KPL ಫಿಕ್ಸಿಂಗ್ ಪ್ರಕರಣ: ನಟಿಯರಿಗೆ ಶಾಕ್ ನೀಡಿದ ಕಮಿಷನರ್ ಭಾಸ್ಕರ್ ರಾವ್

ಗೌಪ್ಯ ವಿಚಾರಣೆ ಸಾಧ್ಯವಿಲ್ಲ

ಕೆಪಿಎಲ್ ಫಿಕ್ಸಿಂಗ್ ಪ್ರಕರಣದಲ್ಲಿ ಭಾಗಿಯಾರುವ ಅನುಮಾನದ ಮೇಲೆ ಕೆಲವು ಸಿನಿಮಾ ನಟಿಯರನ್ನು ವಿಚಾರಣೆ ನಡೆಸುವ ಸಾಧ್ಯತೆ ಇದೆ. ಕೆಲವು ನಟಿಯರು ಗೌಪ್ಯವಾಗಿ ವಿಚಾರಣೆ ಮಾಡಿ ಎಂದು ಪೋಲಿಸರನ್ನು ಸಂಪರ್ಕಿಸಿದ್ದಾರೆ ಎಂಬ ಸುದ್ದಿ ಕೇಳಿ ಬಂದಿದೆ. ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಭಾಸ್ಕರ್ ರಾವ್ ''ಈ ಪ್ರಕರಣದಲ್ಲಿ ಯಾರಿಗೂ ರಿಯಾಯಿತಿ ಇಲ್ಲ. ಸಿಸಿಬಿ ಕಚೇರಿಯಲ್ಲೇ ವಿಚಾರಣೆ ನಡೆಸುತ್ತೇವೆ'' ಎಂದಿದ್ದಾರೆ.

ಕೆಪಿಎಲ್‌ನಲ್ಲಿ ಫಿಕ್ಸಿಂಗ್; ಇಬ್ಬರು ಆಟಗಾರರು ಸಿಸಿಬಿ ವಶಕ್ಕೆ

ನೋಟಿಸ್ ಹೋಗಿದ್ಯಾ?

ಫಿಕ್ಸಿಂಗ್ ಪ್ರಕರಣದಲ್ಲಿ ಕೆಲವು ಸಿನಿಮಾ ನಟಿಯರು ಭಾಗಿಯಾಗಿರಬಹುದು ಎಂಬ ಅನುಮಾನವನ್ನು ಪೊಲೀಸರು ವ್ಯಕ್ತಪಡಿಸಿದ್ದರು. ಅಂತಹ ಕೆಲವರ ಅಗತ್ಯ ಬಿದ್ದರೆ ಅವರಿಗೆ ನೋಟಿಸ್ ನೀಡಿದ ವಿಚಾರಣೆ ಮಾಡ್ತೀವಿ ಅಥವಾ ಅವರೇ ತಪ್ಪು ಒಪ್ಪಿಕೊಂಡರೂ ಸ್ವಾಗತ'' ಎಂದು ಪೊಲೀಸರು ಹೇಳಿದ್ದರು. ಆದರೆ, ಆ ನಟಿಯರಿಗೆ ನೋಟಿಸ್ ನೀಡಲಾಗಿದ್ಯಾ? ವಿಚಾರಣೆಗೆ ಯಾರಾದರೂ ಸಿನಿಮಾ ನಟಿಯರು ಒಳಪಡ್ತಾರಾ ಎಂಬುದರ ಬಗ್ಗೆ ಮಾಹಿತಿ ನೀಡಿಲ್ಲ.

ಯಾರಿರಬಹುದು ಆ ನಟಿಯರು?

ಕೆಪಿಎಲ್ ಪಂದ್ಯ ಟೂರ್ನಿಗೆ ಸಂಬಂಧಿಸಿದ ಪಾರ್ಟಿ, ಕಾರ್ಯಕ್ರಮಗಳಲ್ಲಿ ತಂಡಗಳ ಜೊತೆ ಗುರುತಿಸಿಕೊಂಡಿದ್ದಾರೆ. ಎರಡ್ಮೂರು ಸಿನಿಮಾ ಮಾಡಿದ್ರೂ ದುಬಾರಿ ಕಾರು ಖರೀದಿಸಿದ್ದಾರೆ. ಕೆಲವರು ರಾಯಭಾರಿಗಳೂ ಆಗಿದ್ದಾರೆ. ಅವರಿಗೂ ಈ ಫಿಕ್ಸಿಂಗ್ ಗೆ ಸಂಬಂಧವಿರಬಹುದು ಎಂಬ ಅನುಮಾನ ವ್ಯಕ್ತಪಡಿಸಿರುವ ಪೊಲೀಸರು ಆ ನಟಿಯರು ಯಾರು ಎಂದು ಹೇಳಿಲ್ಲ. ಆದರೆ, ಈ ಅಂಶಗಳನ್ನು ಪರಿಗಣಿಸಿದ್ರೆ ಕೆಲವು ನಟಿಯರ ಮೇಲೆ ಅನುಮಾನ ಮೂಡುತ್ತಿದೆ.

ಕೆಪಿಎಲ್ ಫಿಕ್ಸಿಂಗ್: ಬೆಳಗಾವಿ ಪ್ಯಾಂಥರ್ಸ್ ಕೋಚ್ ಸುಧೀಂದ್ರ ಶಿಂಧೆ ಬಂಧನ

ನಟಿಯರಿಗೆ ಹೆಚ್ಚಿದ ಆತಂಕ

ಒಂದು ವೇಳೆ ಈ ಪ್ರಕರಣದಲ್ಲಿ ನಟಿಯರು ವಿಚಾರಣೆಗೆ ಒಳಪಟ್ಟರೆ ಅಂತವರ ಗೌರವಕ್ಕೆ ಧಕ್ಕೆ ಬರುವ ಸಾಧ್ಯತೆ ಇದೆ. ಆರೋಪ ಸಾಬೀತಾದರೇ ಬಂಧಿಸುವ ಸಾಧ್ಯತೆಯನ್ನು ಅಲ್ಲೆಗಳೆಯುವಂತಿಲ್ಲ. ಹಾಗಾಗಿ, ಗೌಪ್ಯ ವಿಚಾರಣೆಗೆ ಮನವಿ ಮಾಡಿರಬಹುದು. ಆದರೆ, ಈ ಪ್ರಕರಣವನ್ನ ಪೊಲೀಸರು ಗಂಭೀರವಾಗಿ ಪರಿಗಣಿಸಿರುವುದರಿಂದ ಅನುಮಾನಾಸ್ಪದ ನಟಿಯರಿಗೆ ಸಹಜವಾಗಿ ಆತಂಕ ಹೆಚ್ಚಿದೆ.