ನಿರ್ಮಾಪಕ ಕೆ ಮಂಜು 'ಕೊಬ್ರಿ ಮಂಜು' ಆದ ಕಥೆ ಇದು

ಕೆ ಮಂಜು ಎಂದೇ ಹೆಸರಾಗಿರುವ ನಿರ್ಮಾಪಕ ಮಂಜು ಅವರ ವಿಸ್ಕೃತ ಹೆಸರು ಕೊಬ್ರಿ ಮಂಜು ಎಂದು. ಮಂಜು ಅವರಿಗೆ 'ಕೊಬ್ರಿ ಮಂಜು' ಎಂದು ಹೆಸರು ಬರುವ ಹಿಂದೆ ಒಂದೇ ಸಣ್ಣ ಕಥೆಯಿದೆಯಂತೆ. ಮಂಜುವಿನ ತಂದೆ ಕೊಬ್ಬರಿ ವ್ಯಾಪಾರ ಮಾಡುತ್ತಿದ್ದರಂತೆ.

ಮನೆಯಲ್ಲಿರುತ್ತಿದ್ದ ಕೊಬ್ಬರಿಗಳನ್ನು ಮಂಜು ಯಾರಿಗೂ ಗೊತ್ತಾಗದ ಹಾಗೆ ಕದ್ದು ಅಂಗಡಿಗೆ ಮಾರುತ್ತಿದ್ದರು. ಬಂದ ಹಣದಲ್ಲಿ ತಮ್ಮ ಬಾಲ್ಯದ ಜೀವನದಲ್ಲಿ ಈ ಹಣದಿಂದ ಸಿನಿಮಾ ನೋಡುವ ಆಸೆಗಳನ್ನು ಪೂರೈಸಿಕೊಳ್ಳುತ್ತಿದ್ದರಂತೆ.

ಅದರಲ್ಲೂ ತಾನು ಹೆಚ್ಚಾಗಿ ನೋಡುತ್ತಿದ್ದದ್ದು ವಿಷ್ಣುವರ್ಧನ್ ಸಿನಿಮಾಗಳನ್ನು. ಅಲ್ಲಿಂದ ಊರಿನ ಜನ ನನ್ನನ್ನು ಕೊಬ್ರಿ ಮಂಜು ಎಂದು ಕರೆಯಲಾರಂಭಿಸಿದರು ಎಂದು ನಿರ್ಮಾಪಕ ಕೆ ಮಂಜು 'ಕೊಬ್ರಿ ಮಂಜು' ಆದ ಕಥೆಯನ್ನು ಸಂಕ್ಷಿಪ್ತವಾಗಿ ಹೇಳಿದ್ದಾರೆ.

ಅಂದು ಕೊಬ್ರಿ ಕದ್ದು ಡಾ.ವಿಷ್ಣು ಚಿತ್ರ ನೋಡುತ್ತಿದ್ದ ಇದೇ ಮಂಜು ವಿಷ್ಣುವರ್ಧನ್ ಅಭಿನಯದ ಕೆಲ ಚಿತ್ರಗಳನ್ನ ನಿರ್ಮಿಸಿ ಅವರಿಗೆ ಹತ್ತಿರವಾದರು. ವಿಷ್ಣು ಮೇಲೆ ಬೆಟ್ಟದಷ್ಟು ಪ್ರೀತಿ ಇಟ್ಟುಕೊಂಡಿರುವ ಮಂಜು ತನ್ನ ಗುರುವಿಗೆ ಟ್ರಿಬ್ಯೂಟ್ ಸಲ್ಲಿಸಲು ಯೋಜನೆ ಸಿದ್ದ ಪಡಿಸುತ್ತಿದ್ದಾರೆ.

