ತಾಯಿಯ ಬಗ್ಗೆ ಕೆಟ್ಟದಾಗಿ ಮಾತನಾಡಿದವರ ವಿರುದ್ಧ ಗರಂ ಆದ ನಿರ್ದೇಶಕ ರಘುರಾಮ್

'ಯುವರತ್ನ' ಬಗ್ಗೆ ಪೋಸ್ಟ್ ಮಾಡಿದ್ದ ರಘುರಾಮ್

ನಟ ರಘುರಾಮ್ ಇತ್ತೀಚಿಗೆ ಯುವರತ್ನ ಟೀಸರ್ ರಿಲೀಸ್ ನ ಪೋಸ್ಟರನ್ನು ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದರು. ಆ ಪೋಸ್ಟ್ ಗೆ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ರೆ, ಇನ್ನು ಕೆಲವರು ತೀರ ಕೆಟ್ಟದಾಗಿ ಕಮೆಂಟ್ ಮಾಡುತ್ತಿದ್ದಾರೆ. ರಘು ವಿರುದ್ಧ ಕೆಲವರು ಕೆಟ್ಟದಾಗಿ ಕಮೆಂಟ್ ಮಾಡುವ ಜೊತೆಗೆ ಅವರ ತಾಯಿ ಹಾಗೂ ಕುಟುಂಬದವರನ್ನು ಮಧ್ಯೆ ಎಳೆದು ತರುತ್ತಿದ್ದಾರೆ.

ಬಕೆಟ್ ಹಿಡಿಯುವುದನ್ನು ಬಿಡಿ

ರಘುರಾಮ್ ಮಾಡಿದ ಪೋಸ್ಟ್ ಗೆ ಕೆಲವರು ಕೆಟ್ಟದಾಗಿ ಕಮೆಂಟ್ ಗಳನ್ನು ಮಾಡುತ್ತಿದ್ದಾರೆ. "ಮೊದಲು ಬೇರೆ ನಟರಿಗೆ ಬಕೆಟ್ ಹಿಡಿವುದನ್ನು ಬಿಡಿ, ಶಿವಣ್ಣ, ಅಪ್ಪು, ಸುದೀಪ್ ಅವರಿಗೆ ಬಕೆಟ್ ಹಿಡಿದು ಲೈಕ್ಸ್ ತಗೊಳ್ಳುವ ವ್ಯಕ್ತಿ ನೀನು". "ಟ್ಯಾಲೆಂಟ್ ಇದ್ದರೆ ಕೆಲಸ ಮಾಡಿ ಲೈಕ್ಸ್, ಹೊಗಳಿಕೆ ತಗೊಳ್ಳಿ. ಅದು ಬಿಟ್ಟು ಬರೀ ಬಕೆಟ್ ಇಡಿತಾರೆ" ಎಂದು ಕಮೆಂಟ್ ಮಾಡುತ್ತಿದ್ದಾರೆ. ಈ ಕಿತ್ತಾಟದಲ್ಲಿ ಮತ್ತೆ 'ಡಿ' ಹುಡುಗರ ಹೆಸರು ಸದ್ದು ಮಾಡುತ್ತಿದೆ.

ರಘುರಾಮ್ ಪ್ರತಿಕ್ರಿಯೆ

"ಯುವರತ್ನ ಟೀಸರ್ ರಿಲೀಸ್ ಗೆ ಸಂಬಂಧಿಸಿದ ಹಾಗೆ ಪೋಸ್ಟ್ ಮಾಡಿದ್ದೆ. ಆದ್ರೆ ಕೆಲವು ಪ್ರೀತಿ ತೋರಿಸಿದ್ರು. ಇನ್ನೂ ಕೆಲವರು ಕೆಟ್ಟದಾಗಿ ಮಾತನಾಡುತ್ತಿದ್ದಾರೆ. ಬೈಯುತ್ತಿದ್ದಾರೆ. ರಘುರಾಮ್ ಗೆ ಬೈಯುವ ಎಲ್ಲಾ ಹಕ್ಕು ನಿಮಗೆ ಇದೆ. ಆದ್ರೆ ತಾಯಿ ಬಗ್ಗೆ ಕುಟುಂಬದ ಬಗ್ಗೆ ಕೆಟ್ಟದಾಗಿ ಮಾತನಾಡಬೇಡಿ. ನನಗೂ ನಿಮಗಿಂತ ಕೆಟ್ಟದಾಗಿ ಮಾತನಾಡಲು ಬರುತ್ತೆ. ಆದ್ರೆ ಅದೂ ನನ್ನ ಸಂಸ್ಕೃತಿ ಅಲ್ಲ. ರಿಪ್ಲೈ ಮಾಡಬಾರದು ಅಂತ ಇದ್ದೆ, ಆದ್ರೆ ಮತ್ತಷ್ಟು ಜಾಸ್ತಿ ಮಾಡುತ್ತಿದ್ದೀರಿ" ಎಂದು ಹೇಳಿದ್ದಾರೆ.

ಕಾನೂನಿನ ಮೊರೆ ಹೋಗುವೆ

ನನ್ನ ಮತ್ತು ನಿಮ್ಮಲ್ಲಿ ಏನೆ ನಡೀಲಿ. ಆದ್ರೆ ಇದೂ ಮನೆತನಕ, ಕುಟುಂಬದ ತನಕ ಬಂದರೆ ನಾನು ಸುಮ್ಮನಿರಲ್ಲ. ಕಾನೂನಿನ ಮೂಲಕ ಕ್ರಮ ಕೈಗೊಳ್ಳಬೇಕುಗುತ್ತೆ. ಇದರ ಪರಿಣಾಮ ನೀವೆ ಎದುರಿಸಬೇಕಾಗುತ್ತೆ. ಮನೆಯವರೆಗೂ ಬಂದು ಹೊಡಿತೀನಿ ಅಂತ ಬೆದರಿಕೆ ಹಾಕುತ್ತಿದ್ದೀರಾ. ಮನೆ ವಿಳಾಸ ಬೇಕಾದರೆ ಕೊಡುತ್ತೇನೆ, ಬನ್ನಿ ಆದ್ರೆ ಕುಟುಂಬದ ಸುದ್ದಿಗೆ ಬರಬೇಡಿ" ಎಂದು ಎಚ್ಚರಿಕೆ ನೀಡಿದ್ದಾರೆ.