ಬಾಲಿವುಡ್ ಲೋಕಕ್ಕೆ ಜಿಗಿದ ಐಂದ್ರಿತಾ ರೈ!

ಬಾಲಿವುಡ್ ಚಿತ್ರದಲ್ಲಿ 'ಐಂದ್ರಿತಾ ರೈ'!

ಇದೇ ಮೊದಲ ಬಾರಿಗೆ ಬಾಲಿವುಡ್ ಚಿತ್ರದಲ್ಲಿ ನಟಿಸುತ್ತಿರುವ ಐಂದ್ರಿತಾ ರೈ, ರೊಮ್ಯಾಂಟಿಕ್ ಥ್ರಿಲ್ಲರ್ ಸಿನಿಮಾ ಮೂಲಕ ಹಿಂದಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.[ಮಗದೊಮ್ಮೆ 'ಐಟಂ ಗರ್ಲ್' ಆದ 'ಬಸಂತಿ' ಐಂದ್ರಿತಾ ರೇ.!]

ಸಲ್ಮಾನ್ ಖಾನ್ ಸಹೋದರ ನಾಯಕ!

ಇನ್ನೂ ಹೆಸರಿಡದ ಈ ಚಿತ್ರಕ್ಕೆ ಇಬ್ಬರು ನಾಯಕರು. ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಮತ್ತು 'ಶಾಂದರ್' ಖ್ಯಾತಿಯ ವಿಕಾಸ್ ಶರ್ಮಾ ಚಿತ್ರದಲ್ಲಿ ನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅರ್ಬಾಜ್ ಖಾನ್ ಗೆ ಐಂದ್ರಿತಾ ಜೋಡಿಯಾಗಿದ್ದಾರೆ.[ಸ್ಯಾಂಡಲ್ ವುಡ್ ಕಹಿಸತ್ಯಗಳನ್ನು ಬಿಚ್ಚಿಟ್ಟ ಐಂದ್ರಿತಾ ರೇ]

ಸ್ವಿಟ್ಜರ್ಲ್ಯಾಂಡ್ ನಲ್ಲಿ ಶೂಟಿಂಗ್!

ಈಗಾಗಲೇ ಈ ಚಿತ್ರದ ಶೂಟಿಂಗ್ ಆರಂಭವಾಗಿದ್ದು, ಬಹುತೇಕ ಚಿತ್ರೀಕರಣ ಸ್ವಿಸ್ ನ ಆರೋರ ನಗರದಲ್ಲಿ ನಡೆಯಲಿದೆ. ಸದ್ಯ, ಸ್ವಿಟ್ಜರ್ಲ್ಯಾಂಡ್ ನಲ್ಲಿ ನಡೆಯುತ್ತಿರುವ ಶೂಟಿಂಗ್ ನಲ್ಲಿ ಐಂದ್ರಿತಾ ರೈ ಭಾಗಿಯಾಗಿದ್ದಾರೆ.

'ಬೆಂಗಾಲಿ' ಚಿತ್ರದಲ್ಲೂ ಬ್ಯುಸಿ!

ಕನ್ನಡದಲ್ಲಿ ಇತ್ತೀಚೆಗೆ 'ನಿರುತ್ತುರ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಐಂದ್ರಿತಾ ರೈ, ಕೇವಲ ಬಾಲಿವುಡ್ ಮಾತ್ರವಲ್ಲ, ಬೆಂಗಾಲಿಯ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಹಿಂದಿ ಚಿತ್ರದ ಶೂಟಿಂಗ್ ಮುಗಿದ ನಂತರ 'ಬೆಂಗಾಲಿ' ಚಿತ್ರವೊಂದನ್ನ ಮುಗಿಸಿಲಿದ್ದಾರಂತೆ.