ತನ್ನ ಐವತ್ತನೇ ಚಿತ್ರ ವಿಷ್ಣುವರ್ಧನ್ ಅವರದ್ದೇ ಆಗಬೇಕೆನ್ನುವುದು ಮಂಜು ಅವರ ಕನಸು. ಆದರೆ ವಿಷ್ಣು ಈಗ ನಮ್ಮನ್ನು ಅಗಲಿದ್ದಾರೆ. ಮತ್ತೆ ಹೇಗೆ ಮಂಜು ವಿಷ್ಣು ಸಿನಿಮಾ ಮಾಡುತ್ತಾರೆ ಎನ್ನುವ ಸಂದೇಹಕ್ಕೆ ಮಂಜು ಉತ್ತರಿಸುವುದು ಹೀಗೆ " ವಿಷ್ಣುವರ್ಧನ್ ಚಿತ್ರ ಸಂಪೂರ್ಣ animation ಚಿತ್ರವಾಗಿರುತ್ತದೆ. ವಿಷ್ಣು ಅವರನ್ನು animated ಮಾಡಿ ಸಿಂಹದಂತೆ ಘರ್ಜಿಸಲು ವ್ಯವಸ್ಥೆ ಮಾಡುವುದು ನನ್ನ ಕನಸು' ಎಂದಿದ್ದಾರೆ.

ಪ್ರಸ್ತುತ ಮೂವತ್ತೇಳು ಚಿತ್ರಗಳನ್ನು ತನ್ನ ಪ್ರೊಫೈಲ್ ನಲ್ಲಿ ಇಟ್ಟುಕೊಂಡಿರುವ ಮಂಜು, ಐವತ್ತನ್ನು ಸಮೀಪಿಸಲು ಕನಿಷ್ಠ ಇನ್ನೆರಡು ಮೂರು ವರ್ಷಗಳು ಬೇಕಾಗಬಹುದು.

ಆಮೇಲಷ್ಟೇ ವಿಷ್ಣು ಸರ್ ಚಿತ್ರವನ್ನು ಈ ರೀತಿ ತೋರಿಸಲು ಸಾಧ್ಯ. ಆದರೆ ಇಂಥದೊಂದು ಸಿನಿಮಾ ಮಾಡುವ ಕನಸನ್ನು ಮಾತ್ರ ನಾನು ಈಗಿಂದಲೇ ಕಾಣುತ್ತಿದ್ದೇನೆ ಎಂದು ಮಂಜು ಹೇಳಿದ್ದಾರೆ.

ಕಥೆ, ಚಿತ್ರಕಥೆ, ನಿರ್ದೇಶಕರ ಬಗ್ಗೆ ಇನ್ನು ಯಾವುದೇ ಅಂತಿಮ ತೀರ್ಮಾನವಾಗಿಲ್ಲ. ನನ್ನ ಐವತ್ತನೇ ಚಿತ್ರವನ್ನು ಈ ರೀತಿ ಮಾಡಿದರೆ ಹೇಗೆ ಎನ್ನುವ ಆಲೋಚನೆಯಲ್ಲಿದ್ದೇನೆ. ಬರುವ ದಿನಗಳಲ್ಲಿ ಇದಕ್ಕೊಂದು ಸ್ಪಷ್ಟ ರೂಪ ಸಿಗುತ್ತೆ ಎನ್ನುವ ನಂಬಿಕೆ ನನ್ನಲ್ಲಿದೆ ಎಂದು ಕೊಬ್ರಿ ಮಂಜು ವಿಶ್ವಾಸದ ಮಾತನ್ನಾಡಿದ್ದಾರೆ (ಒನ್ ಇಂಡಿಯಾ)

