twitter
    For Quick Alerts
    ALLOW NOTIFICATIONS  
    For Daily Alerts

    ಈ ವಾರ ಬಿಡುಗಡೆಯಾಗುತ್ತಿರುವ ಕನ್ನಡ ಚಿತ್ರಗಳು

    By Harshitha
    |

    ಶುಕ್ರವಾರ ಬಂತೂಂದ್ರೆ ಸಾಕು. ಸಿನಿ ಪ್ರೇಮಿಗಳಿಗೆ ಹಬ್ಬ. ಈ ಶುಕ್ರವಾರ ಕೂಡ ಸಿನಿ ರಸಿಕರಿಗೆ ಖುಷಿ ನೀಡುವ ಸಾಲು ಸಾಲು ಸಿನಿಮಾಗಳು ರಿಲೀಸ್ ಆಗುತ್ತಿವೆ. ಆ ಎಲ್ಲಾ ಕನ್ನಡ ಚಿತ್ರಗಳ ಮಾಹಿತಿ ಇಲ್ಲಿದೆ ನೋಡಿ....

    ಲಾಂಗ್ ಗ್ಯಾಪ್ ನಂತರ ದುನಿಯಾ ಸೂರಿ ನಿರ್ದೇಶಿಸಿರುವ ಚಿತ್ರ 'ಕೆಂಡಸಂಪಿಗೆ' (ಪಾರ್ಟ್ 2 ಗಿಣಿಮರಿ ಕೇಸ್) ನಾಳೆ (ಸೆಪ್ಟೆಂಬರ್ 11) ಬಿಡುಗಡೆ ಆಗುತ್ತಿದೆ. ವಿಕ್ಕಿ (ಸಂತೋಷ್), ಮಾನ್ವಿತ, ರಾಜೇಶ್ ನಟರಂಗ, ಚಂದ್ರಿಕ ಮುಂತಾದವರು ಮುಖ್ಯಭೂಮಿಕೆಯಲ್ಲಿದ್ದಾರೆ. [ಕಡೆಗೂ 'ಕೆಂಡಸಂಪಿಗೆ'ಗೆ ಸಿಕ್ತು ಬಿಡುಗಡೆ ಭಾಗ್ಯ]

    kendasampige

    ಕ್ರೈಂ ಥ್ರಿಲ್ಲರ್ ಆಗಿರುವ ಈ ಚಿತ್ರದ ಕಥೆ ರಚಿಸಿರುವವರು ಸುರೇಂದ್ರನಾಥ್. ವಿ.ಹರಿಕೃಷ್ಣ ಸಂಗೀತ ನಿರ್ದೇಶನದ ಹಾಡುಗಳು ಈಗಾಗಲೇ ಗಾಂಧಿನಗರದಲ್ಲಿ ಸಖತ್ ಸುದ್ದಿ ಮಾಡಿದೆ.

    'ಕೆಂಡಸಂಪಿಗೆ' ಚಿತ್ರದ ಜೊತೆಗೆ ಈ ವಾರ 'ನಮಕ್ ಹರಾಮ್' ಚಿತ್ರ ಕೂಡ ತೆರೆಗೆ ಬರುತ್ತಿದೆ. ಗೋಲ್ಡನ್ ಸ್ಟಾರ್ ಗಣೇಶ್ ಸಹೋದರ ಮಹೇಶ್ ಚೊಚ್ಚಲ ಬಾರಿಗೆ ಬಣ್ಣ ಹಚ್ಚಿರುವ ಚಿತ್ರ ಇದು. ಆರ್.ಜೆ. ರ್ಯಾಪಿಡ್ ರಶ್ಮಿ ನಾಯಕಿಯಾಗಿ ನಟಿಸಿರುವ ಈ ಚಿತ್ರಕ್ಕೆ ನಾಗರಾಜ್ ಪೀಣ್ಯ ಆಕ್ಷನ್ ಕಟ್ ಹೇಳಿದ್ದಾರೆ.

    namak haram

    ರೌಡಿಸಂ ಚಿತ್ರವಾಗಿರುವ 'ನಮಕ್ ಹರಾಮ್' ನಿಹಾಲ್ ಮೂವೀಸ್ ಲಾಂಛನದಲ್ಲಿ ರೆಡಿಯಾಗಿದೆ. ಸತೀಶ್ ಆರ್ಯನ್ ಸಂಗೀತ ನೀಡಿದ್ದಾರೆ. ಲಾಂಗು-ಮಚ್ಚುಗಳ ಅಬ್ಬರವನ್ನ ನೋಡುವ ಬಯಕೆ ಇದ್ದರೆ 'ನಮಕ್ ಹರಾಮ್' ಚಿತ್ರವನ್ನ ಮಿಸ್ ಮಾಡ್ಬೇಡಿ.

