ಏನು... 'ಕೆಂಡಸಂಪಿಗೆ' ಬೆಡಗಿ ಮಾನ್ವಿತಾ ಹರೀಶ್ ಮದುವೆಯಾಗ್ಬಿಟ್ರಾ.?

'ಮದುವಣಗಿತ್ತಿ'ಯಾದ ಮಾನ್ವಿತಾ ಹರೀಶ್

'ಮದುವಣಗಿತ್ತಿ'ಯಂತೆ ಸಿಂಗಾರ ಮಾಡಿಕೊಂಡಿರುವ ನಟಿ ಮಾನ್ವಿತಾ ಹರೀಶ್ ಮದುವೆ ಇಂದು ನೆರವೇರಿದೆ. ಆದ್ರೆ, ಅದು ರಿಯಲ್ ಮದುವೆ ಅಲ್ಲ, ಬದಲಾಗಿ ರೀಲ್ ಮದುವೆ.

'ತಾರಕಾಸುರ' ಶೂಟಿಂಗ್

ರಾಜಶೇಖರ್ ಬಂಡಿಯಪ್ಪ ನಿರ್ದೇಶನ ಮಾಡುತ್ತಿರುವ 'ತಾರಕಾಸುರ' ಸಿನಿಮಾದಲ್ಲಿ ನಾಯಕಿ ಆಗಿ ಮಾನ್ವಿತಾ ಹರೀಶ್ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಬರುವ ಮದುವೆ ಸನ್ನಿವೇಶದ ಚಿತ್ರೀಕರಣ ಇಂದು ಬೆಂಗಳೂರಿನ ಛತ್ರವೊಂದರಲ್ಲಿ ನಡೆದಿದೆ.

ಮೊದಲ ಬಾರಿಗೆ ಮದುಮಗಳು

ಇಲ್ಲಿಯವರೆಗೂ ನಟಿಸಿರುವ ಚಿತ್ರಗಳ ಪೈಕಿ ಇದೇ ಮೊದಲ ಬಾರಿಗೆ ಮದುಮಗಳಾಗಿ ಮಾನ್ವಿತಾ ಹರೀಶ್ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ''ರಿಯಲ್ ಮದುವೆಗೆ ಇದೊಂಥರಾ ತಯಾರಿ ಇದ್ದ ಹಾಗೆ'' ಎನ್ನುತ್ತಾರೆ ನಟಿ ಮಾನ್ವಿತಾ ಹರೀಶ್.

ನಿಜಜೀವನದಲ್ಲಿ ಮದುವೆ ಯಾವಾಗ.?

ಸದ್ಯಕ್ಕೆ ಚಿತ್ರರಂಗದಲ್ಲಿ ಬಿಜಿಯಾಗಿರುವ ಮಾನ್ವಿತಾ ಹರೀಶ್ ಗೆ ನಿಜವಾಗಿಯೂ ಮದುವೆ ಆಗುವ ಯೋಚನೆ ಸದ್ಯಕ್ಕಿಲ್ಲ. ಮದುವೆ ಮ್ಯಾಟರ್ ಎತ್ತಿದ ಕೂಡಲೆ ನಕ್ಕು ಸುಮ್ಮನ್ನಾಗುತ್ತಾರೆ ನಟಿ ಮಾನ್ವಿತಾ ಹರೀಶ್.