ಮಾಧ್ಯಮ ವರದಿಗಾರರೊಂದಿಗೆ ಕೆಜಿಎಫ್ 2 ಚಿತ್ರತಂಡದ ಕಿರಿಕ್

ಕೆಜಿಎಫ್ 2 ಸಿನಿಮಾದ ಚಿತ್ರೀಕರಣ ಮಲ್ಪೆಯ ಸುಂದರ ಕಡಲ ತೀರದಲ್ಲಿ ನಡೆಯುತ್ತಿದೆ. ಇಷ್ಟು ದಿನ ಬೆಂಗಳೂರಿನ ಸ್ಟುಡಿಯೋದಲ್ಲಿ ನಡೆದ ಚಿತ್ರೀಕರಣ ಇಂದಿನಿಂದ ಮಂಗಳೂರ ಕಡಲ ಕಿನಾರೆಗೆ ವರ್ಗಾವಣೆ ಆಗಿದೆ.

ಆದರೆ ಕೆಜಿಎಫ್ 2 ಚಿತ್ರೀಕರಣದ ಕುರಿತು ವರದಿ ಮಾಡಲು ತೆರಳಿದ್ದ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಚಿತ್ರತಂಡ ಕಿರಿಕ್ ಮಾಡಿಕೊಂಡಿದೆ ಎಂದು ವರದಿಯಾಗಿದೆ.

ದೇಶದ ಗಮನ ಸೆಳೆದಿರುವ ಸಿನಿಮಾ ಕೆಜಿಎಫ್ 2 ಚಿತ್ರೀಕರಣ ಕುರಿತಾಗಿ ವರದಿ ಮಾಡಲು ಹಲವು ವರದಿಗಾರರು ಮಲ್ಪೆ ಕಡಲ ತೀರಕ್ಕೆ ತೆರಳಿದ್ದರು. ಆದರೆ ಅವರ್ಯಾರನ್ನೂ ಚಿತ್ರೀಕರಣದ ಹತ್ತಿರ ಬಿಡಲಾಗಿಲ್ಲ. ಅಲ್ಲಿದ್ದ ಬೌನ್ಸರ್‌ಗಳು ಮಾಧ್ಯಮದವರನ್ನು ತಡೆದಿದ್ದಾರೆ.

Recommended Video

ಮಾಧ್ಯಮ ಪ್ರತಿನಿಧಿಗಳಿಗೆ ಅಡ್ಡಿಯಾಗಿದ್ದಕ್ಕೆ ವರದಿಗಾರರು ಹಾಗೂ ಚಿತ್ರತಂಡದ ನಡುವೆ ಮಾತಿನ ಚಕಮಕಿ ನಡೆದಿದೆ. ಆ ನಂತರ ಚಿತ್ರತಂಡ ಸ್ಪಷ್ಟನೆ ನೀಡಿದ್ದು, 'ಸಿನಿಮಾ ಬಗ್ಗೆ ನಾವುಗಳೇ ಸಮಯ ಬಂದಾಗ ಮಾಧ್ಯಮಗಳಿಗೆ ಮಾಹಿತಿ ನೀಡುತ್ತೇವೆ' ಎಂದು ಹೇಳಿದ್ದಾರೆ.