    ಈಗಾಗಲೇ ಕುತೂಹಲ ಕೆರಳಿಸಿ ಅನೇಕ ನಿರ್ದೇಶಕರುಗಳ ಮೆಚ್ಚುಗೆಗೆ ಪಾತ್ರವಾಗಿರುವ 'ಗೀತಾ ಬ್ಯಾಂಗಲ್ ಸ್ಟೋರ್' ಚಿತ್ರ ಕೂಡ ಈ ಶುಕ್ರವಾರ ತೆರೆ ಕಾಣುತ್ತಿದೆ.

    geetha bangel store

    ಜತಿನ್ ಸಿನಿಮಾಸ್ ಸಂಸ್ಥೆಯಲ್ಲಿ ಸಿ.ಕೆಂಪರಾಜ್ ನಿರ್ಮಿಸಿರುವ ಚಿತ್ರ 'ಗೀತಾ ಬ್ಯಾಂಗಲ್ ಸ್ಟೋರ್'. ಮಂಜು ಮಿತ್ರ ಕಥೆ-ಚಿತ್ರಕಥೆ-ಸಂಭಾಷಣೆ ಬರೆದು ನಿರ್ದೇಶಿಸಿರುವ ಈ ಚಿತ್ರಕ್ಕೆ ವಿ.ಮನೋಹರ್ ರವರ ಸಂಗೀತ ಇದೆ. ಪ್ರಮೋದ್, ಸುಶ್ಮಿತಾ, ನೀನಾಸಂ ಅಶ್ವಥ್, ಮಂಡ್ಯ ರಮೇಶ್ ತಾರಾಗಣವಿದೆ.

    ಹೊಸಬರ ಹೊಸ ಪ್ರಯತ್ನವಾಗಿರುವ 'ಬಿಲ್ಲಾ' ಚಿತ್ರ ಕೂಡ ಇದೇ ವಾರ ರಿಲೀಸ್ ಆಗುತ್ತಿದೆ. ಕೃಷ್ಣದೇವ್, ಅಂಜನ, ಶ್ರವಂತ್ ತಾರಾಗಣದಲ್ಲಿರುವ 'ಬಿಲ್ಲಾ' ಚಿತ್ರಕ್ಕೆ ರಾಮ್ ನಾರಾಯಣ್-ಮಾಮಣಿ ನಿರ್ದೇಶನ ಮಾಡಿದ್ದಾರೆ.

    billa

    ಇನ್ನೂ ದಕ್ಷಿಣ ಭಾರತದಲ್ಲಿಯೇ ಮೊದಲ ಬಾರಿಗೆ ಸಂಪೂರ್ಣ ಸಲಿಂಗ ಕಾಮಿಗಳ ಕುರಿತಾಗಿ ರೆಡಿಯಾಗಿರುವ ಭಾವಾಜಿ ನಿರ್ದೇಶನ ಹಾಗು ನಿರ್ಮಾಣದ '141' ಐ ಲವ್ ಯು ಚಿತ್ರ ಕೂಡ ನಾಳೆ ಬಿಡುಗಡೆ ಆಗಲಿದೆ. ರಷ್ಯ ದೇಶದ ತಾನ್ಯ, ಶಿವಮೊಗ್ಗದ ಕಾವ್ಯ, ಫಾರೂಖ್ ಖಾನ್, ಮಿಶ್ರ ಮುಂತಾದವರು '141' ತಾರಾಗಣದಲ್ಲಿದ್ದಾರೆ. [ಸೆ.11ರಂದು ಸಲಿಂಗ ಕಾಮ ಕುರಿತ ಕನ್ನಡ ಚಿತ್ರ ತೆರೆಗೆ]

    141

    ಈ ಶುಕ್ರವಾರ ಸಿನಿ ಪ್ರಿಯರ ಮುಂದೆ ಇರುವ ಆಯ್ಕೆಗಳಿವು. ಇದರಲ್ಲಿ ಯಾವ ಚಿತ್ರವನ್ನ ನೋಡ್ಬೇಕು ಅಂತ ನೀವೇ ಡಿಸೈಡ್ ಮಾಡಿ...ಹ್ಹಾ, ಹಾಗೆ..ನಿಮ್ಮ ಆಯ್ಕೆಯನ್ನ ಕೆಳಗಿರುವ ಕಾಮೆಂಟ್ ಬಾಕ್ಸ್ ನಲ್ಲಿ ನಮಗೆ ತಿಳಿಸಿ....

    English summary
    Duniya Soori Directorial 'Kendasampige', Mahesh starrer 'Namak Haram', 'Billa', '141', 'Geetha Bangle Store' movies are releasing this week (September 11th). Here is the complete report on all the movies. Take a look.
    Thursday, September 10, 2015, 9:31
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X