕಾಣಿಸಿಕೊಂಡಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟು ಹಾಕಿದೆ.

    English summary
    Chance To Act In Actor Upendra Directional Film Here Is More Details
    Wednesday, February 9, 2022, 10:09
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X