Don't Miss!
- News Namma Metro Purple Line: ದೈನಂದಿನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಇಳಿಕೆ, ಕಾರಣಗಳೇನು?
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Technology Tecno: ಬಹುನಿರೀಕ್ಷಿತ ಟೆಕ್ನೋ ಪೋವಾ 6 ಪ್ರೊ ಲಾಂಚ್! 12GB RAM.. 6000mAh ಬ್ಯಾಟರಿ.. ಬೆಲೆ ಎಷ್ಟು?
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಗ್ಗೇಶ್ 10ನೇ ಕ್ಲಾಸ್ ಅಂಕಪಟ್ಟಿ: ಬೂಟಿನಲ್ಲಿ ಹೊಡೆದಿದ್ದರಂತೆ ತಂದೆ, ಆತ್ಮಹತ್ಯೆಗೆ ಯತ್ನ!
ಕನ್ನಡದ ಹಿರಿಯ ನಟ ಜಗ್ಗೇಶ್ ಅವರ ತಮ್ಮ 10ನೇ ತರಗತಿಯ ಅಂಕಪಟ್ಟಿ ಹಂಚಿಕೊಂಡಿದ್ದಾರೆ. 1979ರಲ್ಲಿ ಜಗ್ಗೇಶ್ ಎಸ್ಎಸ್ಎಲ್ಸಿ ಪರೀಕ್ಷೆ ಬರೆದಿದ್ದು, ಎರಡನೇ ದರ್ಜೆಯಲ್ಲಿ ಪಾಸ್ ಆಗಿದ್ದಾರೆ. ಜಗ್ಗೇಶ್ ತೆಗೆದುಕೊಂಡಿದ್ದ ಈ ಅಂಕಗಳಿಗೆ ಅವರ ತಂದೆ ನಡುರೋಡಲ್ಲಿ ಬೂಟಿನಲ್ಲಿ ಹೊಡೆದಿದ್ದರಂತೆ. ಅದಕ್ಕೆ ಮನನೊಂದು ಜಗ್ಗೇಶ್ ಅವರು ಆತ್ಮಹತ್ಯಗೆ ಯತ್ನಿಸಿದ್ದರು ಎಂಬ ವಿಚಾರವನ್ನು ಖುದ್ದು ಅವರೇ ಬಹಿರಂಗಪಡಿಸಿದ್ದಾರೆ.
ಪ್ರತಿ ವಿಚಾರದಲ್ಲೂ ಕನ್ನಡ ಅಭಿಮಾನ ಸಾರುವ ಜಗ್ಗೇಶ್ ಅವರು 10ನೇ ತರಗತಿ ಪರೀಕ್ಷೆಯಲ್ಲಿ ಕನ್ನಡದಲ್ಲೇ ಹೆಚ್ಚು ಅಂಕ ಪಡೆದುಕೊಂಡಿದ್ದಾರೆ ಎನ್ನುವುದು ವಿಶೇಷ. ತೃತೀಯ ಭಾಷೆ ಹಿಂದಿಯಲ್ಲಿ ಕಡಿಮೆ ಅಂಕ ಗಳಿಸಿಕೊಂಡಿದ್ದಾರೆ. ಹಾಗಾದ್ರೆ, ಜಗ್ಗೇಶ್ ಅವರ ಎಸ್ಎಸ್ಎಲ್ಸಿ ಅಂಕಗಳು ಎಷ್ಟು? ಮುಂದೆ ಓದಿ...
'ಡಿ ಬಾಸ್ ಜೊತೆ ಕೈ ಜೋಡಿಸಿ' ಎಂದ ಅಭಿಮಾನಿಗೆ ಜಗ್ಗೇಶ್ ಹೇಳಿದ್ದೇನು?
600ಕ್ಕೆ 342 ಅಂಕ
ಇಂದಿನ ಜಗ್ಗೇಶ್ ಅವರ ಮೂಲ ಹೆಸರು ಈಶ್ವರ. 1979ರಲ್ಲಿ ಎಸ್ಎಸ್ಎಲ್ಸಿ ಮುಗಿಸಿದ್ದಾರೆ. 10ನೇ ತರಗತಿಯಲ್ಲಿ ಒಟ್ಟು 600 ಅಂಕಗಳಿಗೆ ಪರೀಕ್ಷೆ ಬರೆದಿದ್ದು. 600ಕ್ಕೆ 342 ಅಂಕ ಪಡೆದು ಸೆಕೆಂಡ್ ಕ್ಲಾಸ್ನಲ್ಲಿ ಪಾಸ್ ಆಗಿದ್ದರು. ಅಂದ್ಹಾಗೆ, ಜಗ್ಗೇಶ್ ಶೇರ್ ಮಾಡಿರುವ ಎಸ್ಎಸ್ಎಲ್ಸಿ ಮಾರ್ಕ್ಸ್ ಕಾರ್ಡ್ ಸೆಕೆಂಡ್ ಕಾಪಿ ಎನ್ನುವುದು ಗಮನಿಸಬೇಕು.
