James box office collection day 2 :'ಜೇಮ್ಸ್' ಎರಡನೇ ದಿನದ ಕಲೆಕ್ಷನ್ ಎಷ್ಟು?

ಇದೆಲ್ಲ ಪುನೀತ್ ಅಣ್ಣನ ಪವರ್: ನಿರ್ಮಾಪಕ

ಸಿನಿಮಾದ ಕಲೆಕ್ಷನ್ ಬಗ್ಗೆ ನಿನ್ನೆ ಮಾಧ್ಯಮದೊಟ್ಟಿಗೆ ಮಾತನಾಡಿರುವ ನಿರ್ಮಾಪಕ ಕಿಶೋರ್ ಪತ್ತಿಕೊಂಡ, ಇದೆಲ್ಲ ಪುನೀತ್ ಅಣ್ಣನ ಪವರ್. ನನಗೆ ತಿಳಿದಿರುವಂತೆ ಈ ರೀತಿಯ ಓಪನಿಂಗ್ ಇನ್ಯಾವ ಸಿನಿಮಾಕ್ಕೂ ಸಿಕ್ಕಿಲ್ಲ. ಮುಂದಿನ ದಿನಗಳಲ್ಲಿಯೂ ಸಿಗುವುದಿಲ್ಲ. ಗಳಿಕೆಯಲ್ಲಿ ಮಾತ್ರವಲ್ಲ ಹಲವು ವಿಭಾಗಗಳಲ್ಲಿ ಈ ಸಿನಿಮಾ ಹಳೆಯ ರೆಕಾರ್ಡ್‌ಗಳನ್ನೆಲ್ಲಾ ಮುರಿದು ಹಾಕಿದೆ'' ಎಂದಿದ್ದಾರೆ.

ಈಗಾಗಲೇ ನೂರು ಕೋಟಿ ದಾಟಿದೆ!

ಸಿನಿಮಾವು ಮೊದಲ ದಿನ ಮೂವತ್ತು ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿರುವುದನ್ನು ಒಪ್ಪಿಕೊಂಡ ಅವರು, ಒಂದು ವಾರದ ಒಳಗಾಗಿ ಈ ಸಿನಿಮಾ ನೂರು ಕೋಟಿ ಕ್ಲಬ್ ಸೇರಲಿದೆ ಎಂದಿದ್ದಾರೆ. ಅಲ್ಲದೆ, ಸಿನಿಮಾದ ಡಿಜಿಟಲ್, ಸ್ಯಾಟಲೈಟ್, ಒಟಿಟಿ ಹಾಗೂ ಸಿನಿಮಾದ ಒಟ್ಟಾರೆ ಗ್ರಾಸ್ ಕಲೆಕ್ಷನ್ ಲೆಕ್ಕ ಹಾಕಿದರೆ ಸಿನಿಮಾ ಈಗಾಗಲೇ ನೂರು ಕೋಟಿಗೂ ಹೆಚ್ಚು ಹಣವನ್ನು ಕಲೆಕ್ಷನ್ ಮಾಡಿ ಆಗಿದೆ'' ಎಂದಿದ್ದಾರೆ ನಿರ್ಮಾಪಕ.

ಗ್ರಾಸ್ ಕಲೆಕ್ಷನ್ ಮೇಲೆ ತೆರಿಗೆ ಕಟ್ ಆಗುತ್ತೆ: ನಿರ್ಮಾಪಕ

ಸಿನಿಮಾದ ಗ್ರಾಸ್ ಕಲೆಕ್ಷನ್ ಎಷ್ಟಾಗಿದೆಯೊ ಅಷ್ಟೂ ನಿರ್ಮಾಪಕನಿಗೆ ಲಾಭ ಎನ್ನಲಾಗುವುದಿಲ್ಲ. ಮಲ್ಟಿಫ್ಲೆಕ್ಸ್‌ಗಳಲ್ಲಿ ಸರಾಸರಿ 50% ನೀಡಿದರೆ ಒಟ್ಟು ಗ್ರಾಸ್ ಕಲೆಕ್ಷನ್‌ಗೆ ತೆರಿಗೆ ರೂಪವಾಗಿ 20% ನೀಡಬೇಕಾಗುತ್ತದೆ. ಹಾಗಾಗಿ ಒಟ್ಟಾರೆ ಗ್ರಾಸ್ ಕಲೆಕ್ಷನ್ ನೂರು ಕೋಟಿ ಆದರೂ ಅದು ಲಾಭವಾಗಿ ನೂರು ಕೋಟಿ ಆಗಿರುವುದಿಲ್ಲ ಎಂಬ ಒಳ ಲೆಕ್ಕಾಚಾರವನ್ನೂ ಬಿಟ್ಟಿದ್ದರು ನಿರ್ಮಾಪಕ ಪತ್ತಿಕೊಂಡ.

ಪ್ರಿಯಾ ಆನಂದ್ ನಾಯಕಿ

'ಜೇಮ್ಸ್' ಸಿನಿಮಾವು ಮಾರ್ಚ್ 17 ರಂದು ಬಿಡುಗಡೆ ಆಗಿದ್ದು ಸಿನಿಮಾದಲ್ಲಿ ಎರಡು ಶೇಡ್‌ಗಳಲ್ಲಿ ಪುನೀತ್ ರಾಜ್‌ಕುಮಾರ್ ನಟಿಸಿದ್ದಾರೆ. ಡ್ರಗ್ಸ್ ವಿರುದ್ಧ ಹೋರಾಟದ ಕತೆಯನ್ನು ಈ ಸಿನಿಮಾ ಹೊಂದಿದೆ. ಜೊತೆಗೆ ಸ್ನೇಹದ ಬಗ್ಗೆ ಸಂದೇಶವನ್ನೂ ಸಾರುತ್ತಿದೆ. ಸಿನಿಮಾದಲ್ಲಿ ಪ್ರಿಯಾ ಆನಂದ್ ನಾಯಕಿಯಾಗಿ ನಟಿಸಿದ್ದಾರೆ. ಶ್ರೀಕಾಂತ್, ಶರತ್ ಕುಮಾರ್, ಆದಿತ್ಯ ಮೆನನ್ ಮುಖ್ಯ ವಿಲನ್‌ಗಳಾಗಿದ್ದಾರೆ. ರಂಗಾಯಣ ರಘು, ಅನು ಪ್ರಭಾಕರ್, ಚಿಕ್ಕಣ್ಣ, ತಿಲಕ್, ಶಯನ್ ಶೆಟ್ಟಿ, ಸಾಧು ಕೋಕಿಲ, ಸುಚೇಂದ್ರ ಪ್ರಸಾದ್, ಕಾಮಿಡಿ ಕಿಲಾಡಿಗಳು ನಯನ ಇನ್ನೂ ಹಲವಾರು ಮಂದಿ ಸಿನಿಮಾದಲ್ಲಿ ನಟಿಸಿದ್ದಾರೆ. ಸಿನಿಮಾವನ್ನು ಚೇತನ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ.