ಕರ್ನಾಟಕದ ಈ ಥಿಯೇಟರ್ ನಲ್ಲಿ 'ಕಾಲಾ' ರಿಲೀಸ್ ಆಗೋಯ್ತು.!

ರಾಧಿಕಾ ಚಿತ್ರಮಂದರಿದಲ್ಲಿ 'ಕಾಲಾ'

ಬಳ್ಳಾರಿಯ ರಾಧಿಕಾ ಚಿತ್ರಮಂದಿರದಲ್ಲಿ ರಜನಿಕಾಂತ್ ಅಭಿನಯದ 'ಕಾಲಾ' ಸಿನಿಮಾ ಪ್ರದರ್ಶನ ಕಾಣುತ್ತಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಈ ಮೂಲಕ ಕರ್ನಾಟಕದಲ್ಲಿ ಬಿಡುಗಡೆಯಾಗುವುದಿಲ್ಲ ಎಂದೇ ಹೇಳಲಾಗುತ್ತಿದ್ದ ಸಿನಿಮಾ ಕೊನೆಗೂ ತನ್ನ ಮೊದಲ ಶೋ ಆರಂಭ ಮಾಡಿದೆ.

11 ಗಂಟೆಯ ಬಳಿಕ ಮತ್ತಷ್ಟು ಚಿತ್ರಮಂದಿರಗಳಲ್ಲಿ 'ಕಾಲಾ'

ಇನ್ನು ಬೆಳಿಗ್ಗೆ 11 ಗಂಟೆಯ ನಂತರ ರಾಜ್ಯದ ಮತ್ತಷ್ಟು ಚಿತ್ರಮಂದಿರಗಳಲ್ಲಿ 'ಕಾಲಾ' ಸಿನಿಮಾ ಪ್ರದರ್ಶನವಾಗಲಿದೆ ಎಂಬ ಮಾಹಿತಿಯನ್ನ ಕರ್ನಾಟಕದ ಕಾಲಾ ವಿತರಕ ಕನಕಪುರ ಶ್ರೀನಿವಾಸ್ ನೀಡಿದ್ದರು. ಆದ್ರೆ, ನಿಖರವಾಗಿ ಯಾವ ಚಿತ್ರಮಂದಿರಗಳು ಎಂದು ಹೇಳಲಿಲ್ಲ.

ಹಲವು ಕಡೆ ಅರ್ಧಕ್ಕೆ ಸ್ಥಗಿತವಾದ 'ಕಾಲಾ'

ಇನ್ನು ಹಲವು ಚಿತ್ರಮಂದಿರಗಳು ಮಧ್ಯಾಹ್ನದ ನಂತರ 'ಕಾಲಾ' ಸಿನಿಮಾ ಪ್ರದರ್ಶನ ಮಾಡಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಇನ್ನು ಕೊಪ್ಪಳದ ಕಾರಟಗಿಯ ಲಕ್ಷ್ಮಿ ಚಿತ್ರಮಂದಿರದಲ್ಲಿ ಪ್ರದರ್ಶನವಾಗುತ್ತಿದ್ದ 'ಕಾಲಾ' ಚಿತ್ರವನ್ನ ಕರವೇ ಕಾರ್ಯಕರ್ತರು ಅರ್ಧದಲ್ಲೇ ತಡೆದಿದ್ದಾರೆ. ಇಲ್ಲಿಗೆ 'ಕಾಲಾ' ಅರ್ಧಕ್ಕೆ ಸ್ಥಗಿತವಾಗಿದೆ.

'ಕಾಲಾ' ಬದಲು ಜುರಾಸಿಕ್ ವರ್ಲ್ಡ್

ಇನ್ನು ತಮಿಳಿನ 'ಕಾಲಾ' ಸಿನಿಮಾ ಬಿಡುಗಡೆ ಮಾಡಲು ಸಿದ್ಧತೆ ಮಾಡಿಕೊಂಡಿದ್ದ ಬಹುತೇಕ ಚಿತ್ರಮಂದಿರಗಳು ಈಗ ಹಾಲಿವುಡ್ ಸಿನಿಮಾವನ್ನ ಪ್ರದರ್ಶನ ಮಾಡುತ್ತಿದೆ. 'ಜುರಾಸಿಕ್ ವರ್ಲ್ಡ್' ಸಿನಿಮಾ ಕೂಡ ಇಂದು ಬಿಡುಗಡೆಯಾಗಿದ್ದು, 'ಕಾಲಾ' ಬದಲು ಈ ಚಿತ್ರವನ್ನ ಪ್ರದರ್ಶನ ಮಾಡುತ್ತಿದ್ದಾರೆ.