ಅಂಕಗಳ ವಿವರ
ಪ್ರಥಮ ಭಾಷೆ - 150ಕ್ಕೆ 101 ಅಂಕ
ದ್ವಿತೀಯ ಭಾಷೆ - 100ಕ್ಕೆ 54 ಅಂಕ
ತೃತೀಯ ಭಾಷೆ - 50ಕ್ಕೆ 20 ಅಂಕ
ಗಣಿತ - 100ಕ್ಕೆ 57 ಅಂಕ
ವಿಜ್ಞಾನ - 100ಕ್ಕೆ 52 ಅಂಕ
ಸಮಾಜ ವಿಜ್ಞಾನ - 100ಕ್ಕೆ 58 ಅಂಕ
ಮಾಧ್ಯಮದ ಮುಂದೆ ಅಬ್ಬರಿಸಿದ ದರ್ಶನ್: ಫೇಸ್ಬುಕ್ನಲ್ಲಿ ಪೋಸ್ಟ್ ಹಾಕಿದ ಜಗ್ಗೇಶ್
ನಡುರಸ್ತೆಯಲ್ಲಿ ಹೊಡೆದಿದ್ದರು
ಅಂಕಪಟ್ಟಿ ಹಂಚಿಕೊಂಡ ಜಗ್ಗೇಶ್ ''ಇಂದಿನ ಜಗ್ಗೇಶ ಶಾಲೆಯ ಈಶ್ವರ. ಭಾಷಾಭಿಮಾನ ಬಾಲ್ಯದಿಂದ ಬಂದಾಗ ಮಾತ್ರ ಅವನು ಸಾಯುವವರೆಗೆ ಕನ್ನಡ ಹೃದಯ ಬಡಿತದ ಜೊತೆಯಲ್ಲೆ ಉಳಿಯುತ್ತದೆ. ಈ ಅಂಕೆಗೆ ಅಪ್ಪ ನಡುರೋಡಲ್ಲಿ ಬೂಟಿನಲ್ಲಿ ಹೊಡೆದಿದ್ದರು. ಮನನೊಂದು ಆತ್ಮಹತ್ಯಗೆ ಯತ್ನಿಸಿದ್ದೆ. ಒಂದು ವೇಳೆ ಹೋಗಿದ್ದರೆ ಇಂದು ಜಗ್ಗೇಶ ಸತ್ತವರಲ್ಲಿ ಒಬ್ಬ. ಮಕ್ಕಳ ತಂದೆ ತಾಯಿ ಹುರಿದುಂಬಿಸಿ. ಸಾಧಕ ಹುಟ್ಟುತ್ತಾನೆ' ಎಂದು ಟ್ವೀಟ್ ಮಾಡಿದ್ದಾರೆ.
Recommended Video
8 ರೂ ಶುಲ್ಕ, 2 ಸೆಟ್ ಯೂನಿಫಾರಂ
''ಆಗ ಶಾಲೆಯ ಶುಲ್ಕ 8 ರೂಪಾಯಿ. 2 ಸೆಟ್ ಯೂನಿಫಾರಂ. ಯಾವುದೇ ಟ್ಯೂಷನ್ ಇರ್ತಿರಲಿಲ್ಲ. ರಾಗಿ ಮುದ್ದೆ ತಿಂಡಿ. ಅಮ್ಮನ ಪ್ರೀತಿ ಮತ್ತು ಆರೈಕೆ. ನನ್ನ ಇಂದಿನ ಸಾಧನೆಗೆ ಪತ್ನಿಯ ಬೆಂಬಲ ಹಾಗೂ ರಾಯರ ಆಶೀರ್ವಾದ. ಮನಸಿದ್ದರೆ ಮಾರ್ಗ'' ಎಂದು ಜಗ್ಗೇಶ್ ಹೇಳಿದ್ದಾರೆ.