More from Filmibeat

View More

• 
  ಟಾಕ್ಸಿಕ್ ಕಥೆ ಬಿಡಿ ; ಮಾರ್ಚ್ 19ಕ್ಕೆ ಧುರಂದರ್ 2 ರಿಲೀಸ್ ಆಗೋದೇ ಅನುಮಾನ ?
• 
  The Kerala Story 2 Boxoffice: ಮೊದಲ ವಾರಕ್ಕೆ 'ಕೇರಳ ಸ್ಟೋರಿ' ಸುಸ್ತು; 25 ಕೋಟಿ ಗಳಿಸಲು ಹರಸಾಹಸ
• 
  Bhagyalakshmi: ಭಾಗ್ಯಳ ಪ್ರಾಣ ಉಳಿಸಿದ ಆದಿ; ಅತ್ತ ತಾಂಡವ್‌ಗೆ ಶಾಕ್ ನೀಡಿದ ಶ್ರೇಷ್ಠಾ
• 
  ಮಾರ್ಚ್ 19ರ ಬದಲು 'ಟಾಕ್ಸಿಕ್' ಬಿಡುಗಡೆಗೆ ಜೂನ್ 4 ಆಯ್ಕೆ ಮಾಡಿದ್ದೇಕೆ ಯಶ್ ? ಜೂನ್ 2ಕ್ಕೆ ನಡೆಯುವ ಪವಾಡವೇನು?
• 
  ತಾರಕಕ್ಕೇರಿದ ಡಾಗ್ ಸತೀಶ್ - ರಜತ್ ವಾಗ್ಯುದ್ಧ ; ಬಿಗ್ ಬಾಸ್ ಬುಜ್ಜಿ ವಿರುದ್ಧ ಎಫ್‌ಐಆರ್
• 
  ಲೈಕ್ ಲಪಡಾ ; ಕೃತಿ ಸನೋನ್‌ಗೆ ಪ್ರಶಸ್ತಿ, ಯಾಮಿ ಗೌತಮ್‌ಗೆ ಹೊಟ್ಟೆ ಉರಿ ? 'ಚೀಪ್' ಕೆಲಸಕ್ಕೆ ಆದಿತ್ಯ ಧರ್ ಪತ್ನಿ ಕಿಡಿ
• 
  ಕರ್ನಾಟಕಕ್ಕೆ ಬಂದರೆ ಅಪ್ಪನ ಮನೆಯಿಂದ ಅಮ್ಮನ ಮನೆಗೆ ಬಂದಂತೆ ಭಾಸವಾಗುತ್ತೆ-ಜೂ ಎನ್‌ಟಿಆರ್ ಕನ್ನಡ ಪ್ರೇಮ
• 
  ಲಿಯಾರಿಯ ರಕ್ತಚರಿತ್ರೆ ಬರೆಯಲು ಮತ್ತೆ ಬಂದ ಹಮ್ಜಾ ; ಧುರಂಧರ್ 2 ಟ್ರೇಲರ್- ರಣವೀರ್ ಸಿಂಗ್ ಧಗಧಗ
• 
  ಹೂ ತರ ಇದ್ಲು, ಹೂಕೋಸು ಆಗೋದ್ಲು ; ಲವ್‌ ಮಾಕ್ಟೇಲ್‌ನಲ್ಲಿ ಬಾಡಿ ಶೇಮಿಂಗ್ ಆರೋಪ -ಗೀತಾ ಭಟ್‌ಗೆ ಕೃಷ್ಣ-ಮಿಲನಾ ತಿರುಗೇಟು
• 
  ಕೋರ್ಟ್‌ನಲ್ಲಿ ಹೈಡ್ರಾಮಾ ; ರೇಣುಕಾಸ್ವಾಮಿ ಪ್ರಕರಣದ ಎ10 ಆರೋಪಿ ವಿನಯ್‌ಗೆ ವಕೀಲರಿಂದ ಕಪಾಳಮೋಕ್ಷ
• 
  "ನಾನು ವಿಜಯ್‌ನ ಬಿಟ್ಟು ಕೊಡುವುದಿಲ್ಲ"; ಮಗ-ಸೊಸೆ ಬಗ್ಗೆ ವಿಜಯ್ ತಂದೆ ಕೊಟ್ಟ ಹೇಳಿಕೆ ವೈರಲ್
• 
  Virosh Reception: ವಿಜಯ್-ರಶ್ಮಿಕಾ ರಿಸೆಪ್ಷನ್ ಪಾರ್ಟಿ; ಚಿರಂಜೀವಿ, ಡಿಕೆಶಿ ಸೇರಿ ಗಣ್ಯಾತಿಗಣ್ಯರು ಭಾಗಿ